Sipas raportimeve të “Flashnews.gr”, Mitsotakis iu drejtua shërbimit ambulator të spitalit pas incidentit.

Ai dyshohet se ka dëmtuar dorën, ndërsa ka pësuar edhe disa gërvishtje dhe djegie të lehta nga fërkimi në pjesë të ndryshme të trupit.

Pas mbërritjes në spital, kryeministri grek ka biseduar me stafin mjekësor dhe persona të tjerë të pranishëm. Ai mori ndihmën e parë dhe, pas trajtimit, u largua nga spitali.

Incidenti nuk raportohet të ketë shkaktuar dëmtime serioze.

Mësohet se banesa ku ka rënë zjarri përdorej si lavanderi dhe për fat të mirë nuk raportohet për të lënduar.

Menjëherë pas njoftimit, në vendngjarje kanë mbërritur shërbimet zjarrfikëse, të cilat kanë ndërhyrë në kohë rekord duke bërë të mundur shuarjen e flakëve dhe duke penguar përhapjen e zjarrit në hyrjet e tjera të pallatit pesëkatësh.

Sipas hetimeve paraprake dyshohet se zjarri mund të ketë ardhur nga ndonjë defekt elektrik.

Ndërkohë, grupi hetimor po punon për të zbardhur rrethanat dhe shkakun e plotë të zjarrit dhe pritet ekspertimi piroteknik. Ndërhyrja e shpejtë e zjarrfikësve shmangu përshkallëzimin e situatës.

Dyshimet paraprake janë se zjarri mund të jetë shkaktuar qëllimisht, ndërsa për ngjarjen ka nisur një hetim nga autoritetet, raporton gazetarja e Klan News Emi Kalaja.

Flakët u shfaqën në zonën e lagjes Laçaj, duke kërcënuar hapësirën e gjelbër, që për banorët e Pukës përbën një prej pasurive më të çmuara natyrore të qytetit. Për shkak të terrenit dhe bimësisë së dendur, përhapja e zjarrit mund të kishte sjellë pasoja më të mëdha, nëse nuk do të ndërhyhej në kohë.

Falë reagimit të shpejtë të shërbimit zjarrfikës të Pukës dhe ndihmës së banorëve të lagjes, vatra e zjarrit u vu nën kontroll, përpara se të merrte përmasa të mëdha. Ndërhyrja në kohë bëri të mundur shmangien e përhapjes së flakëve në sipërfaqe më të shumta të kurorës së gjelbër.

Zona përreth qytetit të Pukës karakterizohet nga sipërfaqe të konsiderueshme të mbuluara me pisha dhe bimësi të dendur. Për vite me radhë, kjo hapësirë është ruajtur edhe falë kujdesit dhe ndërgjegjësimit të banorëve, të cilët kanë reaguar në raste të ndryshme për të parandaluar përhapjen e zjarreve.

Sipas të dhënave paraprake, kjo është një nga rastet e para pas shumë vitesh që një zjarr kërcënon seriozisht hapësirën e gjelbër që rrethon qytetin e Pukës, duke ngritur shqetësime për sigurinë e kësaj zone natyrore.

Ndërkohë, Policia ka ngritur një grup hetimor për të zbardhur rrethanat e ngjarjes dhe për të përcaktuar nëse zjarri është shkaktuar qëllimisht.

Në një postim në rrjetet sociale ai shkroi:

“Nëse keni ardhur në Britani dhe keni vrarë ose përdhunuar dikë, do t’ju dërgoj në një burg në El Salvador, Kosovë ose diku tjetër, pa asnjë hezitim”.

Deklarata vjen në kuadër të prezantimit të planit të Reform UK për deportimin e të gjithë të burgosurve të huaj nga burgjet britanike, përfshirë mundësinë e dërgimit të tyre në vende të treta.

Farage ka qenë prej vitesh një nga zërat më të ashpër kundër emigracionit. Ai ka kërkuar ngrirjen e emigracionit jo thelbësor, deportimin e emigrantëve që ndodhen ilegalisht në Britani dhe masa më të forta për kontrollin e kufijve, duke e bërë emigracionin një nga temat kryesore të programit të Reform UK.

Reform UK është aktualisht një nga forcat kryesore politike në Britani. Partia e drejtuar nga Farage renditet mes partive me mbështetjen më të lartë në sondazhet kombëtare, duke konkurruar me Laburistët dhe Konservatorët.

Partia është zotuar të deportojë mbi 10 mijë shtetas të huaj që aktualisht vuajnë dënimin në burgjet e Britanisë.

