Arrestohet kandidati për deputet në Shqipëri, u kap me drogë

Policia e Sarandës ka arrestuar Ergys Isufin, kandidat i forcës politike “Shqipëria Bëhet”, pasi është kapur në flagrancë me lëndë narkotike.

Burime zyrtare bëjnë me dije se menjëherë pas ndalimit të tij, shërbimet policore kanë nisur kontrollet në banesën e Isufit për të zbuluar nëse posedonte sasi të tjera të drogës apo sende të tjera të kundërligjshme.

Ndaj tij janë ngritur dyshime për trafikim apo shpërndarje të lëndëve narkotike, por hetimet janë në vijim për të përcaktuar saktësisht rrethanat e ngjarjes dhe përfshirjen e tij në veprimtari të jashtëligjshme.