“Prokuroria s’ka asnjë bazë”- avokati i policit të dyshuar për dhunimin e së miturës flet për Insajderin

Enis Sefa, zyrtar policor, iu caktua masa e paraburgimit nga Gjykata Themelore në Gjakovë nën dyshimin për veprat penale “Dhunimi” dhe “ngacmimi”.

Vendimin po e kundërshton Prek Kola, avokati i Sefës, duke thënë se Prokuroria Themelore në Gjakovë s’ka asnjë bazë për veprën penale “dhunimi”. Kola në një prononcim për Insajderin bëri të ditur se do ta ankimojnë rastin deri në Supreme, meqë sipas tij Prokuroria s’ka bazë ligjore për pretendimet.

“Sot ka qenë seanca, është caktuar paraburgimi prej 30 ditësh, nën dyshimin se ka kryer veprën penale të ngacmimin dhe dhunimin. Sipas Prokurorisë nuk ka as dyshim të bazuar për këtë veprën e dhunimit, për shkak se Prokuroria po thirret që në vitin 2022 janar ka pasur marrëdhënie seksuale me të miturën kur ajo ka pasur 15 vjeç. Ndërsa, i mbrojturi im deklaron se në nëntor të vitit 2022 kam pasur marrëdhënien e fundit dhe e kam prishë këtë lidhje që një vit, deri në ditën e djeshme që është lajmëruar rasti”, ka sqaruar ai.

“E mitura i ka pasur 16 vjeç, me pëlqimin e ksaj e kanë bë njëfarë videoje me dëshirë në muajin nëntor. Videoja kinse në rrjete sociale, në ‘Instagram’ është kah i shkon kësaj çikës dhe të dashurit të vetë, i ka shkuar prej profileve falso”, ka deklaruar ndër të tjera avokati i Sefës.

Kola e ka komentuar kërkesën për paraburgim të Prokurorisë së Gjilanit, ku kërkohet paraburgimi për shkak të rrezikut për arratisje. Ai ka thënë se një gjë e tillë s’do ishte e mundur të ndodhte, meqë klienti I tij ishte zyrtar policor.

Gazeta Insajderi më herët raportoi ekskluzivisht për dosjen e Prokurorisë së Gjakovës. Në këtë dosje pretendohet se Enis Sefa ka kryer marrëdhënie seksuale me forcë me të dëmtuarën në kohën kur ajo s’i kishte mbushur 16 vjet.