Zëdhënësi i saj për Çështjet e Brendshme, Zia Yusuf, shkroi në rrjetin X se, nëse vendet e origjinës nuk pranojnë t’i marrin mbrapsht, kriminelët do të dërgohen “të vuajnë dënimin në vende si El Salvadori dhe Kosova.”

Sipas raportimeve të mediave britanike, Nigel Farage ka nisur tashmë bisedime me El Salvadorin, i njohur për burgjet e tij gjigante me masa shumë të ashpra sigurie.

Një delegacion i Reform UK pritet të udhëtojë në muajt në vijim drejt vendit të Amerikës Qendrore për të diskutuar mundësinë e dërgimit të kriminelëve të huaj në ato burgje.

Duke prezantuar politikën e partisë për burgjet, Zia Yusuf u zotua se Reform UK do të “ndryshojë ligjin, në mënyrë që personat që kryejnë krime të rënda si vrasje, vrasje pa paramendim, përdhunim dhe akte të rënda dhune të vuajnë të plotë dënimin e tyre.”

“Është e pabesueshme që në burgjet britanike ndodhen mbi 10 mijë shtetas të huaj. Ne do t’i deportojmë të gjithë shtetasit e huaj nga burgjet tona. Nëse vendet e tyre nuk i pranojnë, do t’i dërgojmë të vuajnë dënimin në vende si El Salvadori dhe Kosova. Hapësirën e krijuar do ta përdorim për të siguruar që kriminelët e rrezikshëm të qëndrojnë aty ku e kanë vendin – pas hekurave”, tha Yusuf.

Në një postim të gjatë në X, Rama thekson se Shqipëria nuk ka asnjë pretendim territorial ndaj Serbisë dhe se mbështetja e Tiranës për Kosovën nuk ka nevojë për narrativën e një “Shqipërie të Madhe”.

Sipas kryeministrit, Kosova është një shtet më vete dhe shqiptarët e Kosovës janë qytetarë të Republikës së Kosovës, me institucionet dhe të drejtën e tyre për të përcaktuar të ardhmen.

Rama i drejtohet drejtpërdrejt edhe narrativës së Beogradit për statusin e Kosovës, duke deklaruar se “Serbia e humbi Kosovën”, ndërsa shton se përsëritja e të kundërtës nuk e ndryshon realitetin territorial.

“Territori i Republikës së Kosovës nuk është territor serb dhe burimet natyrore që ndodhen në të nuk janë burime të Republikës së Serbisë”, shprehet ai.

Rama argumenton se lumi Ibër duhet trajtuar si një sistem ujor ndërkufitar.

Ai pranon se Serbia është e lirë të menaxhojë burimet që ndodhen brenda juridiksionit të saj, por thekson se pasojat e mundshme për një shtet tjetër nuk mund të ndalen në kufirin shtetëror.

“Kjo është pikërisht arsyeja pse ekziston e drejta ndërkombëtare e ujërave”, shkruan Rama, “lumenjtë kanë zakonin e bezdisshëm të ndjekin gjeografinë dhe jo argumentet diplomatike”.

Kryeministri shqiptar thotë gjithashtu se të drejtat, siguria, prona, gjuha dhe trashëgimia kulturore e komunitetit serb në Kosovë duhet të mbrohen.

Rama thekson se Shqipëria dëshiron marrëdhënie të mira me Serbinë dhe një rajon të integruar në Bashkimin Europian, ku, sipas tij, duhet të përfshihet edhe Serbia.

“Por fqinjësia e mirë nuk mund të nënkuptojë që fqinjët e Serbisë të pranojnë versionin e Serbisë për historinë”, shkruan Rama. “Ballkani ka paguar tashmë një çmim shumë të lartë, në gjak dhe në kohë të humbur“.

Nga Janari 2026 deri sot, në Shqipëri janë vrarë me armë zjarri apo armë të tjera, 11 persona. Autorët janë 18 deri 20 vjeçarë. Nuk ua bën “syri tërr”, kur bëjnë vrzsjan, pasi e kanë provuar edhe para 6 muajsh apo para 1 viti, duke kryer plagosje, grabitje me pasojë plagosje, pengmarrje, etj. Janë arrestuar në flagrance nga policia, dhe pas 10 ditësh janë liruar për “sjellje të mire, dhe mungesë provash nga gjykatat”.

