Drejtori sportiv i Kayserisporit, Seyit İçgül, është parë në Prishtinë në një takim me përfaqësues të futbollit kosovar.

Në foto bie në sy fanella e klubit turk, ndërsa në sfond qëndron fanella legjendare me numrin 9, e Fadil Vokrrit.

Ende nuk ka detaje zyrtare për arsyen e takimit, por prania e një drejtuesi të Kayserisporit në Prishtinë ka ngjallur kureshtje, sidomos në një periudhë kur klubet po planifikojnë lëvizjet e tyre për merkaton e ardhshme.

A ka diçka më shumë pas këtij takimi? Mbetet për t’u parë.

Latifi, i cili është zhvilluar në disa klube vendore, tashmë ka arritur të bëjë hapin drejt futbollit profesionist në Kroaci, duke fituar besimin e drejtuesve të klubit.

NK Osijek ka njoftuar se Admir Latifi, Luka Posavec dhe Luka Kolar kanë firmosur kontrata profesionale deri në vitin 2029.

“Tre lojtarët e rinj, të rritur në klubin tonë, me talentin, punën dhe përkushtimin e tyre kanë merituar besimin dhe kanë bërë një hap të rëndësishëm në karrierat e tyre”, thuhet në njoftimin e klubit.

Për Latifin, ky është një tjetër kapitull i rëndësishëm pas paraqitjeve dhe përvojës së tij në disa klube në vend, ndërsa tashmë karrierën do ta vazhdojë në një nivel më të lartë, në futbollin kroat./ZYRTARE.NET/

Nikollovski ishte pjesë e kategorive të reja të FK Teteks, ndërsa dashurinë për klubin e vazhdoi edhe si pjesë e ekipit senior.

„Me pikëllim të madh dhe dhimbje të thellë ndajmë lajmin se më 12.09.2026 e humbëm Danielin. Danieli ishte pjesë e kategorive të reja të FK Teteks, ndërsa dashurinë për klubin e vazhdoi edhe si pjesë e ekipit senior. Do të mbetet i kujtuar si pjesë e familjes sonë të Teteksit dhe përgjithmonë do të jetë pjesë e historisë së klubit“, thuhet në njoftimin e klubit.
FK Teteks i ka shprehur ngushëllimet më të thella familjes, të afërmve dhe të gjithë atyre që e kanë njohur Danielin.
„Prehu në paqe, Daniel. Fluturo lart, engjëll.“

Beqiri ka theksuar se përkrahja e sportit dhe e klubit lokal mbetet një nga prioritetet, duke përcjellë mesazhin për bashkëpunim dhe unitet rreth Shkëndijës.

“Bashkë për sportin, bashkë për Shkëndijën!”, ka shkruar Beqiri.

Në postimin e tij, kryetari i Haraçinës thekson se mbështetja për sportin në komunë duhet të jetë e përbashkët, ndërsa “Çlirimtarët” cilësohen si pjesë e rëndësishme e atmosferës që rrethon klubin.

“Kuadër të bashkëpunimit dhe përkrahjes së sportit në Haraçinë, së bashku me kryetarin e KF Shkëndija e Haraçinës, z. Sulejman Alimi, dolëm në mbështetje të grupit të tifozëve ‘Çlirimtarët’.

Bashkë për sportin, bashkë për Shkëndijën!”, thuhet në postimin e Beqirit.

Mestan kështu u bë femra e parë në historinë e klubit që drejton ekipin e meshkujve të moshës së mesme, ku ajo nënshkroi kontratën në një ceremoni të mbajtur në ambientet e klubit.

Zeynep Mestan ka lindur më 30 korrik 2004 në Izmir. Edhe pse është shumë e re, ajo tashmë ka përvojë duke luajtur për disa klube futbolli për femra.

“Modeli im është Pep Guardiola në futbollin evropian, dhe në Turqi marr si shembull Sergen Yalcin,” tha trajnerja e re pas emërimit të saj.

