Analiza e mbështetur në deklaratat e krerëve ushtarakë dhe ekspertëve të mbrojtjes përshkruan një operacion 24-orësh, i cili synon “verbimin” elektronik të kundërshtarit dhe goditjen e bazave detare e ajrore turke përpara se forcat e zbarkimit të nisen drejt ishujve të Egjeut.

Sipas këtij skenari, përdorimi i avionëve luftarakë, raketave me rreze të gjatë dhe sistemeve moderne të mbrojtjes ajrore do të mundësonte neutralizimin e kërcënimit dhe krijimin e kushteve për ndërhyrjen e menjëhershme diplomatike nga aleatët ndërkombëtarë.

Publikimi i këtyre detajeve vjen në një moment mjaft delikat, ku mosmarrëveshjet për parqet detare, doktrinën turke “Atdheu Blu” dhe militarizimin e ishujve vazhdojnë të mbajnë të larta tensionet në rajon.

Gjatë diskutimit, Basha u ndal edhe te debati publik mbi zërat për dorëheqjen e kryeministrit Edi Rama, duke i cilësuar ato si pretendime pa bazë të krijuara për vëmendje në rrjetet sociale. Ai nënvizoi se mazhoranca ka qenë nxitësja kryesore e reformës në drejtësi dhe krijimit të Prokurorisë së Posaçme (SPAK), me vetëdijen e plotë se ky institucion do të hetonte zyrtarë të lartë pa përjashtim.

“Zoti Rama, kur e ka hedhur këtë ide për ta krijuar këtë institucion, ka qenë krejt i vetëdijshëm se ky institucion do të gjykojë e do të hetojë personalitete të larta të këtij vendi, të cilët mbajnë apo kanë mbajtur poste në këtë shtet. Ka qenë krejtësisht i vetëdijshëm se SPAK-u do të hetojë si brenda kësaj mazhorance, ashtu edhe jashtë saj,” u shpreh Basha.

Ndarja e pushteteve dhe menaxhimi i hetimeve ndaj zyrtarëve

Në analizën e tij, Basha bëri një dallim mes trajtimit të zyrtarëve me mandat publik dhe atyre pa imunitet parlamentar kur përballen me procese hetimore. Ai solli në vëmendje rastin e ish-zëvendëskryeministres Belinda Balluku, e cila u largua nga postet ekzekutive ndërsa vijon hetimi.

“Zonja Balluku dha dorëheqje nga posti i zëvendëskryeministrit dhe nga posti i ministrit; ajo është në hetim dhe gëzon vetëm mandatin e deputetit. Besoj se deri këtu ishte përplasja për çështjen e pushteteve të ndara, pra ideja që «ti nuk mundesh të më kompozosh mua qeverinë, por unë t’i kam krijuar mekanizmat dhe kam bërë gjithçka që ti të hetosh i lirë, i qetë dhe pa pengesa në detyrën tënde. Ndërsa rasti për personat që nuk kanë imunitet ka vetëm një reagim: në momentin që merresh në hetim nga kjo strukturë, ti menjëherë duhet të lësh detyrën dhe funksionin që ke, dhe ky reagim i kryeministrit ishte i menjëhershëm.,” deklaroi eksperti i sigurisë.

Lidhur me qëndrimet e kreut të qeverisë mbi rrjedhjen e të dhënave, Basha sqaroi se shqetësimi i ngritur nuk i adresohej drejtpërdrejt Strukturës së Posaçme, por lidhej me nevojën për të adresuar fenomenin e nxjerrjes së informacioneve sekrete në terrenin publik.

Në një intervistë me ‘Rretheqark’ në A2 CNN, ajo bëri të ditur se kjo është shqetësuese dhe dëmton besimin.

“Pa e mbivlerësuar ekspertizën time mbi politikën shqiptare, mund të them se këto janë ngjarje fatkeqe. Në çdo vend, kur kemi atë që në fushën e sigurisë quhet “kërcënim i brendshëm”, situata është serioze. Bëhet fjalë për një person që ka akses të privilegjuar në informacion dhe më pas e keqpërdor atë, duke e shkatërruar, ndryshuar ose transmetuar te persona që nuk duhet ta kenë. Kjo është gjithmonë shqetësuese dhe dëmton besimin”, deklaroi tha ekspertja në A2 CNN.

E pyetur se çfarë duhet të bëjë Shqipëria në një rast kaq sensitiv, ajo u shpreh se e rëndësishme është rikthimi i besimit te publiku, prandaj sipas saj duhet një hetim i plotë dhe transparent që të kuptohet nëse kemi të bëjmë vetëm me një individ apo një rrjet.