U bë reforma në drejtësi ? Po, patjeter u bë. Ku ishe, asgjëkundi, çfarë bërë, hiç asgjë. Kështu ka ndodhur edhe me prokuroritë dhe gjykatat tona. Kanë ikur ca, por kanë mbetur ca, që janë mysybet. Të korruptuar, të molepsur, të frikësuar, të korruptuar. Dhe pastaj thonë se “pse kanë marrë zemër 20 vjeçarët”. Ata nuk kanë marrë “zemër”. Ata po vegjetojnë mrekullisht në xhunglën “drejtësi”.

Mentaliteti i tyre është “hajde të bëjmë ca krime, të fitojmë ca para, ca famë, dhe të bëjmë edhe ca ditë burg, se nuk bëhet qameti”. Do kisha qejf të bënin dhe të provonin burgun e Enverit. Ai ua dinted he ua bënte mirë “qejfin atyre në qeli”. Por të ofendosh policin, ti bësh presion prokurorit dhe gjyqtarit në sallën e gjyqit natyrisht që merr zemër. Natyrisht kur një prokuror apo gjyqtar thotë “i pandehur mbylle gojën”, dhe mjaftohet me kaq, atëhere pse mos marrin zemër  20 vjeçarët, dhe të vrasin 1 apo 2, apo dhe 3 persona mes qytetit ? as në Meksikë nuk ndodhin këto vrasje.

Sepse edhe atje e kanë frikë policinë, apo dhe prokurorinë. Këtu u ka dale frika fare djelmoshave 20 vjeçarë. Kush është fajtori ? fillimisht familja, pastaj shkolla, pastaj shoqeria, pastaj shteti, pastaj ligji, etj. etj. Pra tek ne, ka një dyzinë me halle dhe probleme që duhen zgjidhur, pasi situata mund të rëndohet. Vrasje në disko, vrasje në rrugë, në rrugica, në shkolla, në parqe, vrasje në hyrje pallatesh. Ai në Korçë tha se “doja të isha unë i forti lagjesh, dhe se ay më ngacmoi të dashurën”. Pra, mungesa e shkollimit, formimit, edukimit, dhe gjithçka tjeter që është njerëzore, solli dhe do të sjellë, krimin e rradhës.

Si parandalohet ? Me shumë lehtësi. Shterngo Kodin Penal, rrit me ligj rëndësinë e uniformes policit, mos ndalo kunderveprimin e policit kur goditet nga krimineli, dhe kaq. Pra të marrë “rybe” shteti dhe të poshtërohet krimineli. Keshtu kanë vepruar shtetet që kanë patur situata të tilla, (vendet nordike) dhe sot kanë, pothuajse  ZERO raste krimesh. Ndaj, hajde të gjithë bashkë, ti bëjmë ballë krimit dhe krimineleve, sepse ata janë pakicë, ata janë medioker, dhe mposhten kollaj fare. Ndryshe ky vend, do të përjetojë  drama edhe më të frimkshme nga krimi në qytetet dhe fshatrat tona.

Në lashtësi, errësimi i papritur i Diellit shihej si një ogur i keq dhe shkaktonte frikë. Sot, eklipset janë kthyer në një mundësi të rëndësishme për shkencëtarët për të studiuar Diellin, Tokën, kafshët dhe edhe reagimet e njerëzve.

Në qytetërimet e lashta, zhdukja e Diellit në mes të ditës shkaktonte habi dhe frikë. Në Kinën e lashtë besohej se një dragua po hante Diellin për shkak të sjelljes së keqe të njerëzve. Banorët u binin daulleve për të trembur dragoin dhe për të rikthyer dritën.

Një eklips diellor i vitit 648 para Krishtit, i parë mbi ishullin grek Paros, frymëzoi edhe poetin Archilochus, i cili e përshkroi errësimin e mesditës si një ngjarje që tregonte se çdo gjë ishte e mundur.

Por përtej miteve dhe besimeve, eklipset ndihmuan që njerëzit të kuptonin më mirë lëvizjen e trupave qiellorë.

Me kalimin e shekujve, roli shkencor i eklipseve u bë gjithnjë e më i rëndësishëm. Në vitin 1868, gjatë një eklipsi, shkencëtarët zbuluan heliumin në spektrin e Diellit, përpara se ky element të identifikohej në Tokë.

Një tjetër moment i rëndësishëm ishte eklipsi i 29 majit 1919. Vëzhgimet e bëra nga Brazili deri në Afrikën Lindore ndihmuan në konfirmimin e teorisë së relativitetit të përgjithshëm të Albert Einstein, duke matur devijimin e dritës së yjeve nga graviteti i Diellit.

Sot, edhe pse satelitët e vëzhgojnë Diellin vazhdimisht, eklipset vazhdojnë të jenë të vlefshme për shkencëtarët. Ato krijojnë kushte të rralla që nuk mund të përsëriten lehtësisht me pajisje artificiale.

