Urimi i Thaçit për Vitin e Ri 2020: Dashuri, lumturi, respekt (Video)

Presidenti i Kosovës, Hashim Thaçi, ka uruar qytetarët e vendit me rastin e ndërrimit të motmotit me dëshirën që të ketë më shumë solidaritet dhe konsideratë në mes njëri-tjetrit pa dallim etnie, religjioni dhe statusi social.

Ai në një video-mesazh në Facebook ka uruar për një vit sa më të mbarë për gjithë qytetarët dhe Republikën e Kosovës.

Video-mesazhi i presidentit Thaçit:

Të dashur qytetarë,

Në këtë natë të ndërrimit të moteve secilit prej nesh i duhet edhe më shumë solidaritet dhe konsideratë për njeri-tjetrin në rrafshin njerëzor, pa dallim etnie, religjioni dhe statusi social.

Na duhet më shumë dashuri dhe mbi të gjitha lumturi familjare dhe respekt njerëzor. Na duhet t’i çmojmë të mirat që kemi. Të mos harrojmë të tashmen, duke shikuar në të ardhmen.

Duke besuar në vlerat tona, në synimet dhe ëndrrat tona si individë dhe si shoqëri, uroj që viti 2020 të jetë i mbarë për ju, familjet tuaja dhe Republikën e Kosovës.

Urime viti 2020! HTH