Ajo theksoi se në Hagë nuk po gjykohet fati personal i katër ish-krerëve të UÇK-së, por, sipas saj, edhe lufta çlirimtare dhe historia e Kosovës.

Çitaku nënvizoi se vendimi do të ketë ndikim edhe në të ardhmen e Kosovës, duke shprehur shpresën që të katër ish-krerët të kthehen të lirë.

“Është shumë rëndësishme me kuptu secili që më 16 shtator në Hagë nuk vendoset për fatin personal të 4 burrave, dhe është shumë rëndësishme të kuptohet që në burg në Hagë nuk është Hashim Thaçi i PDK-së, është Hashim Thaçi i UÇK-së, i Kosovës. Nuk është Rexhep Selimi i VV-së, është i Kosovës, Kadri Veseli i Kosovës, Jakup Krasniqi i Kosovës, nuk po gjykohet vetëm historia jonë, vetëm lufta çlirimtare, është një verdikt që do të ketë pasoja edhe për të ardhmen. Shpresoj që të katërtit bashkë të kthehen të lirë”, tha Çitaku.

Ajo gjithashtu bëri thirrje që qytetarët më 12 shtator të jenë në Prishtinë, për të marrë pjesë në protestën në mbështetje të ish-krerëve të UÇK-së.

Sipas të dhënave të bëra publike nga hetimi, Sinani ka qenë ndër të dyshuarit që në momentet e para pas denoncimit në Komisariatin nr. 6 në Tiranë. Megjithatë, në fazat fillestare të hetimit nuk kishte prova të mjaftueshme për ta akuzuar drejtpërdrejt për vjedhjen.

Automjeti që çoi hetuesit te 26-vjeçari Pas këqyrjes së pamjeve të kamerave të sigurisë, hetuesit kanë identifikuar një automjet që dyshohet se është përdorur gjatë vjedhjes. Makina është gjetur e fshehur në një servis në zonën e “Astirit” në Tiranë.

Sipas hetimit, Policia dhe Prokuroria i kanë kërkuar Leonardo Sinanit të tregonte vendndodhjen e automjetit dhe ta dorëzonte atë. 26-vjeçari dyshohet se ka dhënë shpjegime të ndryshme, duke pretenduar se makinën ia kishte dhënë një shoku.

Personi i përmendur prej tij është shoqëruar dhe marrë në pyetje, por ka deklaruar se nuk kishte marrë asnjë automjet nga Sinani.

Në këto kushte, 26-vjeçari është arrestuar fillimisht për veprën penale “Veprime që pengojnë zbulimin e së vërtetës”. Pas rreth 24 orësh ai është liruar, ndërsa, sipas të dhënave të hetimit, kjo situatë është përdorur nga autoritetet për të krijuar përshtypjen se ndaj tij nuk kishte më masa për vjedhjen.

Përgjimet dhe dëshmia e bashkëpunëtorit Gjatë qëndrimit në ambientet e shoqërimit, Sinani është përgjuar duke biseduar me persona të tjerë të dyshuar për vjedhjen. Sipas materialit hetimor, në këto biseda ai ka folur për faktin se mendonte se i ishte shmangur përgjegjësisë për vjedhjen e banesës së xhaxhait.

Në të njëjtën kohë, një prej të dyshuarve, Kleand Tomja, ka vendosur të bashkëpunojë me autoritetet dhe, sipas hetimit, ka rrëfyer dinamikën e ngjarjes.

Tomja dyshohet se ka treguar për planifikimin e vjedhjes, mënyrën e hyrjes në banesë, ndarjen e parave në zonën e stadiumit “Air Albania” dhe fshehjen e automjeteve në një servis në zonën e “Astirit”.

“Lirimi” që u pasua nga arrestimi i dytë Pas mbledhjes së këtyre të dhënave, hetuesit kanë ndërmarrë një tjetër veprim ndaj Sinanit.

Sipas materialit, 26-vjeçari është nxjerrë nga ambientet e paraburgimit dhe është thirrur në zyrën e oficerëve të Policisë në Komisariatin nr. 6, ku i është komunikuar urdhri për lirimin.

Por menjëherë pas këtij njoftimi, atij i është komunikuar një tjetër urdhër arresti, këtë herë në kuadër të hetimit për vjedhjen.