Çfarë studiojnë shkencëtarët gjatë eklipsit?

Një nga objektivat kryesore është studimi i koronës diellore, shtresa e jashtme e atmosferës së Diellit.

Shkencëtarët përdorin pajisje të quajtura koronografë, të cilat krijojnë një lloj eklipsi artificial duke mbuluar pjesën qendrore të Diellit. Megjithatë, sipas astrofizikanëve, Hëna mbetet shumë më efektive në mbulimin e diskut diellor.

Kjo është e rëndësishme sepse aktiviteti i Diellit ndikon në magnetosferën dhe jonosferën e Tokës, si dhe në kushtet që ndikojnë te satelitët, astronautët dhe fluturimet ajrore.

Një nga misteret që shkencëtarët po përpiqen të zgjidhin është temperatura shumë e lartë e koronës diellore. Ajo arrin rreth 1.5 milionë Kelvin, ndërsa sipërfaqja e Diellit ka një temperaturë prej rreth 5 800 Kelvin.

Studimi i këtyre dukurive mund të ndihmojë gjithashtu në kuptimin më të mirë të yjeve të tjerë dhe të sistemeve ku ndodhen planetet jashtë Sistemit Diellor.

Shkencëtarët do të studiojnë edhe kafshët

Eklipset nuk interesojnë vetëm astronomët. Edhe biologët i shfrytëzojnë këto ngjarje të rralla për të studiuar reagimin e kafshëve ndaj ndryshimit të papritur të dritës.

Një grup studiuesish spanjollë ka kërkuar 300 vullnetarë për të marrë pjesë në një eksperiment që do të analizojë reagimin e kafshëve para, gjatë dhe pas eklipsit.

Projekti do të përdorë regjistrues zanorë për të krahasuar tingujt dhe sjelljen e kafshëve në këto tri faza. Vëmendje e veçantë do t’u kushtohet zogjve dhe lakuriqëve të natës.

Studiuesit dyshojnë se lakuriqët mund ta ngatërrojnë errësirën e eklipsit me ardhjen e natës dhe të fillojnë aktivitetin më herët se zakonisht.

Vëzhgime të mëparshme kanë treguar se gjatë eklipseve bletët kthehen shpejt në kosheret e tyre, primatët mblidhen dhe reagojnë ndaj qiellit, ndërsa zogjtë e ditës heshtin dhe disa kafshë të natës bëhen aktive.

Edhe elefantët, luanët dhe arinjtë do të vëzhgohen gjatë eklipsit në disa kopshte zoologjike në Spanjë.

Si ndikon eklipsi te njerëzit?

Shkencëtarët kanë nisur të studiojnë edhe ndikimin e eklipseve te trupi dhe mendja e njeriut.

Gjatë eklipsit të vitit 2017 në Shtetet e Bashkuara, studiuesit analizuan rreth 3 milionë postime në rrjetet sociale. Ata zbuluan se njerëzit që e përjetuan eklipsin e plotë shfaqën ndjenja më të forta mahnitjeje dhe përdorën më shumë gjuhë që lidhej me mbështetjen, modestinë dhe ndjenjën e komunitetit.

Në vitin 2023, një tjetër studim në New Mexico analizoi reagimet e trurit dhe zemrës gjatë një eklipsi unazor. Rezultatet e para treguan ndryshime në aktivitetin e trurit që lidhen me ndjenjën e mahnitjes, megjithëse kërkimi mbetet ende në fazat fillestare.

Një eksperiment tjetër do të zhvillohet gjatë eklipsit të plotë të 12 gushtit. Shkencëtarët katalanas kanë nisur projektin “Solaris”, ku rreth 5 mijë vullnetarë do të përdorin orët inteligjente për të regjistruar të dhëna biologjike para, gjatë dhe pas eklipsit.

Studiuesit në Barcelonë do të analizojnë këto të dhëna për të parë se si ndryshon ritmi i zemrës dhe frymëmarrja kur mijëra njerëz përjetojnë njëkohësisht errësimin e papritur të qiellit.

Pavarësisht shekujve të vëzhgimeve, disa minuta eklips vazhdojnë t’u ofrojnë shkencëtarëve mundësi të reja për të studiuar Diellin, Tokën, kafshët dhe vetë njeriun.

Artikulli është përshtatur në shqip nga France 24

Vdekjet ndodhën në departamentet e Valle del Cauca , Choco, Antioquia, Caldas dhe Rizalda, sipas përditësimeve të fundit nga vendi.