“Është gjithmonë një sfidë, sepse kemi të bëjmë me operacione shumë sekrete dhe, në të njëjtën kohë, me nevojën për drejtësi publike. Jo gjithmonë është e lehtë, sepse gjatë hetimeve mund të dalin në publik informacione operacionale. Prandaj duhet treguar kujdes. Por kur një ngjarje e tillë trondit besimin, gjëja më e rëndësishme është rikthimi i këtij besimi. Një hetim i plotë dhe sa më transparent që të jetë e mundur është shumë i rëndësishëm. Hetimi duhet të jetë i ndershëm, por edhe efikas, në mënyrë që e vërteta të dalë sa më shpejt dhe çështja të mos zvarritet. Gjithashtu, nëse ka indicie për lidhje të tjera, duhet të përcaktohet nëse kemi të bëjmë me një individ që ka vepruar i vetëm apo me një rrjet më të gjerë”, theksoi ajo.

Sipas ekspertes, Stephanie Carvin, raste të tilla dëmtojnë jo vetëm reputacionin e institucioneve, por edhe sigurinë kombëtare. Ajo theksoi se Shqipëria nuk është i vetmi vend anëtar i NATO-s që përballet me raste të tilla, pasi edhe Kanadaja ka pasur disa raste të ngjashme.

“Shqipëria nuk është i vetmi vend anëtar i NATO-s që përballet me raste të tilla. Edhe Kanadaja ka pasur disa raste të ngjashme. Në Kanada kemi pasur raste ku zyrtarë të lartë të policisë janë akuzuar për transmetim informacioni te krimi i organizuar. Edhe këtë vit, një praktikant në selinë e NATO-s u arrestua nën dyshimin se po përpiqej të mblidhte informacione, që sipas raportimeve mediatike mund t’i kalonin Kinës. Pra, këto janë situata me të cilat përballen vende të ndryshme, veçanërisht kur bëhet fjalë për informacion të specializuar që mund të jetë me interes për krimin e organizuar apo për shtete të tjera. Ajo që ka vërtet rëndësi është mënyra se si hetohen këto raste, nëse e vërteta bëhet publike dhe nëse personat përgjegjës mbahen para përgjegjësisë, nëse fajësia e tyre provohet. Kjo është mënyra se si mund të rikthehet besimi i publikut”, shtoi ajo.

Ajo përmendi rastin e ish-zyrtarit kanadez Cameron Ortis, i akuzuar për transmetim informacioni tek elementë kriminalë. Sipas Carvin, informacione të tilla mund t’u tregojnë grupeve kriminale se si po hetohen dhe t’i ndihmojnë të shmangin përgjimet apo hetimet për trafik droge, pastrim parash dhe aktivitete të tjera të paligjshme.

“Kur dikush abuzon me informacionin në këtë mënyrë, dëmton institucionin në disa drejtime. Fillimisht dëmton reputacionin e organizatës, por gjithashtu mund të pengojë drejtpërdrejt hetimet kriminale dhe punën e shërbimeve të inteligjencës”, tha ajo.

Carvin paralajmëroi gjithashtu se raste të tilla mund të ndikojnë edhe në marrëdhëniet me aleatët ndërkombëtarë. Sipas saj, nëse besimi cenohet, partnerët mund të hezitojnë të ndajnë informacione sensitive nga frika se ato mund të bien në duar të gabuara.

Në verën e vitit 2025, një prokuror i SPAK, pjesë e sektorit të luftës kundër krimit të organizuar dhe i vlerësuar për operacionet kundër grupeve kriminale, mësohet se është shfaqur me Gys Agasin në Palasë. Nuk dihet nëse i ka ofruar Agasit të dhëna hetimore, ndërsa ka dyshime se prokurori mund të jetë shantazhuar.

Në videot e Gysit mësohet se shfaqet edhe një gjyqtare e GJKKO, e cila duket se ka vendosur në siklet Altin Dumanin, prokurorin e çështjes. Gysin e ka takuar edhe gjyqtarja e famshme I. R.

Verën e vitit 2025, me Gys Agasin në Palasë është shfaqur edhe gazetari Elvi Fundo. Sipas burimeve, Agasi dhe Fundo janë filmuar nën një çadër, shumë miqësorë dhe duke konsumuar alkool, pas një fushate sulmesh mediatike të Fundos ndaj Agasit. Strukturat që i kanë monitoruar kanë dyshime se Fundo është mburrur tek Agasi për ndikimin e pretenduar të tij tek prokurorët Altin Dumani dhe Ols Dado.

Ish drejtuesja e SHISH, Vlora Hyseni, shfaqet jo vetëm në videot e Gys Agasit, por është monitoruar edhe në restorante në periferi të Tiranës me Agasin. Përpos ish drejtoreshës së AKSHI-t, Mirlinda Karçanaj, në videot e Agasit mësohet se shfaqet edhe ish ish-drejtoresha S. Q.

Të paktën 20 drejtoresha, ish drejtoresha dhe drejtorë të tjerë kanë hyrë në zyrën e Agasit në ish Bllok, zyrë e cila për disa kohë ka pasur fuqinë e paradhomës së kryeministrit. Në shfaqjen e shumicës së këtyre personazheve nuk ka asgjë të paligjshme.