Bashkë me Leonardo Sinanin, urdhër-arrestet janë lëshuar edhe për Mark Hilën, Antonio Budinin dhe Kleand Tomën, të dyshuar për veprat penale “Vjedhje” dhe “Mbajtja pa leje e armëve të zjarrit dhe municionit”.

Leonardo Sinani, Mark Hila dhe Kleand Tomja janë arrestuar dhe, sipas të dhënave të publikuara, Gjykata e Tiranës ka caktuar masën e sigurisë “arrest në burg” për ta. Ndërkohë, Antonio Budini, nga Lezha, vijon të jetë në kërkim.

Si dyshohet se u organizua vjedhja Sipas hetimit, mbrëmjen e 14 gushtit, Durim Sinani kishte shkuar në një lokal në fshatin Ibë të Tiranës për të festuar ditëlindjen e bashkëshortes. Në festë kishte ftuar edhe nipin e tij, Leonardo Sinanin.

Sipas akuzës, ndërsa ndodhej në festën familjare, 26-vjeçari dyshohet se ka koordinuar veprimet me tre persona të tjerë, Kleand Tomën, Mark Hilën dhe Antonio Budinin, duke u dhënë atyre orientimet për banesën.

Durim Sinani ka deklaruar se gjatë qëndrimit në lokal kishte vënë re përmes telefonit se kamerat e sigurisë së banesës nuk po funksiononin. Ai kishte parë gjithashtu në një prej kamerave një person jashtë portës, por nuk kishte menduar se bëhej fjalë për një situatë të rrezikshme.

Rreth orës 01:00, pas përfundimit të darkës, familjarët janë kthyer në banesë, ku kanë konstatuar shenjat e vjedhjes.

Sipas deklarimit të Durim Sinanit, në katet e dyta dhe të treta kishte rrëmujë, ndërsa dyert e brendshme ishin hapur me forcë dhe bravët ishin dëmtuar. Në banesë, sirtarët ishin kontrolluar dhe kutitë e bizhuterive ishin gjetur bosh.

Paratë, sipas kallëzimit, mbaheshin në një kuti në një dhomë pranë kuzhinës, në katin e tretë, por kutia ishte bosh.

Në dëshminë e tij, Durim Sinani ka deklaruar se nga banesa ishin marrë rreth 27 milionë lekë, si dhe bizhuteri floriri me vlerë rreth 5 milionë lekë.

Hetimi vijon për dokumentimin e plotë të ngjarjes, përcaktimin e rolit të secilit prej të dyshuarve dhe lokalizimin e personit që vijon të jetë në kërkim.

Në postimin e tij, ai shkruam se vetëm në muajin gusht janë shënuar mbi 1.7 milionë pasagjerë, ndërsa rekordi ishte më 17 gusht, ku shprehet se aeroporti përpunoi 60,291 pasagjerë dhe 326 fluturime brenda një dite.

“Vijojnë shifrat e larta në Aeroportin Ndërkombëtar të Tiranës, me 1.717 milion pasagjerë të përpunuar vetëm gjatë këtij muaji, deri më 27 gusht.

Rekord më 17 gusht, kur aeroporti përpunoi 60,291 pasagjerë dhe 326 fluturime brenda një dite të vetme.

Edhe gjatë muajit korrik Aeroporti Ndërkombëtar i Tiranës ka përpunuar afro 1.65 milion, 28.1% më i lartë se në të njëjtin muaj të vitit të kaluar.

Në raportin e saj të prillit 2026 për trafikun aeroportual, organizata europiane e aviacionit civil e renditi sërish Tiranën si aeroportin me rritjen më të shpejtë mujore në kategorinë e aeroporteve të mëdha”, shkruan Rama.

BDI akuzon se drejtori i këtij institucioni, i cili ka për detyrë të mbrojë dhe promovojë të drejtat e komuniteteve, ka lavdëruar persona të dënuar për krime kundër njerëzimit.

Nga BDI thonë se një veprim i tillë është i papranueshëm dhe kërkojnë shkarkimin e drejtorit.

Ndërkohë, VLEN ka dënuar çdo glorifikim të çetnikëve dhe veçanërisht të Ratko Mlladiqit, i dënuar për gjenocid dhe krime të tjera të rënda.

VLEN thekson se kjo nuk është çështje bindjesh personale, por e standardeve që duhet të respektojë një zyrtar publik.