Dhjetëra njerëz kanë vdekur në rajonin e Valle del Cauca, ku ndodhet Cali, qyteti i tretë më i madh i Kolumbisë.

Tërmeti pati një thellësi fokale prej 115 km, u ndje fuqishëm dhe shkaktoi dëme në ndërtesa, me njerëzit që ikën nga frika.  Shërbimi gjeologjik i Kolumbisë tha se epiqendra ishte në provincën Choco, në bregdetin e Paqësorit.

Shërbimi Gjeologjik i SHBA-së tha se nuk ishte lëshuar paralajmërim për cunami.

Massive 7.4 magnitude earthquake in Colombia pic.twitter.com/4LpedCpUFd

— (@Nerdy_Addict) August 10, 2026

Më herët, kryebashkiaku i Pereiras, Mauricio Salazar , konfirmoi një numër paraprak prej 18 të vdekurish dhe dhjetëra të plagosurish, ndërsa kryebashkiaku i qytetit fqinj të Manizales,  Jorge Eduardo Rojas, tha se dy persona ishin vrarë atje.

Guvernatori i Valle del Cauca, Dilian Francisca Toro, i tha El Tiempo se midis të vdekurve ishin tre fëmijë.

Kërkimet në rrënoja vijojnë, pasi bilanci pritet të rëndohet më tej, teksa shumë ndërtesa janë shembur.

People flee falling debris in the early moments of a powerful earthquake in western Colombia, which brought down buildings across several cities and left others trapped in ‌the rubble, local authorities said https://t.co/TiNvh3JvkH pic.twitter.com/gznDv311x9

— Reuters (@Reuters) August 10, 2026

Këtë e theksoi kreu i Grupit Parlamentar të Partisë Socialiste dhe drejtuesi politik për Tiranën, Taulant Balla, gjatë një vizite në UKT, ku u prit nga drejtori Flauers Shoshi dhe u njoh me organizimin e punës së strukturave operative.

Sipas drejtuesit të UKT-së, shërbimi operativ funksionon 24 orë në ditë, shtatë ditë në javë, duke mundësuar marrjen dhe trajtimin në kohë të kërkesave dhe ankesave të qytetarëve.

Balla vlerësoi punën e stafit të UKT-së, veçanërisht në një periudhë me ngarkesë më të madhe për shkak të sezonit turistik dhe u bëri thirrje qytetarëve që për çdo problematikë lidhur me furnizimin me ujë apo shërbimet e UKT-së të përdorin kanalet zyrtare të komunikimit, me qëllim që ekipet operative të marrin dijeni dhe të ndërhyjnë sa më shpejt.

“Në një Tiranë që gjatë gushtit pret mijëra vizitorë, shërbimi 24 orë dhe reagimi në kohë janë të domosdoshëm për garantimin e një shërbimi cilësor për qytetarët dhe turistët”, u shpreh Balla.

Ngjarja është regjistruar pak më parë. Sipas të dhënave paraprake, viktima, i identifikuar me inicialet K.R., ka qenë në varkë së bashku me dy persona të tjerë, përpara se të hidhej në liqen dhe të mbytej.

Në vendngjarje ndodhet grupi hetimor, i cili po punon për zbardhjen e plotë të rrethanave të ngjarjes.

Pritet që hetimet të përcaktojnë nëse 30-vjeçari ka pësuar një problem shëndetësor, përfshirë një infarkt, pas kontaktit me ujin, apo nëse ka humbur jetën si pasojë e mbytjes.

Mësohet se vendimi është marrë pasi Policia e Shtetit nuk ka marrë përsipër garantimin e sigurisë gjatë shoqërimit të Çapjas jashtë ambienteve të burgut. Varrimi i nënës së Çapjas mbahej sot, në orën 14:00, në Elbasan.

Burime bëjnë me dije se Drejtoria e Burgjeve i ka drejtuar një kërkesë Policisë, duke pyetur nëse ajo do të merrte përsipër shoqërimin dhe sigurinë e Çapjas gjatë daljes nga burgu për të marrë pjesë në varrim.

Megjithatë, sipas të dhënave paraprake, Policia nuk i ka kthyer përgjigje kërkesës, duke bërë që Çapja të mos mund të merrte pjesë në ceremoninë mortore.

DËNIMI ME BURGIM TË PËRJETSHËM

Gjykata e Posaçme e Shkallës së Parë për Korrupsionin dhe Krimin e Organizuar shpalli më 19 prill 2023 vendimin për dënimin me burgim të përjetshëm të Ardian Çopja (Çapja) për një vrasje të dyfishtë të ndodhur në vitin 2012 si dhe grup të strukturuar kriminal.