Dy zonja të hijshme të PD-së, njëra ish deputete, shfaqen në videot e Agasit. Njëra prej tyre, e cila e kundron Berishën me aq ëmbëlsi, në një rast, është ndeshur me Çim Pekën në derën e zyrës Agasit, ajo duke hyrë dhe Peka duke dalë. Çim Peka mësohet se ka shërbyer si interlokutor mes Shkëlzen Berishës dhe Gys Agasit.

Ish drejtori i Policisë, Ilir Proda mësohet se raportonte sistematikisht para Gys Agasit. Me Agasin shfaqet edhe biznesmeni L. L., i cili kërkonte të zgjidhte hallin e bllokimit të një investimi në jug të vendit për shkak të pretendimeve mbi pronat. Ai gati se nuk humbi edhe atë që kishte arritur.

Më i zhgënjyeri nga bashkëpunimi me Gysin është Klod Allajbeu, i cili e akuzon se i tjetërsoi pronat në Hipotekë, duke i kaluar në emrin e tij. Nga planet ambicioze për biznes, Gysi dhe Klodi kaluan në kërcënime. Madje thuhet se Klodi i ka shpëtuar për një fije fatit të Gerond Meçes. Konflikti për pronësinë e EQUOS Resort vijon të jetë i hapur.

Gys Agasi u shndërrua në një Grigori Rasputin pranë pushtetit të Edi Ramës. Ndryshe nga Rasputin i cili pretendonte se kishte aftësi shëruese, duke i diktuar kështu Carit emërime të rëndësishme, Agasi kishte aftësi për të zgjidhur halle karriere, biznesi dhe në disa raste edhe zemre.

Deklarata buron nga koordinimi i Lëvizjes Vetëvendosje, Partisë Demokratike të Kosovës, Lidhjes Demokratike të Kosovës dhe Aleancës.

Kjo deklaratë u miratua me 99 vota për, asnjë kundër dhe asnjë abstenim.

Deklaratën e ka prezantuar kryetarja e Kuvendit të Kosovës, Albulena Haxhiu, që tha se parlamenti kundërshton aktgjykimin e padrejtë të Gjykatës Speciale.

“Duke e kujtuar se liria dhe pavarësia e Kosovës janë fryt i një përpjekjeje të gjatë për dinjitet njerëzor, barazi dhe të drejtën e një populli për të vendosur vetë për të ardhmen e tij, duke rikujtuar se lufta e popullit për liri dhe pavarësi përmes Ushtrisë Çlirimtare të Kosovës lindi në rrethana të represionit sistematik dhe krimeve gjenocidale të Serbisë, kur popullit të Kosovës po i mohoheshin të drejtat themelore dhe vetë mundësia për të jetuar i lirë në vendin e tij. Duke njohur rëndësinë vendimtare të ndërhyrjes së NATO-s për ndalimin e dhunës ndaj popullit të Kosovës dhe çlirimit të vendit.

Duke theksuar se asnjë aktgjykim nuk mund ta zhbëjë të vërtetën historike të luftës në Kosovë, Serbia ushtroi gjenocid e krime kundër njerëzimit, zhvilloi një fushatë të egër terrori dhe spastrimi etnik në Kosovë, masakroi civilë të pafajshëm, vrau fëmijë, gra e të moshuar, dhunë seksuale si armë lufte, dëboi me forcë popullsinë e dogji dhe shkatërroi fshatra e qytete të tëra. Këto krime ishin sistematike, pasojat e të cilave rëndojnë edhe sot mbi mijëra familje në Kosovë. I bindur se respektimi i shtetit të së drejtës përfshin edhe të drejtën dhe përgjegjësinë për të kundërshtuar me mjete ligjore dhe institucionale një aktgjykim që vlerësohet i padrejtë, liria dhe pavarësia e Kosovës janë të lidhura ngushtë me sakrificën e brezave, me rezistencën politike dhe paqësore të udhëhequr nga presidenti Ibrahim Rugova, me luftën e Ushtrisë Çlirimtare të Kosovës dhe me mbështetjen vendimtare të aleatëve tanë perëndimorë, përfshirë NATO-n”, deklaroi Haxhiu.

Në orën 11:30, Berisha do të zhvillojë një takim me delegacionin e Kosovës.

Në orën 15:30, në kuadër të seancës plenare të Parlamentit Europian, Berisha do të mbajë fjalën e tij.

Gjatë ditës, Kryetari i Partisë Demokratike do të zhvillojë gjithashtu takime zyrtare me përfaqësues dhe zyrtarë të Partisë Popullore Europiane (PPE).

Në qendër të mbledhjes pritet të jenë çështjet që lidhen me sigurinë kombëtare, mbrojtjen e informacionit të klasifikuar dhe masat që duhet të merren për të garantuar sigurinë e institucioneve shtetërore.

