“Burra baheni gati me 16 i presim burrat” tha Haradinaj duke shtuar “Kush don gëzon, kush don vajton…kurrë mos të ju ndahet vaji”.

Kjo kërkesë u paraqit menjëherë para fazës në të cilën të akuzuarit duhet të deklarohen nëse ndihen fajtorë për veprat penale që u ngarkohen.

Avokati i tij, Alispahiq, shpjegoi para gjykatës se bëhet fjalë për një të drejtë personale të të akuzuarit, e garantuar me ligj. Sipas mbrojtjes, qëllimi është që Avdi të kuptojë plotësisht se për çfarë saktësisht akuzohet, para se të deklarohet në lidhje me veprën penale.

Gjykata, megjithatë, reagoi ndaj kësaj kërkese, duke pyetur pse mbrojtja nuk e kishte kërkuar përkthimin e aktakuzës gjatë dy javëve të fundit.

Avokati Alispahiq u përgjigj se më herët nuk e kishte ditur se klienti i tij do të dëshironte ta dëgjonte aktakuzën në gjuhën shqipe.

Ai theksoi se nuk bëhet fjalë për ndonjë kërkesë tendencioze nga ana e mbrojtjes me qëllim zvarritjen e procesit, por për një nevojë reale që i akuzuari t’i kuptojë pretendimet në gjuhën e tij amtare, të cilën e njeh më së miri.

Masa synon të mbështesë familjet e reja dhe të kontribuojë në përballimin e sfidave demografike me të cilat përballet Greqia.

Sipas bashkisë, skema do të zbatohet në mënyrë retroaktive edhe për fëmijët e lindur që nga 1 korriku 2024.

Nisma ishte pjesë e premtimeve elektorale të kryetarit të Bashkisë së Kallitheas, Kostas Askounis. Zbatimi i saj është vonuar për shkak të procedurave dhe pengesave burokratike që duhej të zgjidheshin përpara nisjes së pagesave.

Kush mund të përfitojë? Granti prej 1,000 eurosh do të jetë i disponueshëm për familjet që plotësojnë kriteret e përcaktuara të të ardhurave:

Familjet me dy prindër duhet të kenë të ardhura vjetore deri në 27,000 euro. Për familjet me një prind, kufiri i të ardhurave është 19,000 euro. Kufiri i të ardhurave rritet me 1,000 euro për çdo fëmijë shtesë. Për të përfituar nga skema, aplikantët duhet të kenë qenë të regjistruar si banorë të Kallitheas për të paktën dy vjet.

Gjithashtu, ata duhet të jenë shtetas grekë ose të kenë paguar taksat në Greqi për të paktën 12 vjet përpara lindjes së fëmijës.

Skema synon të ofrojë mbështetje financiare për familjet që sjellin në jetë fëmijë dhe, në nivel vendor, të japë një kontribut në përballimin e rënies së lindshmërisë në Greqi.

Ministria e Punëve të Brendshme tashmë ka informacione fillestare për autorët dhe, sipas Toshkovskit, janë siguruar edhe prova për të përcaktuar se kush qëndron pas vrasjes. Ministri shprehet optimist se të dyshuarit do të arrestohen shumë shpejt dhe do të përballen me drejtësinë.

“MPB ka informacione fillestare për autorët. Janë siguruar edhe prova përkatëse lidhur me atë se kush janë kryerësit, kështu që shpresoj se sa më shpejt që të jetë e mundur do t’i sigurojmë dhe ata do të ndiqen penalisht”, deklaroi Toshkovski në një intervistë për Kanal 5.

Njëri prej të dyshuarve është në burg

Duke folur për rastin, ministri konfirmoi se njëri nga personat e përfshirë në ngjarjen kriminale është person i arrestuar më herët nga MPB-ja dhe aktualisht është duke vuajtur dënim me burg.

Megjithatë, Toshkovski tha se është ende herët të bëhen publike detajet se si ky person mund të jetë përfshirë në ngjarje dhe nëse ka pasur ndonjë moment kur është liruar apo i është mundësuar të dalë nga burgu.

“Dhe tani kemi një rast të tillë. Sipas informacioneve fillestare që kam, njëri nga pjesëmarrësit në këtë ngjarje kriminale është person i cili është arrestuar nga MPB-ja dhe aktualisht është duke vuajtur dënimin me burg. Nëse ka qenë i liruar, është lënë i lirë apo diçka e ngjashme, ende është herët të hyjmë në këto detaje. MPB-ja, së bashku me Prokurorinë Publike, do ta shqyrtojë plotësisht situatën”, tha ministri.

