Tronditen familjarët, gjejne te varur njeriun e zemres

Një ngjarje e rëndë ka tronditur lagjen “Pavarësia” në Vlorë paraditen e sotme, ku familjarët kanë gjetur të vetëvarur shtetasin R. R., 72 vjeç. Viktima ishte i punësuar si roje në një pallat në ndërtim në zonën “Pavarsia 2”, ku edhe u gjet trupi i pajetë rreth orës 10:00 të mëngjesit.

Sipas njoftimit zyrtar të Policisë së Vlorës, dyshimet e para të grupit hetimor drejtohen nga kushtet e rënduara psikologjike në të cilat mund të ketë ndodhur 72-vjeçari. Familjarët e tij ishin ata që e gjetën trupin dhe njoftuan menjëherë autoritetet.

Edhe pse identiteti i plotë i viktimës nuk është bërë ende publik, mediat lokale kanë raportuar për ngjarjen, duke theksuar gjithashtu dyshimet e policisë për një vetëvrasje të kryer në kushte psikologjike të vështira.

Hetimet nga ana e Policisë së Vlorës vijojnë intensivisht për të zbardhur të gjitha rrethanat që çuan në këtë akt tragjik. Ende nuk ka detaje të tjera nëse 72-vjeçari kishte shfaqur më parë shenja të problemeve psikologjike apo nëse kishte ndonjë histori të tillë. Pritet që ekspertiza mjeko-ligjore të hedhë më shumë dritë mbi këtë rast të rëndë.