Këshilli i Sigurisë Kombëtare përbëhet nga drejtuesit e 13 institucioneve dhe drejtohet nga Presidenti i Republikës. Në takim do të jetë edhe kryeministri Edi Rama, i cili u kthye një ditë më parë në Shqipëri pas vizitës së tij në SHBA.

Pas vendosjes së masës ndaj ish-drejtoreshës së SHISH, Rama deklaroi se Hyseni duhet të përballet individualisht me drejtësinë, por e cilësoi masën e marrë ndaj saj si ekstreme. Sipas kryeministrit, çështja nuk lidhet vetëm me përgjegjësinë individuale, pasi hetimi ka nxjerrë në pah edhe shqetësime për mënyrën se si është mbrojtur informacioni i klasifikuar.

Rama ka argumentuar se një hetim penal ndaj drejtuesit të një institucioni si SHISH mund të ketë ndikim edhe në sigurinë kombëtare dhe interesat e shtetit. Për këtë arsye, pritet që në mbledhje të diskutohet edhe se cilat masa dhe garanci janë të nevojshme për të mbrojtur institucionet e sigurisë dhe informacionin sekret gjatë proceseve hetimore.

Në mbledhje do të marrë pjesë edhe drejtuesi i komanduar i SHISH-it, Elvis Lila. Ai do të qëndrojë në krye të institucionit deri në emërimin e drejtuesit të ri. Përzgjedhja e drejtuesit të ardhshëm të SHISH pritet të bëhet në konsultim mes kryeministrit Edi Rama dhe Presidentit Bajram Begaj.

“Do të duhet të mbrojmë popullin tonë në Kosovë dhe Metohi dhe të mos lejojmë ata që do të përpiqen t’i bindin të gjithë që të heqim dorë sa më shpejt nga Kosova, me arsyetimin se kështu nuk do të shohim më nga e kaluara, por nga e ardhmja. Të gjithë do të duhet t’i rezistojnë kësaj. Qytetarët le të mendojnë vetë”, tha Vuçiç.

Ai shtoi se Serbia duhet të vazhdojë rrugën evropiane, të ruajë marrëdhëniet me “miqtë tradicionalë në Lindje” dhe të përshpejtojë zhvillimin ekonomik.

“Do të duhet të vazhdojmë zhvillimin ekonomik, por kur flasim për zhvillimin ekonomik, do të duhet të kujdesemi për inovacionin, inteligjencën artificiale dhe robotët, që të mos mbetemi pas.Një herë jua kam treguar këtë. Kur isha në Paris, ata amerikanë që zotërojnë kompanitë më të mëdha satelitore në botë më thanë: ‘Jemi pesë ose gjashtë muaj përpara kinezëve’. Nuk e di, por ajo garë është shumë e pasigurt. Por, siç më thanë, pesë ose gjashtë muaj në këtë biznes, në një epokë kur vendimet merren shpejt dhe gjërat ndryshojnë me shpejtësi, janë shumë. Kur pyeta se sa prapa jemi ne evropianët, më thanë: ‘Shtatë deri në tetë vjet’. Atëherë shikoni vetë se sa prapa jemi. Dhe për këtë arsye Serbia, duke vazhduar rrugën e saj evropiane dhe duke u kujdesur për miqtë e saj tradicionalë në Lindje, do të duhet të zhvillohet ekonomikisht edhe më shpejt”, tha Vuçiç.