26-vjeçari u qëllua nga dy persona me motoçikletë

Vrasja e rëndë ndodhi të dielën në Çair. Viktima, 26-vjeçar, ishte duke qëndruar me edhe katër persona të tjerë kur dy sulmues, të ardhur me motoçikletë, hapën zjarr ndaj grupit.

Toshkovski tha se hetimi po zhvillohet intensivisht, ndërsa për momentin nuk dëshiron të zbulojë motivin e mundshëm të vrasjes.

Sipas tij, informacionet e para nuk tregojnë se bëhet fjalë për një përplasje mes grupeve të organizuara kriminale për kontroll të territorit.

“Bazuar në informacionet fillestare, nuk bëhet fjalë për një grup të organizuar kriminal që përplaset për dominim në terren, por për disa arsye të tjera. Megjithatë, ende është herët që këto detaje të bëhen publike”, tha Toshkovski.

Toshkovski: Ka problem serioz me burgjet

Ministri pranoi se në vend ekziston një problem me sistemin penitenciar dhe me atë që ndodh brenda burgjeve, duke theksuar se kjo çështje është diskutuar edhe në një konferencë të organizuar me pjesëmarrjen e OSBE-së dhe diplomatëve të huaj, përfshirë ambasadoren amerikane.

Ai tha se, pavarësisht rënies së ndjeshme të krimeve të dhunshme dhe aktivitetit të grupeve kriminale në krahasim me vitet e kaluara, incidente të tilla mbeten shqetësuese për sigurinë publike.

“Askush nuk është i paprekshëm”

Toshkovski u dërgoi një mesazh të drejtpërdrejtë personave që, siç tha ai, e konsiderojnë veten të paprekshëm.

“U them të gjithë atyre që mendojnë se janë të paprekshëm dhe se mund të bëjnë çfarë të duan nëpër rrugët e Maqedonisë: MPB-ja do t’u përgjigjet në mënyrë adekuate dhe të gjitha veprimet hetimore do të ndërmerren në kohën më të shkurtër të mundshme”, deklaroi ai.

Toshkovski shtoi se pret që autorët e vrasjes në Çair brenda një periudhe sa më të shkurtër të nxirren para drejtësisë.

Si shembull të punës së MPB-së, ministri përmendi një aksion kundër një grupi të organizuar kriminal, ku, sipas tij, MPB-ja në bashkëpunim me Prokurorinë Publike ka arritur të zbardhë shtatë vrasje të kryera ndër vite, gjashtë prej tyre në territorin e Maqedonisë së Veriut dhe një në Greqi.

E pyetur nëse ka kuptim mbajtja e seancës pas më shumë se 60 ditësh nga certifikimi i rezultateve dhe pas tejkalimit të afatit kushtetues, Bajrami tha se në Kosovë tashmë më nuk po ka asgjë kuptim.

“Tani në Kosovë më nuk po ka asgjë kuptim. Që nga dhjetori i vitit 2024 ne jemi me qeveri në detyrë, jemi me institucione të uzurpuara”, tha Bajrami në Klan Kosova.

Ajo ka përmendur edhe gjendjen me buxhetin e shtetit, duke thënë se Kosova po operon me buxhetin e vitit 2025.

Siç tha ajo , katër ministri nuk figurojnë në Ligjin e Buxhetit për vitin 2026, ndërsa pavarësisht kësaj, në to vazhdojnë të paguhen ministra, zëvendësministra, këshilltarë dhe staf.

“As sot e kësaj dite, ato janë duke operuar. Sot e kësaj dite paguhen dhjetëra, domethënë paguhen katër ministra, zëvendësministrat, këshilltarët, komplet stafi i tyre; bëhen projekte, bëhen shpenzime dhe sot, kur po flasim, domethënë ne kemi katër ministri që operojnë komplet në mënyrë joligjore. Mos të flasim edhe për pjesën tjetër të ministrive, dhe 15 të tjera, të cilat gjithashtu janë në shkelje ligjore, sepse ministrat tashmë janë deputetë dhe ju e dini, domethënë, atë që e kemi kontestuar”, tha Bajrami.

Në takim u vlerësua bashkëpunimi i mirë mes dy ministrive, veçanërisht në fushën e sigurisë, zbatimit të ligjit dhe menaxhimit të kufijve. Palët diskutuan edhe për lehtësirat në pikat kufitare, sidomos për banorët që jetojnë pranë kufirit mes dy vendeve.