Ajo doli për herë të parë në fushën e futbollit në vitin 2019 me fanellën e Karsıyaka Beden Egitimi ve Spor Egitim Merkezi Spor. Pas kësaj, ajo luajti për Konak Belediyespor, Bornova Hitab Spor, Soma Zafer Spor dhe Bornova Genc Yıldızlar Spor.

Me emërimin e saj, Turgutluspor ka shkruar një faqe të re në historinë e saj, ndërsa Mestan do të përpiqet të justifikojë besimin e menaxhmentit të klubit në stolin e ekipit të meshkujve.

“I urojmë Zeynep Mestan, e cila do të udhëheqë ristrukturimin e ri organizativ dhe teknik të klubit tonë, shumë suksese nën stemën tonë kuqezi dhe shpresojmë që kjo epokë e re të jetë e dobishme për komunitetin tonë, klubin tonë dhe të gjithë tifozët tanë”, u tha në një deklaratë të klubit.

Turgutluspor ka kaluar një periudhë të vështirë në sezonet e fundit. Klubi ra nga Liga e Tretë në vitin 2025, ndërsa sezonin e kaluar pësoi një rënie tjetër dhe u transferua në Ligën Super Amatore, niveli i katërt i futbollit turk.

Ekipi nga Turgutlu luan ndeshjet e saj në shtëpi në një stadium të ri me një kapacitet prej 12,000 spektatorësh, të ndërtuar sipas standardeve të UEFA-s.

Ardhja e Zeynep Mestan në stol përfaqëson kështu një nga lëvizjet më interesante në futbollin turk këtë sezon, veçanërisht duke pasur parasysh moshën e saj dhe faktin se ajo do të drejtojë ekipin e meshkujve të moshës së parë. /tesheshi.com/

📌 Manisa Süper Amatör Lig'de mücadele edecek Turgutluspor, teknik direktörlük görevine 22 yaşındaki Zeynep Mestan'ı getirdi. Mestan, yeni sezonda takımın başında sahaya çıkacak.

Eleştirilere yanıt veren Mestan, "Eleştirilerin olacağını zaten bekliyorduk ama bu konuda şu an için… pic.twitter.com/3GPNrShsSB

— Karar Haber (@KararHaber) September 9, 2026

Në shkëputje, Calja realizoi tri prova të pastra, duke ngritur 147 kg, 152 kg dhe 154 kg. Një paraqitje e jashtëzakonshme që i siguroi medaljen e artë, ndërsa njëkohësisht theu 3 rekorde mesdhetare.

Në shtytje, Briken Calja ngriti 184 kg dhe theu rekordin mesdhetar në këtë stilit që i siguroi medalje të bronztë. Me këtë “dopjetë” medaljesh të Briken Caljas, Shqipëria ngjitet në kuotën e 5 medaljeve në Lojërat Mesdhetare “Taranto2026”./bw

Kurti ka vlerësuar punën, sakrificën dhe përkushtimin e sportistëve kosovarë, duke theksuar edhe kontributin e stafit dhe ekipit që prej vitesh punon për zhvillimin e xhudos në Kosovë.

Ai ka uruar kryemjeshtrin Driton Kuka, trajneren Majlinda Kelmendi dhe gjithë ekipin kosovar të xhudos për rezultatet e arritura.

Postimi i tij:

Edhe pesë medalje për Kosovën!

Pesë medalje, në një sport. Patjetër që në xhudo. Nga Taranto, Laura Fazliu po kthehet me medalje të argjendtë, ndërsa Akil Gjakova, Flaka Loxha, Fatjona Kasapi dhe Shpat Zekaj me medalje të bronzta.

Pas këtij suksesi qëndron shumë punë, sakrificë e përkushtim i sportistëve tanë, por edhe i një ekipi të tërë që prej vitesh punon çdo ditë për ta mbajtur xhudon e Kosovës mes më të mirëve.