 

 

Sipas VLEN-it, kush nuk respekton viktimat dhe vlerat e bashkëjetesës nuk mund të jetë garant i të drejtave të komuniteteve.

Pretendimi është përfshirë në aktakuzën e depozituar në Gjykatën e Lartë të Drejtësisë në Glasgow lidhur me incidentin e ndodhur në resortin në Ayrshire gjatë një proteste më 8 mars 2025.

Në aktakuzë thuhet se vepra është rënduar në bazë të nenit 31 të Ligjit për Luftën kundër Terrorizmit të vitit 2008, i ndryshuar me Ligjin për Luftën kundër Terrorizmit dhe Dënimet të vitit 2021, pasi ajo kishte “lidhje me terrorizmin”.

Grupi “Defend Our Juries” ka kritikuar këtë vendim, duke pretenduar se të akuzuarit mund të përballen me “dënime shumë më të gjata me burg”, pavarësisht se nuk janë akuzuar për vepra terroriste.

Kieran Robson, 35 vjeç, Uzma Bashir, 56 vjeç, Ricky Southall, 34 vjeç, Autumn Taylor Ward, 22 vjeç, Rebecca Sian Davies, 29 vjeç, John Moxley, 58 vjeç, dhe Dylan Chiaramello, 24 vjeç, janë akuzuar të gjithë për dëmtim të pronës pas protestës.

Sipas akuzave, grupi ka dëmtuar sipërfaqen e fushës duke hequr barin dhe duke hedhur herbicide, ka shkaktuar përmbytje duke dëmtuar sistemin e ujitjes dhe ka dëmtuar një ndriçues.

Prokurorët pretendojnë gjithashtu se në fushë dhe në ndërtesat e resortit janë shkruar slogane të tilla si “Free Gaza”, “Free Palestine” dhe “Gaza is not for sale”, si edhe mesazhe fyese drejtuar Trumpit.

Të shtatë personat pritej të paraqiteshin të hënën e ardhshme në Gjykatën e Lartë në Glasgow, por Shërbimi i Gjykatave dhe Tribunaleve të Skocisë njoftoi të premten se seanca ishte shtyrë. Seanca e radhës pritet të zhvillohet në tetor.

“Palestine Action” u shpall organizatë terroriste e ndaluar në Mbretërinë e Bashkuar në korrik 2025.

Më vonë, Gjykata e Apelit la në fuqi vendimin e qeverisë, duke argumentuar se grupi kishte “promovuar hapur dhunën e paligjshme, e cila përbën terrorizëm”.

Bashkëthemeluesja e grupit, Huda Ammori, po kërkon leje për ta kundërshtuar zbatimin e ndalimit në Gjykatën e Lartë të Mbretërisë së Bashkuar.

Qeveria amerikane e shpalli “Palestine Action” organizatë terroriste të mërkurën.

Administrata Trump tha se vendimi ishte pjesë e masave kundër asaj që e përshkroi si “ekstremistë të së majtës radikale”.

Sipas denoncimit, A.A. (46) nga Tetova ka deklaruar se rreth orës 20:40, së bashku me vëllain e tij, është sulmuar nga një person mashkull nga Tetova. Sipas raportimit, sulmit i ka paraprirë një mosmarrëveshje e mëparshme mes tyre.

Nga SPB Tetovë bëjnë të ditur se po ndërmerren masa për zbardhjen dhe dokumentimin e plotë të rastit./tetova1.mk

Në qendër të ngjarjes është një 47-vjeçar, i cili u mbajt i rrëmbyer për më shumë se një javë, u dhunua vazhdimisht dhe, sipas Policisë spanjolle, po transportohej drejt një zone të izoluar në provincën e Barcelonës, ku dyshohet se do të ekzekutohej.

Sipas hetimeve, pas ngarkesës së kokainës qëndronte një klan narkotrafikantësh me origjinë shqiptare, i cili kërkonte të gjente me çdo kusht mallin e humbur.

Gjithçka nisi më 1 gusht, kur disa shoferë kamionësh me origjinë rumune morën në telefonat e tyre një video që mund të shihej vetëm një herë. Në pamje, një burrë i drejtonte një pistoletë në kokë një personi tjetër, i cili kishte shenja të dukshme dhune në fytyrë.