Iseni dhe Dugolli vizituan Qendrën Kombëtare të Menaxhimit të Kufirit, Akademinë e Kosovës për Siguri Publike dhe Agjencinë për Regjistrimin Civil, ku u njohën me punën, procedurat dhe proceset e digjitalizimit.

Gjatë vizitës në Akademi, dy zv/ministrat takuan edhe kadetët Jetlum Bunjaku dhe Sokol Zymberi, djemtë e dëshmorëve të Policisë së Kosovës, Afrim Bunjaku dhe Enver Zymberi.

Në përfundim, Iseni dhe Dugolli riafirmuan përkushtimin për forcimin e sigurisë, stabilitetit dhe luftën e pakompromis ndaj grupeve kriminale që veprojnë në të dyja vendet.

Limani ka publikuar një fotografi nga një foltore e ASH-së, ndërsa krahas saj ka shkruar: “Qetësisht, vendosmërisht, krenarisht!”

Mesazhi i shkurtër i Limanit vjen në një kohë kur në opinion qarkullojnë zëra për një të ardhme të mundshme politike të tij brenda VLEN-it.

Megjithatë, Limani në këtë postim nuk ka përmendur VLEN-in dhe as nuk ka dhënë ndonjë sqarim të drejtpërdrejtë lidhur me spekulimet për largimin e tij nga ASH./ZYRTARE.NET

Shkak për reagimin e tij janë bërë komentet në rrjetet sociale pas lajmit për vdekjen e Ratko Mlladiqit, të cilin Georgievski hapur e quan “kriminel lufte”.

Sipas postimit të tij, këto reagime nxorën në sipërfaqe dy kategori qytetarësh në shoqërinë maqedonase:

1. Patriotët e rremë maqedonas

Georgievski rikujton se Maqedonia po shënon 35-vjetorin e pavarësisë dhe shtron një pyetje retorike – nga kush u çlirua dhe u shpëtua shteti?

Ai përgjigjet qartë se shpëtimi i Maqedonisë ishte pikërisht nga njerëz si Mlladiqi dhe “një duzinë gjeneralësh serbë që përfunduan në Hagë”, duke kritikuar ata që sot e quajnë veten patriotë, ndërsa në të njëjtën kohë glorifikojnë figura të tilla.

2. Jugosllavët e rremë maqedonas

Në pjesën e dytë të statusit të tij, ai u referohet nostalgjikëve. Sipas tij, ky është një shembull ilustrues se si “jugosllavizmi” maqedonas shpesh shndërrohet vetëm në “serbizëm”.

Georgievski rikujton se edhe Bosnja ishte pjesë e ish-Jugosllavisë, ndërsa boshnjakët “ishin vëllezërit tanë”.

Ai e cilëson si “të turpshme” sjelljen e disa maqedonasve ndaj viktimave të gjenocidit, i cili është njohur zyrtarisht nga Kombet e Bashkuara.

Postimi i Georgievskit tashmë ka mbledhur qindra reagime dhe ka hapur debat mbi mënyrën se si shoqëria maqedonase i sheh ngjarjet historike në rajon dhe vetë pavarësinë e vendit.

Përmes një reagimi në rrjetet sociale, Ndreu tha se zjarri është përballuar prej një jave në një terren tejet të vështirë, ndërsa theksoi se nuk ka pasur dëmtime serioze në banesa apo varreza.

Ai ka kritikuar gjithashtu mënyrën e raportimit të situatës, duke akuzuar disa persona se po e përdorin situatën për t’u “ekzaltuar në rrjetet sociale”, ndërsa u bëri thirrje kritikëve që, përpara se të alarmojnë opinionin publik, të japin kontribut në përballimin e situatës.

“Para se të venë kujën, të japin kontribut”, shkruan Ndreu, duke shtuar se situata po menaxhohet nga strukturat në terren.

Cakolli shkroi se seanca do të mbahet mbi një muaj pas skadimit të afatit për konstituim sipas aktgjykimit të Gjykatës, si dhe pas një “afati shtesë të shpikur si gjoja kushtetues”.

Ai ngriti dilemën nëse çdo afat kushtetues që nuk ka një pasojë konkrete të përcaktuar mund të tejkalohet, ndërsa aktorët të sillen sikur nuk ka ndodhur asgjë.

