A po e kupton dhe presidenti amerikan se ç’palo njeri është kryeministri izraelit?

Radioja e Ushtrisë Izraelite raportoi se ndihmësit e Presidentit të SHBA-së Donald Trump e kanë informuar ministrin Izraelit të Çështjeve Strategjike Ron Dermer se presidenti i SHBA-së ka vendosur të ndërpresë kontaktin me kryeministrin Benjamin Netanyahu.

Radioja izraelite sqaroi se njerëz të afërt me Trump-in e informuan Dermer-in se Netanyahu po manipulonte presidentin amerikan, duke theksuar se Trumpi e urren më shumë se çdo gjë tjetër të perceptohet si një person që mund të manipulohet.

Radioja citoi një zyrtar izraelit të ketë thënë se sjellja arrogante e ministrit Dermer në bisedimet me zyrtarë të lartë republikanë nuk ishte e dobishme.

Netanyahu nuk dëshiron përparim në marrëveshjet

Nga ana tjetër, gazeta izraelite Israel Hayom raporton deklarata nga burime pranë Trump që konfirmojnë se marrëdhëniet midis presidentit amerikan dhe Netanyahu-t kanë arritur në pikën e tyre më të ulët.

“Netanyahu po na manipulon, ai nuk po zbaton atë për të cilën kemi rënë dakord dhe nuk dëshiron të bëjë përparim në marrëveshje”, shtuan ata.

Ata theksuan se aktualisht pritet që Netanyahu të ndërmarrë hapat e nevojshëm për të realizuar vizionin e Trump-it për Lindjen e Mesme, por se ai refuzon të bashkëpunojë në mbështetjen e këtyre hapave.

Në të kundërt, gazeta citoi një zyrtar izraelit të thoshte se Trump po e margjinalizon Netanyahu-n derisa ai të rikthehet në rrugën e duhur, duke shtuar: “Problemi është se, përveçse na përjashton nga zhvillimet, Trump as nuk do ta vizitojë Izraelin”.

Një zyrtar izraelit i kërkoi administratës Trump “të jetë e vetëdijshme për ndjeshmërinë politike dhe publike të çdo deklarate në lidhje me një shtet palestinez në këtë kohë”, duke vënë në dukje se “Dermer kaloi orë të tëra duke hartuar formulime që do të sugjeronin gatishmërinë e Izraelit për të krijuar një shtet palestinez në të ardhmen”.

Trump i “zhgënjyer” me Netanyahun

Gazeta Israel Hayom konfirmoi më parë se Trump është “i zhgënjyer” me kryeministrin Netanyahu dhe synon të ndërmarrë “hapa” në Lindjen e Mesme “pa e pritur atë”.

Që nga fillimi i mandatit të tij të ri presidencial, më 20 janar 2025, Trump i ka ofruar lloje të ndryshme mbështetjeje të pakufizuar qeverisë Netanyahu, e cila ka zhvilluar një luftë gjenocile kundër palestinezëve në Rripin e Gazës që nga 7 tetori 2023.

Shkaku i luftës ishte sulmi i Hamasit ndaj Izraelit.

Pavarësisht kësaj, gazeta izraelite deklaron, duke cituar burime të paidentifikuara, se ka një “rënie në marrëdhëniet personale dhe zhgënjim të ndërsjellë midis Netanyahu-t dhe Trump-it”.

Gazeta shtoi se dy burime të larta pranë Trump-it thanë, në diskutime me dyer të mbyllura ditët e fundit, se Trump kishte vendosur të mos priste më Izraelin dhe po ecte përpara me ndërmarrjen e hapave në Lindjen e Mesme pa “pritur Netanyahu-n”.

Burimet nuk specifikuan se çfarë hapash specifikë planifikon të ndërmarrë Trump në mënyrë të njëanshme, por ka ankesa në Tel Aviv se Trump ndonjëherë vepron pa koordinim me Izraelin.

Shembulli më i fundit i kësaj është marrëveshja e armëpushimit e arritur midis Shteteve të Bashkuara dhe grupit Huthi të Jemenit, e cila nuk e përfshin Izraelin dhe nuk është njoftuar paraprakisht. /tesheshi.com/