I riu vret të fejuarën pasi mbeti shtatzënë nga përdhunimi – VIDEO

Një krim i tmerrshëm ka tronditur opinionin publik në Turqi, ku një 18-vjeçare shtatzënë, Oya Budak, është vrarë nga ish-i fejuari i saj, Samet A. Ngjarja e rëndë po cilësohet nga mediat turke si një “vrasje nderi”.

Tragjedia ndodhi në Stamboll, ku e reja, e cila ishte në muajin e pestë e gjysmë të shtatzënisë, u qëllua me armë zjarri në gjoks dhe në vesh pas një takimi me 19-vjeçarin, i cili më herët kishte abu*uar s8ek*ual1sht me të.

Sipas raportimeve të Ekol TV, Oya kishte shkuar në takim e shoqëruar nga vëllai i saj 13-vjeçar, ndërsa Samet A. kishte kërkuar të fliste vetëm me të. Gjatë takimit, në rrethana që ende po hetohen nga autoritetet, 19-vjeçari nxori armën dhe e qëlloi disa herë Oyan, duke e lënë të plagosur rëndë në vend.

Pas kryerjes së krimit, autori u largua menjëherë me makinën e të atit, ndërsa banorët e zonës njoftuan menjëherë policinë. E reja u transportua me urgjencë në spital dhe iu nënshtrua një ndërhyrjeje kirurgjikale, por fatkeqësisht mjekët nuk arritën të shpëtonin as Oyan dhe as foshnjën e saj të palindur.

Autori i dyshuar u kap më vonë nga policia në shtëpinë e xhaxhait të tij dhe u arrestua. Ai u shoqërua në prokurori, ku gjatë daljes para gazetarëve shfaqi një mungesë të plotë pendese për aktin e tij. Kur një gazetar e pyeti se përse e kishte vrarë Oyan, përgjigjja e tij ishte e ftohtë dhe tronditëse: “Nuk pendohem, largohu!”

Ky krim i rëndë ka shkaktuar indinjatë të madhe në Turqi dhe ka rihapur debatin e dhimbshëm mbi vrasjet e nderit dhe dh.nën ndaj grave. Shoqëria civile dhe organizatat për të drejtat e grave kanë kërkuar masa më të ashpra ligjore dhe ndërgjegjësim të shoqërisë për të parandaluar tragjedi të tilla në të ardhmen.

Sarıyer’de, eski nişanlısı 18 yaşındaki Oya Budak’ı öldüren katil zanlısı, emniyetteki işlemlerinin ardından adliyeye sevk edildi.

Muhabirimizin, “Neden yaptın, hiç mi vicdanın sızlamadı?” sorusuna ise “İyi yaptım, pişmanlık duymuyorum. Hadi, yürü lan!” diye cevap verdi. https://t.co/KCuvfnR2C0 pic.twitter.com/mqBQNRqRsG

— Ekol TV (@ekoltvv) June 26, 2025