“Nëse afatet vlejnë vetëm kur u konvenojnë partive, ato pushojnë së qeni afate kushtetuese dhe shndërrohen në afate politike”, ka shkruar Cakolli.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

“Nga stafi i shkollës bëjnë të ditur se ende presin përgjigje nga Ministria e Arsimit nëse do të lejohet hapja e paraleles së pestë”

Prindërit në vazhdimësi janë ankuar se tashmë 3 muaj janë duke u zvarritur korridoreve të shkollës pasi fëmijët e tyre janë pranuar por nuk janë vendosur në një klasë përkatëse. Duke kërkuar të mbeten anonim prindërit thonë se fëmijët e tyre dërgohen nga një klasë te tjetra pa e ditur se me cilin grup do të vijojnë mësimin.

Alsat pyeti edhe në zyrat e Avokatit të Popullit nga ku thanë se do ta marrin në shqyrtim rastin pasi urdhëruan inspektim nga inspektorët e arsimit. Avokati i Popullit thotë se akoma nuk ka përgjigje. Ndërsa nga ana e Inspektoratit Shtetëror të Arsimit, është dhënë urdhër për kryerjen e mbikëqyrjes së jashtëzakonshme inspektuese.

Komuna e Butelit vendosi që ta mbyll paralelen e pestë për klasën e parë, pavarësisht interesit të lartë për t’u regjistruar, ndërsa në po të njëjtën shkollë mbahen paralele në gjuhën maqedonase me numër shumë të ulët të nxënësve. Deri në përfundimin e mbikëqyrjes nga Inspektorati Shtetëror i Arsimit, mbetet e paqartë nëse do të ketë ndryshim të vendimit për hapjen e paraleles së pestë. /Alsat.mk

Pesë prokurorë publikë kanë dorëzuar kandidaturat për postin e prokurorit themelor publik në Prokurorinë për Ndjekjen e Krimit të Organizuar dhe Korrupsionit (PTHP-OKK).

Lajmin e ka bërë të ditur kryetari i Këshillit të Prokurorëve Publikë, Bashkim Besimi, ndërsa sipas informacioneve të MIA-s, në garë janë:

– Jovan Cvetanovski – prokuror i lartë publik;
– Trajçe Pelivanov – ish-prokuror në Prokurorinë Speciale Publike (PSP), ndërsa aktualisht prokuror në Prokurorinë e Lartë Publike;
– Lidija Raiçeviç – prokurore në PTHP Shkup;
– Iskra Haxhi-Vasileva – prokurore në PTHP-OKK;
– Faton Azizi – prokuror në PTHP-OKK.

Kush do ta pasojë Islam Abazin?

Zgjedhja e kreut të ri të Prokurorisë për Krim të Organizuar dhe Korrupsion vjen pas përfundimit të mandatit të Islam Abazit, i cili këtë detyrë e ka ushtruar që nga tetori i vitit 2022.

Kandidati që do të marrë drejtimin e këtij institucioni do të përzgjidhet më 28 tetor, në periudhën nga ora 08:00 deri në 16:00.

Këshilli do të formojë komisionet për zgjedhjen**

Këshilli i Prokurorëve Publikë pritet të mbajë të premten një seancë, ku ndër të tjera do të formohen komisionet që do të zhvillojnë procedurën e përzgjedhjes së kreut të ri.

Në rend dite janë paraparë:

– formimi i Komisionit për përgatitjen e listës së kandidatëve;
– formimi i Komisionit për zgjedhjen e prokurorit themelor publik të PTHP-OKK-së.

Cilat janë kushtet për kandidatët?

Për këtë pozitë mund të kandidojnë prokurorët publikë që kanë të paktën gjashtë vite përvojë të pandërprerë si prokuror publik deri në momentin e aplikimit, si dhe kanë marrë vlerësim pozitiv gjatë tre viteve të fundit.

Zgjedhja e 28 tetorit pritet të përcaktojë se kush do ta drejtojë një prej institucioneve më të rëndësishme të sistemit të drejtësisë në vend, përgjegjës për hetimin dhe ndjekjen e rasteve të krimit të organizuar dhe korrupsionit*

Pak minuta më parë ( sot, 7 shtator), për shkak të erës së fortë, një vatër e madhe zjarri përfshiu zonën pyjore në fshatin Rras, duke rrezikuar seriozisht varrezat dhe kishën e fshatit.

Sipas forcave zjarrfikëse, zjarri pranë varrezave është vënë nën kontroll, duke larguar për momentin rrezikun për këtë zonë.

Tashmë, ndërhyrja është përqendruar pranë kishës, ku forcat zjarrfikëse po punojnë për izolimin e flakëve dhe parandalimin e përhapjes së tyre.