“Ku është ajo që është e jona? Ku është droga?”, dëgjohej në video, ndërsa mesazhi ishte i qartë: nëse nuk gjendej kokaina, pengu do të vritej.

Videoja përfundoi në duart e Policisë rumune, e cila zbuloi se ishte dërguar nga një numër telefoni spanjoll në emër të një shtetasi rumun që jetonte në Spanjë.

Sipas kryeinspektorit Alberto Olivares, nga njësia UDEV e Policisë Kombëtare spanjolle, ky person ishte kontraktuar nga një klan shqiptar për të organizuar transportimin me kamionë të rreth gjysmë toni kokainë që kishte mbërritur në Portugali.

Ai kishte angazhuar më pas viktimën për transportin, ndërsa kjo e fundit ia kishte kaluar detyrën një personi të tretë.

Pikërisht ky i fundit mori drogën, por nuk e dorëzoi kurrë në destinacion.

Ai pretendoi se ishte sulmuar nga një grup rival trafikantësh, të cilët i kishin grabitur ngarkesën, dhe më pas u zhduk pa lënë gjurmë.

Humbja e kokainës ngriti dyshime dhe përplasje brenda rrjetit. Pronarët e drogës kërkuan shpjegime, ndërsa transportuesi i parë u rrëmbye me qëllim që të tregonte se ku ndodhej personi i zhdukur dhe, mbi të gjitha, ku kishte përfunduar kokaina.

Më 7 gusht, autoritetet rumune kërkuan ndërhyrjen e Policisë spanjolle.

Hetuesit zbuluan se rrjeti përdorte një magazinë industriale në Sabadell të Barcelonës, ku ndalonin kamionët që përdoreshin për transportimin e drogës.

Pas kontrolleve dhe vëzhgimeve, viktima nuk u gjet menjëherë.

Por më 10 gusht, vetëm 72 orë pas nisjes së operacionit, policia lokalizoi një automjet në Barcelonë ku ndodhej pengu së bashku me një nga rrëmbyesit. Makina po drejtohej drejt një zone malore dhe të izoluar.

Ndërhyrja u krye në një rrugë pranë Caldes de Montbui.

I dyshuari tentoi fillimisht të përplaste me makinë agjentët dhe më pas tentoi të përdorte një pistoletë Tokarev që mbante me vete.

47-vjeçari u lirua, ndërsa rrëmbyesi u arrestua.

Sipas dëshmisë së viktimës, rrëmbyesi i kishte thënë se do ta lironte. Ndërkohë, vetë i arrestuari pretendoi se kishte vepruar nga frika e hakmarrjes së klanit shqiptar që zotëronte kokainën.

Pas daljes para gjykatës për rrëmbim dhe armëmbajtje pa leje, i dyshuari është lënë në liri të përkohshme.

Ndërkohë, gjysmë toni kokainë që shkaktoi të gjithë konfliktin vazhdon të jetë i zhdukur.

Një burrë në Britaninë e Madhe është bërë pacienti i parë në botë që iu nënshtrua një operacioni në tru me ndihmën e inteligjencës artificiale, e cila ndihmoi në mbrojtjen dhe ruajtjen e shikimit gjatë heqjes së tumorit, njoftoi University College London Hospitals.

Operacioni në tru i drejtuar nga inteligjenca artificiale i shpëtoi shikimin pacientit

Rhys Hibbert, 48 vjeç, nga Bedfordshire, u diagnostikua me sëmundjen në dhjetor të vitit 2024, pasi u rrëzua gjatë një shëtitjeje dhe pësoi një krizë epileptike. Me përkeqësimin e simptomave, Hibbert vendosi t’i nënshtrohej operacionit dhe u paraqit vullnetarisht për të marrë pjesë në studim.

– Nëse pacientët nuk janë të gatshëm të përfshihen në kërkime, si mund të mësojnë mjekët dhe si mund të përparojë mjekësia? Kur më pyetën nëse do të isha i gatshëm të bëhesha pacienti i parë në botë tek i cili kjo teknologji do të përdorej drejtpërdrejt gjatë operacionit, thashë: po, sigurisht – deklaroi Hibbert, duke shpjeguar vendimin e tij për të pranuar operacionin me ndihmën e inteligjencës artificiale.

Sipas mjekëve të tij, tumori do të vazhdonte ta rrezikonte shikimin dhe, me kalimin e kohës, mund të çonte edhe në verbëri. Megjithatë, gjatë operacionit masa tumorale u hoq me sukses, ndërsa shikimi i tij u ruajt, transmeton Telegrafi.