Aspak dmth, nuk është gjetja e Doktorit të PD. “Ripërtëritje e PD”, është shpikja më pa kuptim në realitetin e sotëm ku po përballet ajo parti. Ti thuash shqiptarëve, apo aq më tepër demokratëve se “ne po ripërtërihemi” natyrisht do tu thuash atyre edhe se si, do të mundësohet kr proces. Unë mbaj mënd qysh para 25 vitesh, të njëjtat emra dhe basarete në PD. Mbaj mënd të gjithë ata që kishte në funksione Berisha që nga 2005 apo 2009, 2013 dhe deri sot. Ka bërë 114 mbledhje Këshillit Kombetar, qindra takime dhe protesta, largoi Lulin me dajak, deklaroi se “vetëm unë mund ta shpie opozitën drejt pushtetit”, ka humbur nja 14 palë zgjedhje, ka flakur nga partia mbi 900 emra duke nisur nga ish-themelues, apo dhe ish-kryetare degësh në rrethe, dhe i mbushi vendet bosh me servilë, dhe sahanlëpirë. Berisha pretendon se me nismën “Ripërtëritje”, demokratët duhet të kuptojnë “largimin e qëndrestarëve, kritikëve dhe rrebelëve, me emra dhe njerëz apatikë, dhe mediokër”. Procesi i Doktorit, gjithsesi mbetet “ringjitje” në 1, 2 apo disa kuptime. Ringjitje e boshllëkut, shkaktuar nga largimet, ringjitje që vjen nga rikonfirmimi i përjetshëm i Sali Berishës në postin e kryetarit, apo dhe rrethit të tij të ngushtë, apo ringjitje e “plasaritjeve”  që shkaktoi largimi i “bashistëve” nga dajaku i ithtarëve të Doktorit. Pra, procesi “Ripërtëritje”, ka futur në siklet edhe vetë Mulin, Belindon, apo dhe kryetarët e degëve, që kur i pyet të thonë “nuk e kuptojmë fare ç’po ngjet në parti, zbatojmë vetëm urdhërat e Doktorit”. Atëhere kjo na qenkësh “Ripërtëritja” ? Çfarë  po ripërtërit Doktor, çfarë po ndryshon në PD, kush erdhi nga të rinjtë, nga elita intelektuale, sa janë shtuar anëtarësimet, sa aleatë konkretë keni në rast fushate elektorale për zgjedhje të parakohshme, jeni i bindur se përballë Edi Ramës dhe shumicës socialiste, mund ti fitoni zgjedhjet ? Pra janë shumë pikëpyetje, që nuk të bëjnë ti besosh “procesit të Ripërtëritjes”, të cilin sinqerisht do ta kisha besuar në rast se, Berisha do të tërhiqej, dhe do ti linte vendin të rinjve. Por duke ditur se, kjo nuk ka ndodhur për 36 vite në atë parti, atëhere nuk ka si të besoj sot, “Ripërtëritjen”. Ky process është thjesht “Ringjitje”, janë thjesht disa “manikota” që Berisha po u vendos sejmenëve të tij, atyre që përdor në Parlament dhe sheshet e Tiranes. Ndaj gjej një emër tjeter Doktor, të paktën shpejt e shpejt, para zgjedhjeve, sepse humbja e 2027 (pa le ajo e 2030) do ti zhgënjejë thellë demokratët e mbetur tek ajo çiflik-parti politike.

“Liri për çlirimtarët!” Kjo ishte thirrja që shoqëroi sot qindra qytetarë të Hasit në sheshin e Krumës, në një tubim në mbështetje të ish-pjesëtarëve dhe drejtuesve të UÇK-së që po përballen me proceset gjyqësore në Hagë.

Top Channel raporton se më 9 tetor parashikohen dy dëgjesa në Komisionin Parlamentar për Punët e Jashtme, të cilat konsiderohen si rokadë ambasadorësh.

Denion Meidani, aktualisht ambasador në Shkup, do të dëgjohet në këtë komision si i propozuar për të drejtuar diplomacinë shqiptare në Prishtinë.

Ndërsa kolegu i tij, Petrit Malaj, i cili prej tre vitesh mban postin e ambasadorit në Kosovë, do të paraqesë në këtë komision platformën se si do të çojë përpara drejtimin e ambasadës sonë në Shkup.

Për momentin mbetet i paqartë relacioni shoqërues i ministrit Ferit Hoxha për këto dy propozime, se përse ai e ka parë të nevojshme këtë rokadë ambasadorësh në Shkup dhe në Prishtinë.

Kujtojmë se zanafilla e këtyre dy ndryshimeve për herë të parë u mësua gjatë muajit maj, kur ambasadori Denion Meidani u vu në krah të protestave të studentëve në Shkup për provimin e jurisprudencës në gjuhën shqipe.

Atë kohë pati disa raportime, të cilat sugjeronin se ministri Ferit Hoxha kishte marrë disa ankesa nga partia qeverisëse VMRO dhe aleati i saj shqiptar VLEN për qëndrimet dhe rolin e ambasadorit Meidani në ato protesta.

Por Ministria për Evropën dhe Punët e Jashtme i hodhi poshtë këto pretendime, duke i quajtur tërësisht të pabazuara.

Theksonte në një reagim për mediat se “çdo vendimmarrje për emërimet apo lëvizjet diplomatike bëhet në përputhje me legjislacionin në fuqi dhe se këto procese bazohen në analiza profesionale dhe institucionale, me synim përdorimin sa më efikas të burimeve njerëzore dhe në funksion të prioriteteve të politikës së jashtme të Shqipërisë”.

Këto nuk janë të vetmet dy lëvizje ambasadorësh.

Javën e shkuar, në Komisionin Parlamentar për Punët e Jashtme u zhvillua dëgjesa me ambasadorin tonë në Londër, Uran Ferizi, të cilit i është besuar drejtimi i Misionit të Shqipërisë në OSBE në Vjenë.

Për momentin nuk është vendosur ende se kush do të jetë ambasadori i ri i Shqipërisë në Britaninë e Madhe.

Algoritmi i deformuar i opinionit që shpalli dorëheqjen e Edi Ramës, nuk është se ndodhi vetëm sot.

Ka më shumë se një vit që sillet në opinionin e opozitës dhe të revolucionarëve proxy të flamingove. Teza e rrëzimit nuk është e re në fakt në politikën shqiptare, pasi është përdorur në të shkuarën si një version i shtyrë nga faktorë e aktorë, të cilët nuk janë vetëm brenda vendit.

