Selmani, duke iu referuar përpjekjes së Imerit për të kritikuar liderin e BDI-së, Ali Ahmeti, thotë se deputetes i ka rrëshqitur gjuha, duke lënë të kuptohet se si e percepton ajo qytetarin.
Ajo i kujton deputetes se populli nuk është tufë delesh, por njerëz që punojnë, sakrifikojnë dhe jetojnë nga djersa e tyre. Madje, i bën thirrje që të dalë e pavarur ose në listë të hapur dhe të kërkojë drejtpërdrejt votën e qytetarëve.
“Jo, deputete! Populli nuk është dele, edhe kur voton një subjekt politik që përbëhet nga një tufë ujqish”, shkruan Selmani.
Në fund, ajo e përmbyll reagimin me një mesazh të drejtpërdrejtë për Saranda Imerin:
“Deputete, populli nuk kullot! Kullosin ata që ushqehen me taksat tona dhe e shohin popullin si dele.”

Përmes një mesazhi publik, Ahmeti ka theksuar rëndësinë e këtyre zgjedhjeve për përfaqësimin politik dhe institucional të shqiptarëve në Preshevë, Bujanoc dhe Medvegjë.

Ai ka vlerësuar se pjesëmarrja në votime nuk përbën vetëm ushtrim të së drejtës demokratike, por edhe përgjegjësi për ruajtjen dhe forcimin e identitetit kombëtar shqiptar.

Ahmeti ka nënvizuar se çdo votë është një zë për dinjitetin, barazinë dhe të ardhmen e shqiptarëve në Luginë, duke bërë thirrje që qytetarët të mos e humbin mundësinë për të kontribuar në përfaqësimin e tyre institucional.

Përmes një njoftimi në rrjetet sociale, Kasami ka bërë të ditur se gjatë një viti janë investuar mbi 3 milionë euro në përmirësimin dhe zgjerimin e rrjetit të ujësjellësit, kanalizimit fekal dhe atij atmosferik.

Këto investime janë pjesë e bilancit njëvjeçar të punës së Komunës së Tetovës, të cilin Kasami po e prezanton përmes publikimit të projekteve dhe rezultateve të realizuara gjatë mandatit./Gjurmë.info/

Në rastin e dërgesës së fundit, prej 19,3 tonësh, analizat laboratorike të kryera edhe nga inspektori kompetent fitosanitar i vendit tonë ka konfirmuar tejkalimin e nivelit maksimal të lejuar të pesticideve. Për këtë arsye, e gjithë sasia prej 19,3 tonësh është dërguar për asgjësim.

“Bazuar në rezultatet e analizave, dërgesa me mollë është kthyer nga Bullgaria në Maqedoninë e Veriut dhe është ndaluar në pikën kufitare Novo Sellë. Më pas, inspektori kompetent fitosanitar nga pala maqedonase ka marrë sërish mostra, të cilat janë dërguar për analiza në Laboratorin Shtetëror Fitosanitar në Shkup. Analizat e kryera kanë konfirmuar praninë e mbetjeve të pesticideve mbi nivelin maksimal të lejuar. Për këtë arsye, ngarkesa me mollë është vlerësuar si e pasigurt për konsum dhe është dërguar për shkatërrim, me qëllim parandalimin e daljes së produkteve të pasigurta në treg.” – Inspektorati Shtetëror i Bujqësisë

Ky është rasti i dytë i kthimit të mollëve nga Bullgaria. Më 29 tetor u ndalua një dërgesë prej 21 tonësh, por analizat në vend nuk konstatuan tejkalim të pesticideve. Ndërsa më 2 nëntor u kthyen edhe 19,3 tonë mollë, ku analizat vendore konfirmuan tejkalimin e nivelit të lejuar.

Përveç mollëve, gjatë këtij viti, disa produkte bujqësore nga Maqedonia e Veriut janë ndaluar ose kthyer nga tregjet e huaja. Në muajin gusht, Bullgaria ktheu 11,6 tonë speca për shkak të tejkalimit të nivelit të lejuar të pesticideve. Në shtator, po në Bullgari, u ndalua edhe një dërgesë prej 11,8 tonësh speca.