Hibbert tha se, pasi u zgjua nga operacioni, shikimi i tij ishte përmirësuar ndjeshëm.

– Kur u përmenda, mund të shihja qartë gjithçka në dhomë – tha ai.

AI identifikoi strukturat kritike në bazën e trurit

Gjatë ndërhyrjes kirurgjikale, inteligjenca artificiale analizoi në kohë reale pamjet e operacionit, në vend që të mbështetej vetëm në imazhet e realizuara para ndërhyrjes. Në këtë mënyrë, sistemi ndihmoi ekipin kirurgjikal të merrte vendime më të sakta, duke evidentuar strukturat kritike në bazën e trurit, sqaruan përfaqësuesit e University College London Hospitals.

Në këtë pjesë të trurit ndodhet hipofiza, një gjëndër me madhësi afërsisht sa një mermer i vogël, e vendosur shumë pranë enëve të gjakut dhe nervave që kontrollojnë shikimin. Një gabim prej vetëm një milimetri mund të ketë pasoja kritike, duke rrezikuar verbërinë, goditjen në tru apo edhe jetën e pacientit.

Mjekët shpjeguan se inteligjenca artificiale e mbështet ekipin kirurgjikal duke ndihmuar në identifikimin e zonave me rrezik që duhet të shmangen, ndërkohë që kirurgët përpiqen të heqin në mënyrë sa më të sigurt pjesën më të madhe të mundshme të tumorit.

Teknologjia gjithashtu ka potencialin të gjurmojë instrumentet kirurgjikale dhe ndërveprimin e tyre me indet, me qëllim që t’i ndihmojë kirurgët gjatë procedurave komplekse dhe t’u ofrojë informacion të menjëhershëm gjatë ndërhyrjes.

– Ky është një shembull i inteligjencës artificiale në formën e saj më të mirë: pacientët po marrin kujdes që dikur do të konsiderohej i paimagjinueshëm, falë teknologjive më të fundit revolucionare – deklaroi James Frith, ministri britanik për inovacionin në shëndetësi.

Ai shtoi se përdorimi i inteligjencës artificiale duhet të shoqërohet me masa të përshtatshme sigurie dhe se mbrojtja e pacientëve duhet të mbetet gjithmonë prioritet.

Nga LSDM thonë se Stoilkoviç me qëndrimet e tij ka treguar qartë se cilat vlera i përfaqëson.

“Për të, Ratko Mlladiqi – i dënuar për gjenocid, krime lufte dhe krime kundër njerëzimit – është një madhështi dhe hero. Për të, ai është ‘gjenerali i tij’ – në mes të Maqedonisë”, theksojnë nga partia.

Sipas LSDM-së, një paraqitje e tillë nuk mund të trajtohet vetëm si një qëndrim personal i një zyrtari qeveritar, veçanërisht për faktin se Stoilkoviç është ministër dhe pjesë e koalicionit qeverisës.

Nga partia e ndërlidhin këtë rast edhe me, siç thonë ata, ndikimin më të gjerë politik të konceptit të “botës serbe”, duke vlerësuar se në vend që Maqedonia të lëvizë drejt Evropës, drejt një shoqërie demokratike dhe prosperuese, mesazhet e tilla e kthejnë opinionin publik drejt politikave dhe konflikteve të viteve të nëntëdhjeta.

“Ministri në Qeverinë e Mickoskit glorifikon publikisht një njeri të dënuar për gjenocidin në Srebrenicë. Kjo nuk është as qëndrim personal e as ‘dallim kulturor’. Ky është një mesazh i drejtpërdrejtë se në këtë Qeveri ka vend për ata që i festojnë kriminelët e luftës nga faqet më të errëta të historisë ballkanike”, njoftoi LSDM.

Partia kërkon që kryeministri Hristijan Mickoski të prononcohet publikisht për veprimin e ministrit të tij.

“Mickoski duhet të përgjigjet – a është ky qëndrim zyrtar i Qeverisë së tij apo një shpërthim personal i ministrit të tij?”, pyesin nga LSDM.