Në të gjitha rastet, kjo tezë, përkatësisht sulmi nga lart i pushtetit politik, ka sjellë vetëm rezultate traumatike. Duke mos zgjedhur asnjë çështje politike, madje duke hapur plagë të tjera më të mëdha.

Sulmi që drejtësia po i bën qeverisë, duket hapur se nuk është një operacion linear, nuk është një akt procedurial, por thjesht një operacion i shënjestruar për të realizuar një qëllim politik.

Qëllim politik që fsheh brenda vetes edhe një qëllim politik tjetër, i cili duhet thënë është përfolur prej kohësh në opinion.

Sot, pas Edi Ramës, njeriu më me popullaritet në public është ish-kreu i SPAK. E zbritja e të cilit në politikë mund të shikohet nga disa faktorë e aktorë, si një mundësi për të bërë rotacionin e famshëm.

Por, politika nuk është një operacion rrufe, nuk është një masë sigurie apo një reality show ku fiton popullaritet brenda një nate.

Politika është një proces, ku fitorja dhe humbja ecin bashkë drejt një rruge me kthesa dhe të përpjeta. Politika edhe pse duket e thjeshtë, nuk krijohet nga lart, pasi vjen si një organizim i ndërlikuar në territor. Ka një model të njohur në këtë lëmi, që e kemi afër dhe është Italia.

Antonio di Pietro, prokurori i njohur i grupit të “Mani Pulite” kishte një objektiv, që të gjithë thonin se e ka obsesion. Të arrinte tek Benito Craxi, ish-kryeministri i Italisë dhe lideri i Partisë Socialiste Italiane. Kjo ndodhi pasi arriti të arrestonte në paraburgim ajkën e industrisë italiane. Të cilët i kërkonte që të dëshmonin për rryshfetet e dhëna ndaj partive kryesore qeverisëse, posaçërisht ndaj Partisë Socialiste. Ajka e industrisë italiane u paraburgos në burgun famëkeq të Milanos San Vittore, ku ndodhën një numër i madh vetëvrasjes prej tyre. Gjë që shkaktoi një traumë të madhe në opinion dhe krijoi dilemat e para për Mani Pulite-n. Operacionet aggressive të Di Pietros prodhuan më pas edhe sulmet ndaj tij, ku u publikuan problemet që ai kishte pasur gjatë kohës që punonte në polici. i gjendur nën një sulm të fortë, Antonio Di Pietro u largua nga prokuroria dhe hyri në politikë.

Por popullariteti që kishte si prokuror, nuk u shpërblye në politike, ndaj dhe nuk ndenji shumë dhe u tërhoq. Kjo ka një arsye; pasi njerëzit mund të përkrahin një aksion, një ndërmarrje kur ajo duket se është e qartë, pa një prapavijë dhe qëllim dytësor.

Nuk ka asgjë që një njeri i i drejtësisë të hyjë në politikë, me reputacionin dhe bagazhin profesional; por aty duhet të bëjë gavetën nga e para.

Numrin më të lartë të aplikimeve e ka regjistruar Ministria e Shëndetësisë, me 782 aplikime, ndërsa në dispozicion të saj janë 70 kuota. Pas saj renditet Ministria e Punëve të Brendshme, me 448 aplikime për 70 kuota, ndërsa Ministria e Arsimit ka regjistruar 444 aplikime, po për 70 kredi.

Në total, kërkesa për këtë skemë është rreth 7 herë më e lartë se numri i kredive të disponueshme, duke e bërë të kufizuar numrin e përfituesve në raport me numrin e aplikimeve.

Thirrja përfshinte 300 kredi me 0% interes, të financuara për blerjen e një banese. Financimi përcaktohet sipas çmimit të referencës, ndërsa sipërfaqja e banesës lidhet me përbërjen familjare, sipas certifikatës familjare.

Për të përfituar nga skema, aplikantët duhet të jenë të punësuar në administratën publike dhe të plotësojnë kriteret e përcaktuara nga legjislacioni për strehimin social.

Ndër kushtet kryesore janë mungesa e një banese në pronësi ose disponimi i një banese nën normat e strehimit, kufizimet mbi pasuritë në pronësi, si dhe mospërfitimi më parë nga programe të tjera të strehimit social.

“Nga lumi Devoll, ku vijon puna për pastrimin, zgjerimin dhe rehabilitimin e 4.3 km argjinaturë, nga Pylli i Fazanëve deri në Orman, si dhe përforcimin e brigjeve”, shkruan Ministri Salla.

Punimet vijojnë prej më shumë se një muaji në të dy krahët e argjinaturës, në një gjatësi prej 4.3 kilometrash, në segmentin nga Pylli i Fazanëve deri në fshatin Orman. Kjo pjesë e argjinaturës është dëmtuar përgjatë gjatësisë së saj nga përmbytjet e fundit të vitit.Në kuadër të ndërhyrjes është planifikuar largimi i 143 mijë m³ aluvioneve, ndërsa paralelisht po përfundon puna për mbrojtjen lumore me gabionë dhe gurë kave, në një gjatësi prej 370 metrash linearë, në të dy krahët e argjinaturës.

