“Shuplaka” e Papës për SHBA-në dhe Izraelin

“Është e turpshme dhe e padenjë që forca mbizotëron mbi të drejtën ndërkombëtare”, tha Papa Leo XIV për Lindjen e Mesme.

“Si mund të besojnë disa, pas kaq shumë shekujsh historie, se operacionet ushtarake mund të sjellin paqe dhe se ato nuk drejtohen kundër atyre që i kryejnë ato?”, shtoi Papa Prevost.

“Është e turpshme dhe e padenjë që forca mbizotëron mbi të drejtën ndërkombëtare”, tha Papa Leo XIV për Lindjen e Mesme, duke aluduar qartë te SHBA-ja dhe Izraeli.

Në fjalimin e tij duke iu drejtuar klerit të Kishave Katolike të Lindjes, Papa Leo XIV iu referua zhvillimeve të fundit në Lindjen e Mesme, duke thënë:

“Është e turpshme dhe e padenjë që pushteti të mbizotërojë mbi të drejtën humanitare dhe ndërkombëtare, është për të ardhur keq të imponohet ligji i më të fortit për të legjitimuar interesa specifike.

E gjithë kjo është e papranueshme, e turpshme për njerëzimin dhe për ata që janë përgjegjës për kombet. Si mund të besojnë disa, pas kaq shumë shekujsh historie, se operacionet ushtarake mund të sjellin paqe dhe se ato nuk drejtohen kundër atyre që i kryejnë ato?”, shtoi Papa Prévost, i cili në fund nënvizoi:

“Si mund ta injorojnë disa dëshirën e popujve për paqe, me propagandën e rreme të armatimeve, me iluzionin se superioriteti mund të zgjidhë problemet, ndërsa ushqen urrejtjen dhe hakmarrjen? Bota është gjithnjë e më e vetëdijshme se sa para përfundojnë në xhepat e tregtarëve të vdekjes, para që mund të përdoren për të ndërtuar shkolla dhe spitale. Në vend të kësaj, ato ekzistuese po shkatërrohen.” /tesheshi.com/