Urime Kryemjeshtrit Driton Kuka, trajneres Majlinda Kelmendi dhe gjithë ekipit tonë të xhudos.

Nga një garë në tjetrën, nga një brez në tjetrin, xhudoja vazhdon t’i sjellë Kosovës medalje, emocione dhe krenari.

Urime të gjithëve

Elbasani dhe Vllaznia barazuan 1-1 mes tyre, në një ndeshje me fund dramatik, ku u anuluan dy gola. Murataj i dha avantazhin shkodranëve në minutën e 18-të, ndërsa vendasit barazuan me Hebajn në minutën e 75-të.

Në shtesë, Vllaznia shënoi fillimisht me Tafilin dhe më pas me Mustën, por të dy golat u anuluan për pozicion jashtë loje. Në rastin e parë, ishte Perez që bllokoi pamjen e portierit, ndërsa në rastin e dytë ishte Musta jashtë loje.

Për të dyja ekipet, ky është barazimi i dytë, pas atyre të javës së parë.

Në duelin tjetër, Laçi triumfoi 2-1 ndaj Partizanit, falë dopietës së Stiven Bibos. Kurbinasit e nisën shumë mirë ndeshjen dhe kaluan në avantazh që në minutën e 8-të. Bibo lëshoi një predhë nga jashtë zonë, duke mposhtur portierin Qirko.

Fraksioni i parë u mbyll me këtë rezultat, ndërsa kryeqytetasit mbetën me 10 lojtarë, pasi Marku u ndëshkua me karton të kuq në shtesë.

Me një lojtar më shumë, kurbinasit e kishin më të lehtë në fraksionin e dytë, ku dyfishuan me Bibon në minutën e 75-të. Në fund, goli i Aliut kishte vetëm vlerë statistikore për Partizanin.

Me këtë fitore, Laçi shkon në kuotën e 4 pikëve, ndërsa Partizani ka vetëm një pikë.

Ndryshimet e fundit në strukturën e KF Shkëndija nuk janë të rastësishme. Përtej emërimeve të reja në pozita drejtuese, ato pasqyrojnë një filozofi të qartë të klubit për të përgatitur kuadro nga brenda dhe për t’u besuar atyre përgjegjësi gjithnjë e më të mëdha.

Në qendër të këtij riorganizimi është Valdrin Uka, i cili është emëruar Drejtor Ekzekutiv i Shkëndijës. Uka është pjesë e klubit prej më shumë se shtatë vitesh dhe gjatë kësaj periudhe ka qenë pranë strukturave drejtuese, duke ndjekur nga afër funksionimin dhe zhvillimin e klubit. Vitet e kaluara në menaxhmentin e Shkëndijës e kanë shërbyer si një proces i gjatë përgatitjeje dhe kalitjeje për përgjegjësinë e re.

Në të njëjtën linjë janë edhe ndryshimet në Departamentin Sportiv. Erhan Selimi, deri tani Drejtor i Shkollës së Futbollit, avancon në pozitën e Drejtorit Sportiv, ndërsa Festim Ademi, pas rolit të Team Menaxherit, emërohet Drejtor Teknik i Departamentit Sportiv.

Të tre emërimet kanë një të përbashkët: bëhet fjalë për njerëz që tashmë njohin nga afër klubin, strukturën dhe mënyrën e funksionimit të tij. Kjo tregon se Shkëndija prej kohësh ka punuar në krijimin dhe përgatitjen e kuadrove të veta për pozita udhëheqëse.

Me vizionin dhe mbështetjen e drejtuesve dhe sponsorit të klubit, ndryshimet janë pjesë e një plani për një organizim më të balancuar dhe më profesional, duke ndjekur modelin e klubeve moderne ku investimi nuk bëhet vetëm te skuadra, por edhe te njerëzit që e drejtojnë dhe e zhvillojnë organizatën.