Në të njëjtin muaj, nga Mali i Zi u kthyen 14 tonë rrush të zi, ndërsa autoritetet kroate raportuan probleme me dërgesa të specave dhe kumbullave, në një sasi të përgjithshme prej afro 50 tonësh. Disa prej këtyre produkteve u asgjësuan. Ndërkaq, në fund të tetorit dhe në fillim të nëntorit, Bullgaria ndaloi edhe dy dërgesa me mollë, përkatësisht prej 21 dhe 19,3 tonësh, për shkak të problemeve me mbetjet e pesticideve.

“Mos i merrni seriozisht ZNAM-in e Maksit. Ata thoshin se nuk mund të shkarkohet Fillkovi, por e dini si përfundoi kjo histori”, ka thënë Azizi.

Provimi i jurisprudencës, thekson ai, do të jepet në gjuhën shqipe i pëlqeu kjo ZNAM-it ose jo, “sepse për të drejtat e shqiptarëve pyetet VLEN-i e jo ZNAM-i”.

“Nuk ngjallet një parti e vdekur me deklarata shoviniste. Përkundrazi, do të fundoset edhe më shumë”, ka deklaruar Azizi.

Me këtë reagim, deputeti i VLEN-it përcjell mesazhin se qëndrimi i VLEN-it për realizimin e të drejtës së studentëve shqiptarë për ta dhënë provimin e jurisprudencës në gjuhën shqipe mbetet i pandryshuar, pavarësisht kundërshtimeve të njërit prej partnerëve të koalicionit.

Në një status në rrjetet sociale, ajo rikujton se në vitin 2004, Qeveria e atëhershme e Maqedonisë kishte depozituar në Këshillin e Evropës një raport zyrtar, në të cilin shqiptarët përfshiheshin shprehimisht në kategorinë e popujve që mbrohen nga kjo konventë.

Sipas Stafait, ky dokument përbën një çështje thelbësore, pasi në raportin zyrtar të dorëzuar në Këshillin e Evropës, shqiptarët trajtohen si pakicë kombëtare. Ajo e lidh këtë përcaktim me problemet që, sipas saj, kanë shoqëruar statusin e shqiptarëve ndër vite.

Në reagimin e saj, Stafai i është drejtuar drejtpërdrejt Ahmetit me pyetjen: “He more Ali Ahmeti! Sa e ke kullotur këtë popull për 22 vjet?!”

Ajo ka shtuar se shqiptarët ishin përfshirë shprehimisht në deklaratën e rishikuar të Maqedonisë, të dorëzuar në Këshillin e Evropës më 2 qershor 2004.

“Vonë jeni zgjuar nga gjumi!”, ka përfunduar reagimin deputetja e VLEN-it.

I riu po drejtonte një automjet të tipit “Volkswagen Passat”, me targa të Shkupit, kur gjatë kontrollit policor është konstatuar dokumenti i falsifikuar.

Pas arrestimit, ai i është dorëzuar zyrtarëve policorë të SPB Kumanovë për procedim të mëtejshëm.

Ajo vlerësoi se ky rast nuk duhet të jetë vetëm objekt i një seance mbikëqyrëse në Kuvend, por duhet të hetohet edhe nga Prokuroria, Policia Financiare dhe institucionet e tjera kompetente.“Unë, si juriste dhe si specialiste e së drejtës penale, mendoj se mbikëqyrja e këtij rasti duhet të shkojë përtej seancave mbikëqyrëse. Ne kemi gjykata, prokurori dhe Polici Financiare, të cilat duhet ta verifikojnë rastin dhe të zhvillojnë procedurë”, deklaroi Bilalli Zendeli.

E pyetur nëse BDI do të kërkojë përgjegjësi politike dhe penale, ajo u përgjigj pozitivisht.

Kërkesat e saj vijnë pas vendosjes së administrimit të përkohshëm në „Alta Banka“ SHA Manastir, pasi pronarit shumicë të saj, „Alta Banka“ SHA Beograd, iu revokua licenca për punë në Serbi.