“Ndërhyrje konkrete për më shumë mbrojtje nga përmbytjet, siguri për tokat bujqësore dhe zonat përreth”, thekson Ministri Salla.

“Shkollat e pastra”, një operacion i suksesshëm, falë bashkëpunimit me Prokurorinë, hetimit profesional dhe përdorimit të metodave speciale. Goditja e shpërndarjes së drogës, veçanërisht pranë shkollave, është prioritet i Policisë së Shtetit në Tiranë dhe në çdo cep të Shqipërisë”, shkroi ministri Demo në rrjetet sociale.

Ai theksoi se goditja e shpërndarjes së drogës, veçanërisht pranë shkollave, mbetet një prioritet i Policisë së Shtetit në Tiranë dhe në të gjithë vendin.

“Në çdo shkollë, në çdo qytet, në çdo cep të Shqipërisë, Policia e Shtetit do të jetë aty për të garantuar sigurinë e fëmijëve tanë”, u shpreh ministri i Punëve të Brendshme

Operacioni “Shkollat e pastra” ka çuar në ekzekutimin e masave të sigurisë “Arrest në burg” për 31 shtetas, ndërsa 14 të tjerë janë shpallur në kërkim.

Sipas njoftimit, duke qenë se nisja sot nga aeroporti JFK i Nju Jorkut është ende e pakonfirmuar si rezultat i motit të keq, ora e saktë të adresimit të kryeministrit Rama do të njoftohet paraditen e së nesërmes.

“Nesër sapo të kthehet nga vizita në Kombet e Bashkuara, kryeministri Edi Rama do t’u drejtohet me një mesazh shqiptarëve nga salla e shtypit të Aeroportit “Nënë Tereza”. Duke qenë se nisja sot nga aeroporti JFK i Nju Jorkut është ende e pakonfirmuar si rezultat i motit të keq, orën e saktë të adresimit do ta njoftojmë nesër paradite”, thuhet në njoftim.

Vizita e kryeministrit në SHBA, e cila filloi me një takim me komunitetin shqiptar në Michigan, ku ai njoftoi planin për hapjen e një konsullate shqiptare dhe theksoi prioritetin e “Shqipërisë 2030”, vijoi me angazhime të rëndësishme në Nju Jork.

Në kuadër të kësaj, Rama zhvilloi një takim me komunitetin shqiptar në Staten Island, ku njoftoi se qeveria ka nisur krijimin e Regjistrit Kombëtar të Diasporës.

Sipas kryeministrit, ky regjistër do të shërbejë si “një dritare për të gjithë ata që duan të investojnë sadopak ose sado shumë në Shqipëri”.

Ai iu referua Strategjisë Kombëtare të Diasporës 2030, të miratuar në samitin e fundit të diasporës, e cila mbështetet në katër shtylla kryesore: qeverisjen dhe shërbimet, dialogun dhe ekspertizën e diasporës, ekonominë dhe inovacionin, si dhe gjuhën e kulturën për brezat e rinj.

Rama theksoi se ndryshimi më i rëndësishëm në marrëdhënien me diasporën ka ndodhur “në mendësi”, duke e kthyer atë në një lidhje “shumë gjithëpërfshirëse dhe organike”.

Ai vlerësoi rolin e emigrantëve shqiptarë si një “det i madh energjie” dhe theksoi se Shqipëria nuk është më një vend mbijetese, por një vend shprese, ku pritshmëritë kanë kaluar nga “ka edhe më keq” te “ka edhe më mirë”.

Gjatë qëndrimit në Nju Jork, kryeministri mori pjesë edhe në aktivitete të tjera me komunitetin shqiptaro-amerikan dhe mbajti fjalën e tij në Asamblenë e Përgjithshme të OKB-së, duke prekur tema si inteligjenca artificiale, integrimi europian dhe pozicioni i Shqipërisë në skenën ndërkombëtare.

Gjatë një prononcimi për gazetarët në Shtëpinë e Bardhë përpara nisjes së tij drejt Tenesit, kreu i Shtëpisë së Bardhë u shpreh se synimi i administratës së tij mbetet hapja e ishullit karribian.

“Do të thoja se Kuba dhe ne do të bëjmë një marrëveshje. Nuk mendoj se do të na duhet ushtria. Ne duam ta ndihmojmë Kubën. Ne duam ta hapim Kubën për popullin tonë”, u shpreh Trump përpara gazetarëve.

Kjo deklaratë vjen pas një periudhe me tensione të larta gjeopolitike. Administrata amerikane ka deklaruar hapur synimin për ndryshimin e regjimit në Havana, ndërsa bllokada e naftës e vendosur nga SHBA-së në fillim të këtij viti e ka zhytur ishullin në një krize të thellë energjetike, të shoqëruar me mungesa të theksuara karburanti dhe ndërprerje të gjata të energjisë elektrike.