Me burgim të përjetshëm u dënuan edhe Florenc Çapja dhe Jorgo Leku (alias Olsi Leka), ndërsa Klajdi Dokoli dhe Etjen Cani u dënuan me 25 vjet burg dhe Ervis Bardhi me 15 vjet heqje lirie.

Çopja dhe të pandehurit e tjerë u shpallën fajtorë për vrasjen e Nezir dhe Gentjan Beqirit, babë e bir, e ndodhur mëngjesin e 15 gushtit të vitit 2012 në qytetin e Elbasanit, brenda banesës së të ndjerëve.

Ardjan Çapja dhe anëtarë të familjes së tij janë pjesë e një sërë ngjarjesh të rënda që kanë ndodhur në Elbasan në 16 vitet e fundit, mes së cilave edhe disa atentate.

ATENTATET NDAJ ARDIAN ÇAPJAS

Emri i Ardian Çapjas është jo pak i njohur për autoritetet shqiptare, ndërsa një prej atentateve më të bujshme ndaj tij ndodhi në vitin 2020, kur u qëllua me snajper pranë banesës së tij në Elbasan.

Ardian Çapja u qëllua me snajper më 8 Qershor 2020 dhe mori një plumb poshtë supit. Ngjarja ka ndodhur në lagjen e quajtur Krastë. Ky ishte atentati i tretë ndaj tij. Atentati i parë i është bërë në janar të 2016. Ndërsa atentati i dytë i është bërë në dhjetor të 2017.

Sipas të dhënave të bëra publike në atë kohë, atentatori e kishte mbajtur Çapjan nën vëzhgim dhe kishte zgjedhur një pozicion të përshtatshëm për të qëlluar.

Burimet e kohës dyshonin se snajperisti dhe persona të tjerë të përfshirë në atentat ishin pozicionuar në një servis pranë banesës së Çapjas. Distanca në vijë ajrore mendohej të ishte rreth 150 metra.

Po ashtu, asokohe u raportua se urdhri për ekzekutimin e tij u dha nga Suel Çela, dhe u qëllua nga snajperisti nga Shkodra, Prekë Kodra.

Serbia, pas Shqipërisë dhe shumë më pas Malit të Zi, po bën të gjitha përpjekjet për t’u integruar në Bashkimin Evropian. Paçka se përqindja popullore që e kërkon, krahasuar me vendet e lartpërmendura, është shumë më e ulët. Përqindja e votuesve serbë pro integrimit shkon nga 36% (referuar hulumtimit të Qendrës për Politika Evropiane – CEP) dhe 45% (sipas sondazheve të bëra për Delegacionin e BE-së në Serbi).

Por Serbia në udhën evropianë, ndryshe nga dy vendet, vazhdimisht e sfidon BE-në, mes të tjerave për Kosovën, veç qëndrimeve ndaj Rusisë etj. E tillë është deklarata e fundit e presidentit Vuçiq, sipas të cilës po shqyrtohet ndryshimi i rrjedhës së lumit Ibër, një nga çudirat e fundit që ka dalë prej gojës së tij për konsumim populist.

Për ata që e njohin mirë, Vuçiq, kjo thjesht mund t’u ravijëzojë një buzëqeshje në buzë. Ishte ky njeriu që në Shtëpinë e Bardhë përbri delegacionit kosovar, i cili drejtohej nga kryeministri i asokohshëm Hoti, firmosi për Liqenin e Paqes së Trumpit. Apo të mos harrojmë, kur fliste për faktin se: “Nuk e japim Gazivodën”, deri te çmenduritë e tipit “do ta zbrazim Gazivodën”!! Paradoksi është se Ujmani është shumë i domosdoshëm edhe për serbët e Kosovës dhe çuditesh që ata vetë nuk po reagojnë. Veçse më shqetësues, në këtë rast, është fakti që Vuçiq nuk njeh detyrimet ndërkombëtare të vendit të tij dhe që në rrugën e integrimit janë kritere të qarta.

Qysh më 16 Prill të vitit 2013 Serbia u bë shteti i njëzet e gjashtë që iu bashkua Protokollit mbi Ujin dhe Shëndetin të Komisionit Ekonomik të Kombeve të Bashkuara për Evropën (UNECE) – Zyrës Rajonale të Organizatës Botërore të Shëndetësisë për Evropën (OBSH/Evropë) të Konventës së UNECE për Mbrojtjen dhe Përdorimin e Rrjedhave Ujore Ndërkufitare dhe Liqeneve Ndërkombëtare. Një protokoll, i cili hyri zyrtarisht në fuqi për Serbinë më 15 Korrik 2013.

