Superliga e Europës, Gjykata e Madridit “shuplakë” UEFA-s dhe FIFA-s

Një vendim i gjykatës së Madridit vendosi në favor të Superligës së Europës në mosmarrëveshjen që ka me UEFA-n dhe FIFA-n. Të dyja organizatat akuzohen për “abuzim të pozicionit dominues dhe pengim të konkurrencës së tregut të lirë”.

Gjyqtarja Sofía Gil García konsideron se UEFA dhe FIFA “shkelin nenet 101 dhe 102 të Traktatit për Funksionimin e Bashkimit Evropian”.

Lexo edhe: 

• Rama kritikon arbitrin Taylor: Kishte ardhur për të ngrënë drekë, na solli shiun në Tiranë
• PSG gjen portier në Rusi, synohet 25-vjeçari i Krasnodar
• Sommer: Ky sezon ishte shumë i mirë për mua, tani jam gati për EURO 2024
• Shpendi: Ky ishte një vit i rëndësishëm për mua, jam rritur shumë

Në vendimin e saj, gjykata urdhëron UEFA-n dhe FIFA-n që të “ndalojnë sjelljen antikonkurruese dhe të ndalojnë përsëritjen e saj në të ardhmen”.

Të dyja organizatat urdhërohen gjithashtu që “të eliminojnë menjëherë të gjitha efektet e veprimeve antikonkurruese që kanë ndodhur para ose gjatë kësaj procedure”, e cila filloi më 18 prill 2021, kur ESLC (Kompania e Superligës Evropiane) njoftoi krijimin e Superligës.