Në këtë drejtim, Shkëndija po tregon se kuadrot nuk kërkohen vetëm jashtë klubit, por ndërtohen, zhvillohen dhe përgatiten edhe brenda tij.

Të dy sportistët arritën deri në finale të kategorive të tyre, por u desh të kënaqeshin me medaljen e argjendtë.

Rexhep Hajdari u mposht në finalen e kategorisë deri në 97 kilogramë, në stilin e lirë, me rezultat 6:0 nga Dauren Kurugliev i Greqisë. Kurugliev është me prejardhje nga Dagestani i Rusisë, ndërsa që nga viti 2023 garon për Greqinë.

Hajdari pati një paraqitje të mirë në garat e “Taranto 2026”, duke regjistruar dy fitore për të siguruar vendin në finale.

Medaljen e argjendtë e fitoi edhe Fati Vejseli, në kategorinë deri në 74 kilogramë. Mundësi shqiptar nga Shkupi nuk arriti ta përfundojë finalen ndaj Islam Dudaevit të Shqipërisë, pasi pësoi lëndim. Në momentin e ndërprerjes, Dudaev ishte në epërsi.

Vejseli kishte treguar formë të shkëlqyer gjatë garave, duke regjistruar tri fitore për të arritur deri në finalen e kategorisë së tij.

Me dy medaljet e argjendta të Hajdarit dhe Vejselit, Maqedonia e Veriut tashmë ka tri medalje në Lojërat Mesdhetare “Taranto 2026”. Përveç dy të argjendtave, vendi ka fituar edhe një medalje të bronztë, të cilën e siguroi Ahmad Magomedov, po ashtu në mundje. /Telegrafi/

Rusi e përfaqëson Shqipërinë, ndërsa shqiptari është përfaqësues i Maqedonisë së Veriut.

Për të arritur deri në finale, Dudaev, fitoi ndaj Egzon Xhonit të Kosovës, Mohammad Mottaghinia të Spanjës dhe Georgios Ioakeimidis.

Në anën tjetër, Vejseli ka zhvilluar një turne shumë të fortë, duke kaluar dy kundërshtarë të vështirë për të siguruar një vend në finalen për medaljen e artë.

Kjo finale ka edhe një histori interesante, pasi Dudaev dhe Vejseli janë përballur më parë në gjysmëfinalen e Lojërave Mesdhetare “Oran 2022”.

Në atë duel, Dudaev fitoi 7–2 dhe më pas vazhdoi deri në finale, ku mori medaljen e argjendtë.

Katër vjet më vonë, Vejseli kërkon hakmarrjen, ndërsa Dudaev synon të ndryshojë ngjyrën e medaljes nga e argjendit në të arit./ZYRTARE.net/

Hajdari dhe Vejseli janë dy sportistët e parë nga Maqedonia që kanë arritur të kualifikohen në finalen e Lojërave Mesdhetare, duke shkruar një kapitull të ri në historinë e mundjes së vendit.

Të dy mundësit nesër do të luftojnë për medaljen e artë, me synimin për t’i dhënë Maqedonisë medaljen e 12-të të artë në mundje në historinë e Lojërave Mesdhetare.

Ky sukses është rezultat i punës së palodhshme, sakrificës, disiplinës dhe përkushtimit të sportistëve, por edhe i punës së stafit dhe klubeve që qëndrojnë pas tyre.

Urime të veçanta nga legjenda e këtij sporti Shaban Trstena janë adresuar edhe për Imer Kadriun, kryetarin e klubit më të suksesshëm, për kontributin dhe përkushtimin e tij në zhvillimin dhe sukseset e këtyre sportistëve.