Nga partia porosisin se “për të tillë si Stoilkoviç nuk ka vend në asnjë qeveri demokratike, evropiane dhe të qytetëruar”, duke shtuar se qytetarët e Maqedonisë nuk meritojnë një ministër i cili një kriminel lufte të dënuar me vendim të plotfuqishëm e quan “gjenerali im”.

Inteligjenca ukrainase vlerëson se vetëm gjatë gjysmës së parë të vitit 2026, Rusia ka humbur rreth 240 mijë ushtarë. Gjatë së njëjtës periudhë, sipas këtyre të dhënave, rreth 232 mijë persona kanë nënshkruar kontrata për t’iu bashkuar ushtrisë ruse. Kievi thotë se rezervat e personave të gatshëm për t’u rekrutuar vullnetarisht janë pakësuar ndjeshëm.

Në disa rajone të Rusisë, numri i vullnetarëve ka rënë me 30 deri në 40 për qind krahasuar me një vit më parë. Përballë kësaj situate, Moska ka zgjeruar edhe kriteret ligjore për rekrutimin në ushtri.

Sipas autoriteteve ukrainase, në këtë proces mund të përfshihen edhe persona me dënime të caktuara penale, ndërsa po shqyrtohet edhe rekrutimi i disa kategorive të grave të dënuara. Presidenti ukrainas Volodymyr Zelenskyy deklaroi se pret që mobilizimi të shpallet pas zgjedhjeve për dhomën e ulët të parlamentit rus, të planifikuara për në mesin e shtatorit.

Pretendimet e inteligjencës ukrainase nuk janë konfirmuar zyrtarisht nga Moska, ndërsa lufta në Ukrainë vazhdon të kërkojë gjithnjë e më shumë trupa nga të dyja palët.

Bashkimi Evropian, lidhur me vdekjen e Mlladiqit, deklaroi se ai ishte kriminel lufte, i cili po vuante dënimin me burgim të përjetshëm për krime kundër njerëzimit dhe gjenocid në Srebrenicë.

“Komisioni Evropian konsideron se çdo glorifikim i kriminelëve të luftës është në kundërshtim me vlerat më themelore evropiane dhe se për të nuk ka vend as në BE dhe as në vendet kandidate për anëtarësim në BE”, thuhet në përgjigjen e Komisionit Evropian për Radion Evropa e Lirë.

Bashkimi Evropian vuri në dukje përgjegjësinë e institucioneve serbe lidhur me varrimin e Mlladiqit, i cili ndërroi jetë të enjten në Hagë.

“Nëse Ratko Mlladiq varroset në Serbi, u takon autoriteteve serbe të përcaktojnë rolin e mundshëm që mund të kenë në organizimin ose në vetë varrimin e Ratko Mlladiqit”, thuhet në përgjigjen e Komisionit Evropian për Radion Evropa e Lirë.

Sipas njoftimeve, Mlladiqi pritet të varroset në Serbi. Ministri i Drejtësisë, Nenad Vujiq, deklaroi po atë ditë se ai do të varroset me nderimet më të larta shtetërore.

Një qëndrim më i moderuar lidhur me këtë çështje u shpreh nga presidenti i Serbisë, Aleksandar Vuçiq, i cili më 28 gusht deklaroi se Mlladiqi do të varroset aty ku të dëshirojë familja dhe se autoritetet serbe aktualisht nuk kanë asnjë informacion lidhur me këtë.

“Nëse familja dëshiron që Mlladiqi të varroset në Serbi, ne do të ndihmojmë që kjo të bëhet në mënyrë dinjitoze dhe të përshtatshme, sepse jemi njerëz të civilizuar”, deklaroi Vuçiq.

Vdekja e Ratko Mlladiqit edhe një herë e ka ndarë rajonin. Reagimet ndaj vdekjes së tij variojnë nga kujtimi i viktimave të tij dhe mesazhet se vdekja nuk i fshin krimet, deri te glorifikimi i tij.

Ish-gjenerali i Ushtrisë së Republikës Serbe, Ratko Mlladiq, u dënua me burgim të përjetshëm nga gjykata në Hagë, pasi u shpall fajtor për gjenocidin në Srebrenicë, përndjekjen dhe dëbimin me forcë të popullsisë, terrorizimin e civilëve gjatë rrethimit të Sarajevës, si dhe marrjen peng të pjesëtarëve të forcave paqeruajtëse të Kombeve të Bashkuara.