Sot, llogariten gati më shumë se 3 miliardë njerëz që jo vetëm varen nga uji që kalon kufijtë kombëtarë, porse ndikimet klimatike prej thatësirës te përmbytjet po ndihem shumë edhe në rajonin tonë. Danubi dhe Sava në Beograd po e shfaqin dukshëm këtë problematikë, veç lumenjve të tjerë. Ndaj, bashkëpunimi në ujërat e përbashkëta nuk është se thjesht ofron një mjet jetësor për të promovuar zhvillimin e qëndrueshëm, përshtatjen ndaj ndryshimeve klimatike, paqen dhe stabilitetin, por edhe detyrimin ndaj obligimeve ndërkombëtare.

Është e kuptueshme që kjo është një nga pjesët hibride që Vuçiq po përdor për zgjedhjet e ardhshme, por për shqiptarët, lajthitje të tilla rrëfejnë se deriku ka arritur narrativa zyrtare serbe dhe më shumë akoma beftirat që do hasim shpesh me zyrtarët e tyre.

Nuk është vetëm ky moment, por Kosova dhe Shqipëria duhet të anashkalojnë shumë anomali të dukshme mes tyre dhe të jenë gati për më shumë harmoni politikash, por edhe për reflektime të Sigurisë së përbashkët Kombëtare. Serbia po na jep sinjale nga të gjithë krahët që po vigjilojnë aty, për t’ua bërë jetën e vështirë shqiptarëve edhe pse në këtë rast janë në absurd. Por, marria e Vuçiq për Lepencin, duhet ta trandë vetë BE-në dhe strukturat e saj. (Javanews)

Sipas raportimeve nga Italia, oferta e parë e klubit zikaltër për sulmuesin francez ishte 20 milionë euro plus kartoni i Kristjan Asllanit, por propozimi është refuzuar nga klubi saudit.
Interi po punon tashmë për një formulë të re, ndërsa situata mbetet e hapur edhe për Asllanin. Shqiptari është në qendër të lëvizjeve të merkatos së zikaltërve dhe mund të përdoret si pjesë e një operacioni që do t’i sillte Interit Diabyn.

Një tjetër element që e mban gjallë këtë histori është fakti se Diaby ende nuk ka pranuar transferimin te Bayer Leverkusen, duke lënë hapësirë për Interin që të tentojë edhe një herë. Kështu, një nga transferimet më interesante të kësaj vere mund të ketë edhe një protagoniste shqiptar: Kristjan Asllani, kartoni i të cilit po shfaqet si një nga çelësat e merkatos së Interit.

Tani mbetet për t’u parë nëse Interi do të rikthehet me një ofertë të re për Diabyn dhe, mbi të gjitha, se cili do të jetë destinacioni i Asllanit.

Qindra automjete janë vendosur në radhë të gjata, ndërsa qarkullimi vijon me ritme të ngadalta.

Kjo, për shkak të numrit të lartë të pushuesve që po kthehen pas fundjavës së kaluar në zonat turistike të jugut.

Radhët e automjeteve shtrihen për kilometra, duke sjellë vonesa për drejtuesit që lëvizin në drejtim të Vlorës.

Ndërtesa u shkrumbua tërësisht, me dëme të konsiderueshme materiale.

Fatmirësisht, nga ngjarja nuk raportohet për persona të lënduar.

Menjëherë pas marrjes së njoftimit për zjarrin, shërbimet zjarrfikëse mbërritën në vendngjarje dhe ndërhynë për të bërë të mundur shuarjen e flakëve.

Nga veprimet e para hetimore dyshohet se zjarri mund të jetë shkaktuar nga një shkëndijë elektrike.

Ndërkohë, grupi hetimor po vijon punën për të përcaktuar rrethanat dhe shkakun e plotë të ngjarjes.

Aksioni u krye një ditë më parë në Cesenatico, ku oficerët zbuluan një tjetër rast infiltrimi nga mafia shqiptare, e cila kontrollon tregtinë e pluhurit të bardhë në Riviera.

I arrestuari është një 36-vjeçar që jeton në një apartament në San Mauro Mare, i futur kontrabandë nga Shqipëria për të shitur drogë në zonë. Oficerët e vunë re duke shitur një dozë kokaine dhe e arrestuan menjëherë.

Për disa ditë, policia kishte marrë raportime për një person që udhëtonte midis San Mauro Mare, Gatteo a Mare dhe Cesenatico, duke u takuar fshehurazi me të rinj të cilët, pasi shkëmbyen drogë, ikën shpejt.