Bilalli Zendeli konsideron se institucionet kompetente duhet të japin përgjigje se si është miratuar transaksioni përmes të cilit banka serbe u bë pronare shumicë e bankës në Manastir.

Ajo përmendi guvernatorin e Bankës Popullore, Trajko Sllaveski, kryetaren e Komisionit për Letra me Vlerë dhe Qeverinë e udhëhequr nga VMRO-DPMNE dhe VLEN-i, si aktorë institucionalë dhe politikë prej të cilëve pret përgjegjësi.Sipas saj, marrja në pronësi nuk mund të ishte realizuar pa dijeninë dhe mbështetjen e strukturave më të larta shtetërore.

Ajo e lidhi hyrjen e bankës serbe në tregun maqedonas me atë që e cilësoi si aleancë politike mes Viktor Orbanit, Aleksandar Vuçiqit dhe Hristijan Mickoskit.

Limiti është vendosur për parandalimin e shpëlarjes së parave, por shumë vetë ende nuk e dinë se kjo vlen edhe gjatë blerjes së zakonshme në dyqan, përcjell INA.

Bleni një telefon celular, keni para në dorë (kesh), shkoni te kasa për të paguar, ndërsa shitësi ju thotë se nuk mund t’i pranojë paratë. Duhet me kartelë ose përmes bankës. Pikërisht një situatë e tillë i ka ndodhur një blerësi në një dyqan të telefonave celularë.

“Po blija një telefon celular dhe te kasa më me treguan se nuk mund të paguaja në kesh. Pagova në kesh vetëm 61.000 denarë, pjesën tjetër e dopagova me kartelë”, tregon blerësi.

Për shumë njerëz kjo mund të jetë një surprises, por kufizimi nuk është i ri. Në Maqedoni nga 1 janari 2025 vlen ndalesa për pagesa me para në dorë për mallra dhe shërbime në vlerë prej 1.000 eurosh ose më shumë në kundërvlerë me denarë. Një kufizim i tillë existonte edhe në vitin 2019, më pas kufiri i sipërm u rrit për t’u uqur përsëri nga 1 janari nga 2.000 në 1.000 euro sa lejohen për pagesat me para në dorë.

Rregulli rrjedh nga Ligji për parandalimin e shpëlarjes së parave dhe financimit të terrorizmit. Me të është paraparë që nga 1 janari 2025 ndalesa të zbatohet për pagesat me para në dorë (kesh) mbi 1.000 euro në një ose më shumë transaksione të lidhura me njëra-tjetrën.
Me ligj rregullohet ndalesa për pagesën me kesh të mallrave dhe shërbimeve, kur pagesa nuk kryhet përmes bankës, kursimores ose llogarisë në një institucion tjetër që ofron shërbime pagesash.
DAP (Drejtoria e Të Hyrave Publike) kryen mbikëqyrjen mbi zbatimin e ndalesës, ndërsa detyrimi ligjor vlen si për tregtarët, ashtu edhe për blerësit. Sipas ligjit, pagesa nuk bëhet vetëm përmes kartelës, ekziston mundësia të paguhet edhe përmes bankës, gjegjësisht përmes llogarisë me pagesë. Mirëpo, pagesa me kartëmonedha drejtpërdrejt në kasë për një vlerë që arrin pragun ligjor, nuk është e lejuar.
Ligji parahap edhe gjoba për tregtarët që do të pranojnë para në dorë në kundërshtim me ndalesën. Gjobat varen nga madhësia e kompanisë dhe lëvizin nga 5.000 deri në 40.000 euro në kundërvlerë me denarë.(INA)

Këtë e ka bërë të ditur zëvendësdrejtori i Drejtorisë së Doganave, Mustafa Dauti, i cili ka veçuar disa nga rezultatet dhe aktivitetet e institucionit të evidentuara në raport.