Për vite me radhë, ai ishte ndër personat më të kërkuar nga drejtësia ndërkombëtare. Ratko Mlladiqi qëndroi në arrati për gati 16 vjet, pasi Tribunali i Hagës e akuzoi në vitin 1995. Ai u arrestua më 26 maj 2011 në fshatin Lazarevë, pranë Zrenjaninit, në Serbi, në një operacion të shërbimeve serbe të sigurisë.

Zgjatja i mundëson NIS-it të vazhdojë importimin e naftës bruto dhe funksionimin e rafinerisë së saj të vetme, pavarësisht sanksioneve amerikane, që kanë për shënjestër sektorin energjetik të Rusisë.

Përjashtimi i fundit nga sanksionet, i miratuar nga Zyra e Kontrollit të Pasurive të Huaja (OFAC) e Departamentit amerikan të Thesarit, skadonte në mesnatën e së premtes, por është zgjatur deri më 30 shtator.

“Kompania mund të vazhdojë të operojë dhe rafineria e naftës në Pançevë mund të vazhdojë të punojë”, shkroi ministrja serbe e Energjisë, Dubravka Gjerdoviq Handanoviq, në Instagram.

Ajo e cilësoi këtë vendim “veçmas të rëndësishëm” për shkak të “rritjes së kërkesës për karburante” dhe vështirësive me importet që janë shkaktuar nga niveli i ulët i ujit në lumin Danub. Ministrja serbe tha po ashtu se bisedimet për shitjen e aksioneve të NIS-it po vazhdojnë.

“Zgjatja e licencës është një shenjë e rëndësishme se po shohim përparim”, shkroi ajo.

Përpjekjet për shitjen e aksioneve, që janë në pronësi ruse, te gjiganti hungarez i energjisë, MOL janë zvarritur prej muajsh, ndërsa presidenti serb, Aleksandar Vuçiq, tha të enjten se shpreson që marrëveshja të përfundojë deri në fund të muajit të ardhshëm.

“Për herë të parë, ndihem optimist dhe shpresoj se mund ta përmbyllim të gjithë çështjen e NIS-it në shtator”, tha Vuçiq për gazetarët në Serbi.

Sanksionet amerikane, të vendosura ndaj NIS-it në janar 2025, janë shtyrë vazhdimisht për t’u dhënë kohë palëve për shitjen e aksioneve.

Sanksionet ishin në fuqi vetëm nga tetori deri në dhjetor, që e detyruan NIS-in të ndalonte prodhimin në rafinerinë e tij të vetme për disa javë për shkak të mungesës së naftës së papërpunuara.

Licenca të përkohshme janë lëshuar sërish që nga fundi i dhjetorit, pasi u njoftuan bisedimet me MOL-in.

Serbia mbetet një aleate e afërt e Kremlinit dhe një nga të paktat vende evropiane që nuk ka vendosur sanksione ndaj Rusisë për luftën e saj në Ukrainë.

Serbia ia shiti Gazprom-it rus shumicën e aksioneve në NIS në vitin 2008 për 400 milionë euro dhe tani zotëron rreth 30 për qind të kompanisë.

Zyrtarët thonë se Serbia planifikon ta rrisë pjesën e saj të pronësisë me pesë pikë përqindjeje pas shitjes.

TIA ka bërë të ditur se është në kontakt të vazhdueshëm me autoritetet përkatëse dhe kompanitë ajrore, ndërsa po menaxhon situatën e krijuar për pasagjerët e prekur nga vonesat dhe ndryshimet në oraret e fluturimeve.

Pasagjerëve u këshillohet të kontrollojnë rregullisht njoftimet dhe komunikimet e kompanive ajrore përkatëse për informacionet më të fundit mbi statusin e fluturimeve të tyre.