Tashmë të gjithë sytë janë te finalja e madhe. Rexhep Hajdari dhe Fati Vejseli do të kërkojnë të shkëlqejnë edhe një herë dhe të ngjiten në majën e podiumit me medaljet e arta. (INA)

Tek klubi i ri, maqedonasi do të jetë në formë huazimi, deri në verën e vitit 2027. Ky do të jetë një huazim i “thatë” pasi Atalanta nuk ka as detyrim dhe as të drejtë blerje.

Për Elmas është një rikthim në Itali, pasi më parë ka luajtur me Napolin dhe Torinon. Ndërsa në të shkuarën 26-vjeçari ka mbajtur veshur edhe fanellën e Fenerbahces dhe Rabotnickit.

Nga Andi Deçka

Në orën 18:00, Shqipëria dhe Kosova do të përballen në padel në Lojërat Mesdhetare Taranto 2026, një përballje që, përtej pikëve, volley të shpejta dhe mureve prej xhami, do të shkruajë një faqe të re në historinë sportive të kombit. Vetë padeli po shkruan histori në Taranto. Për herë të parë, ky sport është pjesë e programit zyrtar të Lojërave Mesdhetare si disiplinë për medalje, duke bërë debutimin e tij në një nga skenat më të mëdha të sportit ndërkombëtar shumëdisiplinor. Taranto 2026 zhvillohet nga 22 deri më 28 gusht, me Shqipërinë dhe Kosovën mes kombeve pjesëmarrëse.

Dhe në një fazë zyrtare ndërkombëtare të përmasave të tilla, përballja e tyre në fushën e padelit bëhet një moment që meriton të kujtohet. Ka diçka thellësisht poetike në këtë histori: një sport i lindur larg Ballkanit e vendeve tona bëhet skena qe krijon së bashku një histori të re suksesi.

Padeli është rritur jashtëzakonisht vitet e fundit dhe si Shqipëria, ashtu edhe Kosova, kanë investuar gjithnjë e më shumë në zhvillimin e tij, në infrastrukturë dhe në krijimin e një kulture të re konkurruese. Ajo që dikur shihej si një sport i ri dhe modern i raketës, sot është kthyer në një disiplinë serioze ndërkombëtare e shpejtë, moderne, sociale dhe gjithnjë e më ambicioze. Debutimi i tij në Taranto 2026 është një tjetër hap i rëndësishëm në këtë aspekt. Në njërën anë, Shqipëria. Në tjetrën, Kosova. Mes tyre, një rrjetë por edhe një gjak i përbashkët, pasione të njejta dhe një besim i përbashkët në atë që sporti mund të krijojë.

Kliko për të dëgjuar këngën e tifozëve shqiptarë në Taranto

Nesër, në orën 18:00, Taranto nuk do të dëshmojë vetëm një ndeshje padeli.Do të dëshmojë Shqipërinë dhe Kosovën duke bërë histori së bashku. Dhe diku mes tingullit të topit që përplaset në xham dhe brohoritjeve nga tribunat, do të nisë një histori e re për padelin ne vendet tona.

Top Channel

Ekipi turk është në kërkim të një sulmuesi që do të bëjë diferencën. Raportet në të kaluarën kanë sugjeruar se ata janë në bisedime me Al Hilal për Darwin Nunez.

Megjithatë, çështja nuk duket se po ecën përpara, me sulmuesin uruguajan që është shumë pranë huazimit te një tjetër ekip i Arabisë Saudite.

Megjithatë, sipas turqve, një tjetër sulmues i shkëlqyer me një CV të gjerë i është propozuar Trabzonspor. Arsyeja është Karim Benzema, i cili ka një kontratë me Al Hilal deri në verën e ardhshme.

Benzema shënoi 25 gola dhe bëri 8 asiste në 34 ndeshje sezonin e kaluar (ai tashmë ka një gol në dy ndeshje këtë vit).

Me Al Ittihad ai fitoi dopietën në sezonin 2024-25 dhe me Al Hilal vitin e kaluar Kupën e Arabisë Saudite. Në dhjetor, ish-sulmuesi ndërkombëtar francez do të mbushë 39 vjeç.