Presioni mbi Kubën u rrit gjithashtu pas veprimeve ushtarake të SHBA-së në janar që çuan në rrëzimin e presidentit venezuelian Nicolás Maduro, çka i hoqi Havanës aleatin kryesor ekonomik në rajon.

Ndryshimi i tonit nga Trump vjen vetëm pak ditë pasi ai e cilësoi Kubën si një “shtet të dështuar” gjatë fjalimit në Asamblenë e Përgjithshme të OKB-së, ku deklaroi se “liria do të vijë në kombin ishullor”, fjalim ky që nxiti largimin e delegacionit kubanez nga salla.

Nga ana tjetër, reagimi nga Havana nuk ka vonuar. I pranishëm në OKB këtë të shtunë, ministri i Jashtëm i Kubës, Bruno Rodríguez, u shpreh se vendi i tij mbetet përherë i hapur për dialog dhe marrëdhënie tregtare me kompanitë amerikane, ndonëse dënoi ashpër embargon më shumë se 60-vjeçare që SHBA-të mbajnë ndaj ishullit.

“Paketa e Maleve është bërë për të gjithë ata që kanë pronën atje dhe asnjë investitor tjetër nuk do të ketë akses nëse nuk është partneri juaj dhe nuk është dëshira juaj për ta pasur atje. Kush dëshiron të ketë një partner, është i mirëseardhur.

Kthimi i maleve në një burim mirëqënieje është një burim i rëndësishëm ëpr ta çuar përpara Shqipërinë. Synimi është që nga 12 milionë vizitorë në Shqipëri, është ta çojmë në 20 milionë. Më pas detyra është e të rinjve që do të marrin stafetën që ta çojnë më lart. Tashmë synimi është që në Shqipëri të sjellim turistin me të ardhura të larta.

Këtë synim ka edhe projekti i shumëdiskutuar, i famshëm, por edhe famëkeq si rezultati i shumë gënjeshtrave, manipulimeve dhe politik, Zvërneci dhe Sazani. Ky projekt sjell 4 miliardë euro në një ekonomi që në total është 27 miliardë euro.

I jashtëzakonshëm për Shqipërinë, por edhe delikat në ekuilibër në mjedisin dhe po punojmë shumë për të studiuar impaktin dhe për të kuptuar risqet reale dhe jo ato që prodhohen në rrjetet sociale nga manipulatorët dhe sharlatanët. Ditët e punës këtu kanë pak kafe dhe për më tepër atë kafen e tmerrshme amerikane, ndryshe nga Shqipëria.

Ju falënderoj për kohën që ju mora në këtë ditë pushimi. Falënderoj Xhemon që është veshur si politikan amerikan, unë para teje ngjaj si roja i hotelit. Të falënderoj shumë për organizimin. Bashkë me ty janë edhe disa djem nga Ulqini, shumë faleminderit.

Nëse burrat e Shqipërisë kanë bërë shumë budallallëqe, imagjino ç’do të bënin po të mos kishin gratë, prandaj ju falënderoj edhe juve. Mbajini mirë burrat dhe mos ja vini veshin kur bëjnë si të fortë, sepse në zemër dridhen kur flisni ju. Shumë faleminderit”, u shpreh Rama.

Pas dy humbjeve në miqësoret e para nën drejtimin e tij, Marani më në fund shijon edhe trepikëshin e parë, në një mbrëmje ku Shqipëria tregoi efikasitet në momentet vendimtare dhe ruajti portën të paprekur.

Festa në “Air Albania” nisi në minutën e 34-t, kur Kristjan Asllani u tregua i pagabueshëm nga pika e bardhë. Mesfushori ekzekutoi saktë 11-metërshin e fituar më herët nga Berat Gjimshiti, duke i dhënë Shqipërisë avantazhin.

Një gol që erdhi në momentin e duhur për kuqezinjtë, të cilët kishin vuajtur prej disa ndeshjesh mungesën e finalizimit.

Kur pjesa e parë po i drejtohej fundit, Ernest Muçi do të vendoste edhe ai firmën në këtë fitore. Pas një asistimi të bukur të Elseid Hysajt, sulmuesi e dërgoi topin në rrjetë dhe dyfishoi avantazhin kuqezi.

Një gol me peshë edhe për vetë Muçin, i cili e shfrytëzoi në maksimum mundësinë e marrë nga Marani.

Në pjesën e dytë, Shqipëria kërkoi edhe golin e tretë dhe pati disa mundësi të mira për ta mbyllur përfundimisht ndeshjen, por kuqezinjtë nuk arritën t’i konkretizonin rastet

Ndeshja e radhës për kuqezinjtë do të jetë të martën, më 29 shtator, në transfertë ndaj San Marinos.