Sipas Dautit, të ardhurat e përgjithshme të arkëtuara nga Drejtoria e Doganave gjatë vitit 2025 kanë qenë 5,2 për qind më të larta krahasuar me vitin 2024, duke tejkaluar shumën prej 2,1 miliardë eurosh.

Në raport theksohen edhe avancimi i sistemit të inteligjencës për mbështetjen e hetimeve dhe zbatimin e ligjit, sistemi i ri për menaxhimin e rrezikut, si dhe pjesëmarrja në operacionet ndërkombëtare dhe shkëmbimi i informacioneve të inteligjencës.

Dauti ka veçuar gjithashtu forcimin e kapaciteteve të Sektorit për Kontroll dhe Hetime, me mbështetjen financiare të Bashkimit Evropian. Këto kapacitete janë përmirësuar përmes sigurimit të automjeteve të reja, pajisjeve mbrojtëse dhe pajisjeve të teknologjisë informative për sallën e serverëve.

Një tjetër aspekt i evidentuar është zbatimi i Strategjisë për Integritet dhe Luftë kundër Korrupsionit për periudhën 2024–2027, si dhe avancimi i procesit të digjitalizimit përmes zhvillimit të sistemeve të reja doganore.

Raporti përmend edhe shkallën e lartë të harmonizimit të legjislacionit doganor me atë të Bashkimit Evropian, miratimin e Tarifës Doganore për vitin 2026 në përputhje me Nomenklaturën e Kombinuar të BE-së, si dhe ratifikimin e Protokolleve 5 dhe 6, që krijojnë kornizë për lehtësimin e tregtisë përmes bashkëpunimit doganor dhe liberalizimit të tregtisë së shërbimeve.

Sipas zëvendësdrejtorit Dauti, këto janë disa nga rezultatet që dëshmojnë përparimin e Drejtorisë së Doganave në procesin e përafrimit me standardet dhe praktikat e Bashkimit Evropian.

Pas ndërhyrjes së Salit, është vendosur që tabela të rishikohet dhe të përfshijë edhe gjuhën shqipe, krahas gjuhëve të tjera.

Çështja u ngrit pas inaugurimit të ndriçimit të Urës së Gurit, ku Sali mori pjesë në ceremoninë e organizuar me rastin e përfundimit të projektit. Në këtë aktivitet, vëmendja u përqendrua edhe te tabela informuese në këtë monument historik, ku mungonte shqipja.

Heqja e tabelës hap rrugën për vendosjen e një versioni të ri, në të cilin informacionet për njërin prej simboleve më të rëndësishme të Shkupit do të jenë të qasshme edhe në gjuhën shqipe.

Dimitrievski tha se qëndrimet e ZNAM-it për këtë çështje janë të njohura për kryeministrin Hristijan Mickoski, por shtoi se partia është e gatshme të zhvillojë bisedime brenda koalicionit qeveritar.

“Në takimin e ardhshëm me kryeministrin do të kërkoj një takim të liderëve, sepse ne asnjëherë nuk kemi biseduar hapur me partnerët tanë në Qeveri për këtë çështje, me qëllim që të përcaktojmë të gjitha vijat tona të kuqe dhe çfarë do të nënkuptojë kjo në të ardhmen për shtetin dhe për të gjithë sistemin tonë gjyqësor”, tha kryetari i Lëvizjes ZNAM.

Sipas tij, çështja e provimit të jurisprudencës nuk është e izoluar, por prek edhe aspekte më të gjera të funksionimit të sistemit gjyqësor dhe të rregullimit shtetëror. Sipas tij, pas kërkesave për zgjerimin e përdorimit të gjuhës shqipe në këtë fushë qëndrojnë qëllime më të gjera politike. Në këtë drejtim, ai vlerësoi se në vend ekzistojnë forca që dëshirojnë që një ditë shteti të shndërrohet në konfederatë.