Egnatia ka shkruar historinë! Rrogozhinasit kanë përmbysur në mënyrë spektakolare Shamrock Rovers me rezultatin 5-1, duke siguruar për herë të parë në historinë e klubit një vend në fazën e ligës të një kompeticioni europian.

Adjesa ishte protagonist i madh me dy gola, në minutat 4’ dhe 38’, ndërsa Albanese realizoi në 11’ dhe 58’. Golin tjetër e shënoi Gruda në minutën e 20-të.

Miqtë reaguan duke gjetur njëherë rrjetën me anë të Burkes në minutën e 74’, gol që vlejti vetëm për statistikë.

Kualifikimi në play-off-in e Europa League do të thotë se Egnatia e ka të sigurt matematikisht pjesëmarrjen në fazën e ligës së Conference League, duke garantuar një arritje historike për klubin dhe futbollin shqiptar.

Rregulloret e UEFA-s parashikojnë se ekipet që humbin në play-off-in e Europa League vazhdojnë në fazën e ligës së Conference League.

Egnatia tashmë ëndërron edhe më shumë: një tjetër përballje për të siguruar një vend në fazën e ligës së Europa League, teksa në play off do të ndeshet me norvegjezët e Lillestrom.

REZULTATI:

EGNATIA 5-0 SHAMROCK ROVERS (6-4)

Adjessa 4′, 38′, Albanese 11′, 58′, Gruda 20′ / Burke 74′

Nuhiu zëvendëson Zekirija Ramadanin, i cili së fundmi u largua nga posti i trajnerit, ndërsa rikthimi i tij në Gjilan ka ngjallur pritshmëri të mëdha te tifozët e klubit.

Ky nuk është një ambient i panjohur për trajnerin nga Shkupi. Nuhiu ishte emëruar trajner i Dritës në shkurt të vitit 2019 dhe në sezonin 2019/20 arriti ta udhëheqë skuadrën drejt titullit të kampionit të Kosovës.

Drita e siguroi matematikisht titullin në korrik të vitit 2020, duke u shpallur kampione për herë të tretë në historinë e klubit.

Pikërisht ky sukses e ka bërë Nuhiun një prej trajnerëve më të lidhur me historinë e kohëve të fundit të Dritës.

Tani, disa vite më vonë, Nuhiu rikthehet në Gjilan me një mision të ri, ta udhëheqë Dritën drejt objektivave të saj në sezonin e ri.

Rikthimi i tij pritet të jetë një lajm i mirë për tifozët gjilanas, të cilët e kujtojnë Nuhiun si trajnerin që i udhëhoqi drejt një tjetër titulli kampion dhe një prej periudhave më të suksesshme të klubit. /Telegrafi/

Në klub nuk kanë dhënë informacione të hollësishme për këtë dëmtim, por sipas mediave spanjolle, ekziston frika se ai mund të ketë pësuar përsëri një dëmtim në ligamentin kroçiat, si ai që e la jashtë për 11 muaj.

Një dëmtim i Bardaxhit do të shkatërronte planet e merkatos së katalanasve, të cilët e kishin përfshirë suedezin në listën e atyre që pritej të largoheshin gjatë verës për të siguruar të ardhura për investime të tjera në merkato.

Trajneri Flik nuk e shihte më si pjesë të planeve, pasi me afrimin e Gordon dhe Adejemit, për të nuk do të kishte hapësira dhe minutazh.

Tifozët e Shkëndijës së Tetovës do të kenë mundësinë ta ndjekin drejtpërdrejt përballjen e skuadrës së tyre në raundin e tretë kualifikues të Ligës së Konferencës.

Televizioni TVM2 do të transmetojë ndeshjen mes Hibernianit të Skocisë dhe Shkëndijës, e cila do të zhvillohet më 6 gusht, me fillim nga ora 21:00, sipas kohës lokale.