Prej katër ditësh, disa mjete dhe forca zjarrfikëse të Bashkisë Lezhë janë angazhuar në luftën me flakët në Kashnjet.

Situata është përkeqësuar gjatë ditëve të fundit, e favorizuar edhe nga era dhe terreni i vështirë, që e bëjnë ndërhyrjen më të komplikuar.

Sipas banorëve, sot është dita e dytë me radhë që një pjesë e madhe e Kondovës mbetet pa ujë, me ndërprerjen që ka ndodhur rreth orës 10:30. Ata theksojnë se edhe gjatë ditës së djeshme furnizimi me ujë ka qenë i kufizuar dhe, sipas tyre, për më shumë se 12 orë nuk ka pasur ujë.

Por shqetësimet, sipas banorëve, nuk janë vetëm të këtyre dy ditëve.

Gjatë gushtit, ndërprerje të përditshme në disa pjesë të fshatit

Banorët thonë se gjatë muajit gusht, në disa pjesë të Kondovës, uji është ndërprerë pothuajse çdo ditë, konkretisht nga ora 13:00 deri në 16:00.

Ata thonë se një situatë e tillë nuk ka qenë e zakonshme më parë dhe kërkojnë nga institucionet kompetente të japin një shpjegim të qartë për arsyet e ndërprerjeve.

Sipas tyre, ekziston dyshimi se mund të ketë ndryshuar mënyra apo drejtimi i furnizimit me ujë, por deri më tani nuk ka një konfirmim zyrtar për këtë.

Mbi 300 shtëpi të prekura

Sipas banorëve, aktualisht janë të prekura më shumë se 300 shtëpi, ndërsa ndërprerjet krijojnë vështirësi të veçanta për familjet ku ka fëmijë, të moshuar dhe persona të sëmurë.

Mungesa e ujit, thonë ata, ndikon drejtpërdrejt në higjienën personale, përgatitjen e ushqimit dhe nevojat e tjera bazë të përditshme.

Banorët kërkojnë që situata të trajtohet me urgjencë dhe që furnizimi me ujë të rikthehet në gjendjen e mëparshme.

Ata kërkojnë gjithashtu transparencë nga institucionet përgjegjëse: Pse po ndërpritet uji? A ka problem teknik? A ka ndryshuar mënyra e furnizimit? Dhe kur pritet të normalizohet gjendja?

“Uji nuk është çështje politike”

Banorët theksojnë se reagimi i tyre nuk ka qëllim politik, por lidhet me një nevojë themelore të përditshme.

“Uji është e drejtë elementare njerëzore, jo çështje politike. Mos politizoni, por reagoni”, është apeli i banorëve të Kondovës.

Tashmë mbetet të shihet nëse institucionet kompetente do të japin një sqarim zyrtar për ndërprerjet dhe nëse do të ndërmerren masa për të siguruar furnizim të rregullt me ujë për banorët e Kondovës.

Rama ka bërë të ditur se Kryeqyteti ka marrë vendim për krijimin e Ndërmarrjes Komunale të Pastrimit, me qëllim zgjidhjen e problemit me mbeturinat.

Ai ka thënë se do të përdoren të gjitha kompetencat e Kryeqytetit dhe se kjo çështje do të trajtohet me urgjencë në seancën e radhës.

Postimi i plotë:

NDIHMA E QEVERISË GJERMANE PËR “PASTRIMIN” DËSHTOI. NUK E NËNSHKROI HEKURAN MURATI!

Të dashur qytetarë,

Atë që po e them tash e sa kohë, sot fatkeqesisht po e konfirmojnë edhe partnerët tanë ndërkombëtarë. KfW ka njoftuar se granti për “Pastrimin” dështoi sepse Ministria e Financave nuk e nënshkroi Marrëveshjen e Financimit.

Kaq!

E kemi ndihmën e Qeverisë gjermane. E kemi partnerin. E kemi projektin. E kemi nevojën urgjente.

Por Hekuran Murati nuk e nënshkruan.

Është e rëndë dhe e turpshme që para partnerëve tanë ndërkombëtarë duhet të shpjegojmë pse një projekt kaq i rëndësishëm për qytetarët tanë po dështon për shkak të Qeverisë sonë. Por qytetarët nuk mund t’i lëmë të paguajnë çmimin e këtyre bllokadave.

Prandaj kemi marrë vendim që të krijojmë Ndërmarrjen Komunale të Pastrimit! Do t’i përdorim krejt kompetencat që i kemi si Kryeqytet për ta zgjidhur këtë problem vetë. Pa pritur pafund.