Pas hetimeve të kujdesshme dhe vëzhgimeve, oficerët identifikuan të dyshuarin. 36-vjeçari u ndoq dhe u ndoq deri në zonën e Ponentes, ku ata dëshmuan një takim të fshehtë me një burrë tjetër që bleu një dozë.

Oficerët ndërmorën veprime, duke e ndaluar tregtarin ndërsa ai po bëhej gati të largohej me makinën e tij, duke mbajtur ende shumën e parave të fituara në transaksion. Blerësi, duke përfituar nga distanca nga oficerët, arriti të arratisej.

Një kontroll i menjëhershëm i vendit të ngjarjes zbuloi tetë pako celofani të bardhë të vulosura, secila prej të cilave përmbante një dozë kokaine. Analiza e kryer nga Njësia e Policisë Forenzike në Stacionin e Policisë së Cesenës konfirmoi se ato përmbanin 4 gramë të destinuara për klientët.

Oficerët e stacionit të policisë verore të Cesenatico-s e çuan të dyshuarin në banesën e tij të përkohshme në San Mauro Mare, ku trafikanti i drogës po qëndronte me njerëz që nuk kishin lidhje me çështjen.

Një kontroll i apartamentit zbuloi një shumë të madhe parash, afërsisht 5,200 euro në para të gatshme (foto kryesore), që besohet të jenë të ardhurat nga trafiku i drogës, veçanërisht pasi 36-vjeçari është i papunë.

Paratë ishin fshehur pjesërisht pas një fotografie të varur sipër kokës së shtratit dhe pjesërisht në koshin e plehrave të banjës, informon media italiane.

“Këto vende fshehjeje ishin, të paktën, imagjinative dhe të vështira për t’u gjetur, të konsideruara si prova të prejardhjes së dyshimtë të parave, veçanërisht pasi i huaji nuk ishte në gjendje të justifikonte posedimin dhe burimin e tyre”, thanë autoritetet.

Përveç akuzës për posedim dhe trafikim të lëndëve narkotike, shqiptari u raportua edhe si emigrant i paligjshëm në tokën italiane: një emigrant i paligjshëm i rekrutuar nga organizata kriminale që sjell kokainë në Rivierë.

Specialisti kompjuterik që më ndihmon për kryerjen e sondzheve të opinionit, bëri një analizë të përgjigjeve të 18,834 të anketuarve në sondazhet e 12 muajve të fundit, dy prej të cilëve u zhvilluan në terren me anketim ballëpërballë (ndërthurur me të dhënat e KQZ-së për votimin më 11 maj 2025 dhe të INSTAT-it për popullsinë, vdekjet dhe emigracionin).

Të gjitha këto të dhëna u analizuan përmes modelit Claude të companisë së inteligjencës artificiale Anthropic. Dhe ja pasqyra elektorale që prodhoi analiza në prag të sezonit të ri politik.

Efektivët specialë kanë nisur kontrollet në varrezat e qytetit të Korçës, në kuadër të operacionit për kapjen e autorit të dyshuar të vrasjes së 20-vjeçarit Johan Zuko.

Për ndjekjene  tij janë përdorur edhe mjete speciale lokalizimi si dronë dhe pajisje gjeolokimi.

Dyshohet se Kristjan Sterjo, i shpallur në kërkim për vrasjen, mund të jetë fshehur në këtë zonë pas largimit nga vendi i ngjarjes.

Efektivët e RENEA-s po kontrollojnë hapësirat brenda dhe përreth varrezave, ndërsa kërkimet vijojnë intensivisht për lokalizimin e autorit të dyshuar.

Policia ka ngritur gjithashtu postblloqe në disa zona të Korçës dhe po verifikon pamjet e kamerave të sigurisë për të ndjekur gjurmët e tij.

Pas një takimi në Rabat, FIFA deklaroi se do të marrë masa për të mbrojtur integritetin dhe reputacionin e institucionit, ndërsa sekretari i përgjithshëm Mattias Grafstrom dhe anëtarët e bordit rikonfirmuan mbështetjen e tyre të plotë për Infantinon.

Megjithatë, organizata pranoi se kishte gabuar në mënyrën se si ishte menaxhuar propozimi i “FIFA Forward Enterprise”, duke theksuar se Këshilli i FIFA-s dhe federatat anëtare duhej të ishin përfshirë më shumë në proces.

FIFA konfirmoi gjithashtu se propozimi është tashmë i tërhequr dhe nuk do të vijojë më tej.