Bëhet fjalë për një sfidë me rëndësi të madhe për ekipin tetovar, që synon të vazhdojë rrugëtimin në garat evropiane. Transmetimi i drejtpërdrejtë në TVM2 u jep mundësi të gjithë tifozëve kuqezi ta ndjekin nga afër këtë përballje të rëndësishme.

Nga Mitrovica drejt futbollit turk. Kayserispor ka bërëlëvizjen e parë zyrtare për mesfushorin 19-vjeçar tëKF Llapit, Elvir Gashijan, duke kërkuar kushtet e transferimit. Klubi turk e sheh si pasuesin ideal tëMiguel Cardoso, ndërsa negociatat pritet tëudhëhiqen nga menaxheri i futbollistit, Ibrahim Useini.

Kur një klub me histori si Kayserispor dërgon letërzyrtare interesi për një futbollist 19-vjeçar nga Kosova, kjo nuk është më thjesht një thashethem merkatoje. Është sinjali se një kapitull i ri mund të jetë duke u shkruar.

Sipas raportimeve të mediave turke, Kayserispor ka vendosur Elvir Gashijanin në krye të listës sëpërforcimeve për sezonin e ri. Objektivi i klubit është iqartë: rikthimi i menjëhershëm në Superligën turke, ndërsa drejtuesit besojnë se talenti i KF Llapit mund tëjetë një nga gurët më të rëndësishëm të këtij projekti.

Madje, në Turqi shkojnë edhe më larg. Gashijanikonsiderohet si futbollisti që mund të mbushëboshllëkun e lënë nga Miguel Cardoso, një tregues ibesimit të madh që ekziston për cilësitë e mesfushoritkosovar.

Interesimi nuk ka mbetur vetëm në nivel bisedash.

Një dokument zyrtar ka mbërritur tashmë në zyrat e KF Llapit, fakt që është konfirmuar edhe nga trajneri Tahir Batatina.

“Kemi pranuar njoftimin nga ana e tyre dhe tanijemi në pritje të ofertës konkrete financiare për tëfilluar bisedimet,” ka deklaruar Batatina.

Megjithatë, drejtuesit e Llapit nuk e shohin këtëtransferim vetëm si një përfitim ekonomik.

Ata kërkojnë garanci se Gashijani do të ketë minuta, do të zhvillohet dhe do të ndërtojë një karrierë tëqëndrueshme, duke shmangur transferimet qëpërfundojnë me rikthim të shpejtë në futbollin vendor.

Në qendër të gjithë këtij procesi ndodhet Ibrahim Useini, menaxheri që përfaqëson Elvir Gashijanin. Pikërisht ai pritet të zhvillojë negociatat me drejtuesit e Kayserisporit dhe të ndërtojë marrëveshjen që mund ta dërgojë talentin kosovar në një nga kampionatet mëkonkurruese të rajonit.

Në moshën vetëm 19-vjeçare, Gashijani ka ndërtuartashmë një CV që tërheq vëmendjen e skautëveevropianë. Ai ka zhvilluar 101 ndeshje zyrtare, ka realizuar 3 gola, ka dhënë 10 asistime dhe ka kaluarmbi 5 mijë minuta në fushën e lojës. Vetëm sezonin e kaluar ai ishte një nga futbollistët më të rëndësishëm tëLlapit, me 29 paraqitje dhe dy asistime.

Tani pritet vetëm hapi i radhës.

Nëse oferta financiare përmbush pritjet dhe palëtarrijnë marrëveshje, Elvir Gashijani mund të jetëtransferimi i radhës i madh që e çon futbollin kosovarnë skenën ndërkombëtare. Ndërsa për Ibrahim Useinin, kjo do të ishte një tjetër marrëveshje e rëndësishme nëmenaxhimin e talenteve që po depërtojnë në tregunevropian.