Situata me mbeturinat është e rëndë dhe qytetarët me të drejtë kërkojnë zgjidhje.

Dhe zgjidhje do të bëjmë. Menjëherë. Me urgjencë, në seancën e radhës të Kryeqytetit.

Burime të Gazetës Express tregojnë se Lutfi Haziri, Hykmete Bajrami dhe Janina Ymeri nuk morën pjesë në këtë mbledhje.

Pas mbledhjes, shefja e grupit parlamentar të LDK-së, Jehona Lushaku, tha se gjithë janë pajtuar që të marrin pjesë në seancë. /Gazeta Express

Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3.00 den/litër.
Çmimi i shitjes me pakicë i EURODIZELIT (D-Е V) rritet për 6.00 den/litër.

Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 8,00 den/litër.

Çmimi i shitjes me pakicë i shitjes me pakicë i Мazutit М-1 SU rritet për 1,591 den/kg dhe do të jetë 46,001 den/kg.

Nga data 8.9.2026, nga ora 00:01, çmimet maksimale të derivateve të naftës do të jenë:

EUROSUPER BS – 95 do të shitet për 97,00 (denarë/litër)

EUROSUPER BS – 98 do të shitet për 99,00 (denarë/litër)

EURODIZEL BS (D-E V) do të shitet për 101,00 (denarë/litër)

Vaj për Djegie Ekstra i Lehtë 1 (EL-1) do të shitet për 105,00 (denarë/litër)

Mazut М-1 SU do të shitet për 46,001 (denarë/kilogram).

Sipas të dhënave që nga ora 7:30 e mëngjesit, zjarret janë aktive pranë fshatrave Graçani dhe Nikishtani në Komunën e Gjorçe Petrovit, ndërsa zjarri është aktiv edhe në territorin e Kosovës, pastaj në zonën Ramno pranë fshatit Brest në Komunën e Çuçer-Sandevës, në shtrirjen midis fshatrave Burinec, Lokov dhe Selcë në Qarkun e Strugës, pranë fshatit Belicë në Komunën e Makedonski Brod dhe pranë fshatit Miletino në Komunën e Brvenicës.

Zjarret pranë fshatrave Knezhino dhe Dobrenoec, si dhe fshatit Tajmishte në Komunën e Kërçovës, zjarri pranë fshatit Kopanicë në Komunën e Sarajit, zjarri në deponinë e qytetit në Delçevë dhe zjarri midis fshatrave Rugjincë dhe Orah në Komunën e Nagoriçanës së Vjetër janë nën kontroll.

Gjatë ditës së djeshme janë shuar plotësisht 32 zjarre në disa lokacione anembanë vendit, duke përfshirë në komunat Petrovec, Gazi Babë, Studeniçan, Çucer-Sandevë, Gjorçe Petrov, Saraj, Tearcë, Kratovë, Kumanovë, Likovë, Berovë, Shtip, Strugë, Kërçovë, No Bitorë. Selo, Strumicë, Krushevë, Ohër dhe Gradsko.

Sipas Ramës, projekti dështoi pasi ministri në detyrë i Financave, Hekuran Murati, nuk e nënshkroi marrëveshjen e financimit.

“Atë që po e them tash e sa kohë, sot fatkeqësisht po e konfirmojnë edhe partnerët tanë ndërkombëtarë. KfW-ja ka njoftuar se granti për ‘Pastrimin’ dështoi sepse Ministria e Financave nuk e nënshkroi marrëveshjen e financimit. Kaq!”, shkroi Rama në Facebook.

Ai e kritikoi Muratin për mosnënshkrimin e marrëveshjes, duke thënë se projekti ishte i domosdoshëm për kryeqytetin.

“E kemi ndihmën e Qeverisë gjermane. E kemi partnerin. E kemi projektin. E kemi nevojën urgjente. Por Hekuran Murati nuk e nënshkruan”, deklaroi Rama.

Kryetari i Prishtinës tha se qytetarët nuk mund të vazhdojnë ta paguajnë çmimin e, siç i quajti ai, bllokadave të Qeverisë.

Rama njoftoi se Komuna ka vendosur ta krijojë Ndërmarrjen Komunale të Pastrimit, me synimin që problemi i mbeturinave të zgjidhet përmes kompetencave të kryeqytetit.

Sipas tij, ky vendim do të trajtohet me urgjencë në seancën e ardhshme të Kuvendit Komunal të Prishtinës.