\*\*“Maqedonia është republikë, por fatkeqësisht në vend ekzistojnë forca që dëshirojnë që një ditë ta shohin atë si konfederatë. Në vazhdimësi shfaqen individë të caktuar që bëjnë thirrje për më shumë të drejta dhe bashkim të komuniteteve lokale, por mbi baza etnike dhe jo territoriale. Për më tepër, pas përfundimit të zgjedhjeve lokale në Bërvenicë, doli njëri nga ish-liderët e partive shqiptare dhe tha: ‘Është koha ta shpallim Iliridën’.

Maqedonia nuk mund të jetë një formë e thjeshtë e shtetit – republikë – nëse avancimin e të drejtave të veçanta të komuniteteve të tjera etnike, të cilat e shfrytëzojnë këtë të drejtë, e konsiderojnë si të drejtë kushtetuese dhe si të drejtë që duhet ta komplikojë edhe më tej shtetin. Kjo e thjeshton procesin vetëm për një grup të vogël qytetarësh që janë pjesë përbërëse e shtetit, por njëkohësisht e komplikon edhe më shumë të gjithë procedurën për të gjithë të tjerët”,\*\* tha Dimitrievski.

Kërkesat që provimi i jurisprudencës të jepet edhe në gjuhën shqipe, të cilat sipas Dimitrievskit “po imponohen në mënyrë shumë naive në opinion”, siç tha ai, janë në kundërshtim me rekomandimet e Komisionit të Venecias të vitit 2019 për përdorimin e gjuhëve të tjera përveç maqedonishtes në sistemin gjyqësor.

Sipas tij, pasojat do të jenë të mëdha në vetë funksionimin e sistemit gjyqësor në vend.

Edhe pse deklaroi se nuk është kundër përdorimit të gjuhëve të komuniteteve etnike pakicë, duke përmendur Kumanovën si shembull të zbatimit të disa gjuhëve në punën e Këshillit të Komunës, Dimitrievski shtoi se as ai dhe as partia që drejton nuk do të lejojnë “komplikimin e mëtejshëm të shtetit”.

“Qeveria dhe opozita, konkretisht LSDM-ja, kanë ambicie të ndryshme. Ata i gëzohen skenarëve më të këqij, ndërsa ne po bëjmë çmos për të gjetur një zgjidhje, përkatësisht një blerës që do ta blejë bankën, sepse banka është vërtet në gjendje të shkëlqyer. Ata gëzohen që qytetarët të mos kompensohen, ashtu siç ndodhi me rastin “TAT” në kohën e LSDM-së, apo me “Eurostandard Bank”, po ashtu në kohën e LSDM-së. Kam thënë dhe qëndroj pas asaj që kam deklaruar se çdo kreditor dhe çdo depozitues do të kompensohet deri në qindarkën e fundit. Pjesa dërrmuese e depozitave janë të siguruara nga Fondi i Sigurimit të Depozitave, ndërsa pasuritë e bankës tejkalojnë dukshëm detyrimet e saj. Megjithatë, ne po përpiqemi ta shmangim këtë skenar të zi, për të cilin, sipas tij, lutet dhe punon çdo ditë opozita e LSDM-së. Po bëjmë përpjekje që kjo të mos ndodhë dhe të gjejmë një blerës. Në ditët në vijim, së bashku me guvernatorin dhe ministren e Financave, do të zhvillojmë një takim, ose më saktë disa takime, me institucione të ndryshme financiare që mund të jenë blerës potencialë të bankës.

Sipas Durmishit, vlerësimet pozitive nga Brukseli dëshmojnë angazhimin e Qeverisë për përmirësimin e klimës ekonomike, forcimin e konkurrueshmërisë dhe krijimin e kushteve më të favorshme për zhvillimin e biznesit.

Raporti i Komisionit Evropian evidenton përparim në zbatimin e Agjendës së Reformave dhe në shfrytëzimin e mekanizmave financiarë të Bashkimit Evropian, në kuadër të Planit të Rritjes për Ballkanin Perëndimor.

Pavarësisht vlerësimeve pozitive në disa fusha ekonomike, Komisioni Evropian kërkon reforma të mëtejshme, veçanërisht në sundimin e ligjit, luftën kundër korrupsionit dhe përmirësimin e funksionimit të institucioneve.