Për shkak të një problemi teknik të përkohshëm në sistemin e monitorimit të trafikut ajror nga Albcontrol, fluturimet në hapësirën ajrore shqiptare u pezulluan për pak minuta si masë sigurie.
Problematika u adresua menjëherë dhe aktualisht po bëhen të gjitha përpjekjet për rikthimin sa më të shpejtë të operacioneve në normalitet.
Aeroporti Ndërkombëtar i Tiranës është në kontakt të vazhdueshëm me të gjitha autoritetet përkatëse dhe kompanitë ajrore, ndërsa po menaxhon pasagjerët e prekur nga vonesat dhe ndryshimet në oraret e fluturimeve.
TIA ka angazhuar numrin maksimal të stafit në dispozicion për të mbështetur operacionet në terminal dhe për të garantuar menaxhimin sa më të shpejtë të situatës. Ekipet tona janë në gatishmëri të plotë dhe po bëjnë maksimumin për të përshpejtuar rikthimin e operacioneve në normalitet.
Pasagjerët këshillohen të kontrollojnë rregullisht njoftimet dhe komunikimet e kompanive të tyre ajrore për informacionin më të fundit mbi statusin e fluturimit.
Siguria e pasagjerëve mbetet prioriteti kryesor“, njofton Aeroporti.

Kujtojmë se problemi u shfaq fillimisht rreth orës 17:30 pasditen e sotme.

Rreth orës 18:00, 90% e sistemeve janë rikthyer në funksionimin normal, ndërsa ekipet vijojnë punën për rikuperimin e pjesës së mbetur.

VLEN dënon fuqishëm çdo glorifikim të çetnikëve dhe veçanërisht të Ratko Mlladiqit, i dënuar për gjenocid dhe krime të tjera të rënda.

Akoma më shqetësuese është kur përmbajtje të tilla publikohen nga drejtuesi i një institucioni që ka për detyrë të mbrojë të drejtat e shqiptarëve dhe komuniteteve të tjera.

Kjo nuk është çështje shijesh apo bindjesh personale. Është çështje e standardeve të një zyrtari publik dhe e mesazhit që institucionet ua dërgojnë qytetarëve.

VLEN kërkon përgjegjësi të menjëhershme. Kush nuk respekton viktimat dhe vlerat e bashkëjetesës nuk mund të jetë garant i të drejtave të komuniteteve.

Në një postim në rrjetet sociale, Grenell e përgëzoi Salën për përzgjedhjen, duke vlerësuar eksperiencën dhe punën e saj në fushën e onkologjisë.

Pistimi i Grenell:

“Urime Evis!

Dhe urime popullit shqiptar, që është me fat që e ka atë ministre të Shëndetësisë.

Ajo është një lidere botërore në fushën e onkologjisë dhe po bën diferencën për ata luftëtarë që përballen me kancerin”.

Reagimi vjen një ditë pasi “OncoDaily” publikoi emrat e parë të listës “100 Influential Women in Oncology 2026”, ku Sala është përfshirë mes dhjetë emrave të parë të prezantuar.

Mexhiti vlerësoi qasjen e hapur, miqësore dhe konstruktive të Ambasadorit Ulusoy, duke theksuar kontributin e tij në avancimin e bashkëpunimit dhe forcimin e marrëdhënieve ndërmjet Maqedonisë së Veriut dhe Turqisë.

“Ambasadori Fatih Ulusoy, me qasjen e tij të hapur, miqësore dhe konstruktive, ka dhënë një kontribut të rëndësishëm në avancimin e bashkëpunimit dhe forcimin e marrëdhënieve ndërmjet dy vendeve tona. E falënderojmë për bashkëpunimin e shkëlqyer dhe korrektësinë gjatë gjithë misionit të tij diplomatik dhe i urojmë shumë suksese në angazhimet e ardhshme. Miqësia ndërmjet Maqedonisë së Veriut dhe Turqisë mbetet një urë e fortë që do të vazhdojmë ta ndërtojmë dhe ta fuqizojmë së bashku,” deklaroi Mexhiti.

Përfundimi i mandatit të Ambasadorit Ulusoy shënon përmbylljen e një periudhe të bashkëpunimit të frytshëm, ndërsa marrëdhëniet miqësore dhe partneriteti ndërmjet dy vendeve mbeten bazë për vazhdimin dhe thellimin e bashkëpunimit edhe në të ardhmen.

Ndryshe, gjatë 24 orëve të fundit, në të gjithë territorin e shtetit, policia ka arrestuar 16 persona për shkak të “drejtimit të pamatur të automjetit”. Prej tyre, nëntë kanë drejtuar automjet pa dhënë provimin e vozitjes, prej të cilëve katër në Shkup dhe nga një në Prilep, Gjevgjeli, Bogdancë, Veles dhe Bogovinë. Katër persona kanë vozitur nën ndikimin e alkoolit, ndërsa dy persona kanë pasur ndalesë për drejtimin e automjetit.