Në kuadër të pjesëmarrjes në edicionin e 66-të të Festivalit Ndërkombëtar Folklorik “La Farandole” në Nice të Francës, delegacioni i Ansamblit Shtetëror të Këngëve dhe Valleve Popullore Shqiptare të Maqedonisë së Veriut zhvilloi një takim zyrtar me kryetarin e qytetit të Nice, Éric Ciotti.

Në takim morën pjesë drejtori i Ansamblit, Jetmir Rexhepi, bashkëpunëtori për marrëdhënie ndërkombëtare Amir Mamuti, si dhe valltarët Bali Saliu dhe Majlinda Selmani.

Gjatë takimit, si shenjë respekti dhe miqësie, drejtori Rexhepi i dhuroi kryetarit Ciotti Plisin, simbol të identitetit dhe traditës shqiptare, si dhe logon zyrtare të Ansamblit.

Sipas Ansamblit, ky gjest simbolik përcjell mesazhin se kultura dhe arti janë ura që lidhin popujt dhe forcojnë miqësinë mes kombeve.

Pjesëmarrja në festivalin “La Farandole” shihet si një mundësi për promovimin ndërkombëtar të trashëgimisë kulturore shqiptare. Përmes këngëve, valleve dhe kostumeve tradicionale, Ansambli përfaqëson kulturën shqiptare të Maqedonisë së Veriut në skenën ndërkombëtare.

Ansambli e cilëson këtë pjesëmarrje dhe takimin me drejtuesit e qytetit të Nice si një hap të rëndësishëm në forcimin e bashkëpunimit kulturor ndërkombëtar dhe promovimin e identitetit shqiptar në Evropë.

Sipas njoftimit zyrtar, shkak për anulimin është ndarja nga jeta e një bashkëqytetari, një djali të ri dibran.

“Shprehim ngushëllimet tona më të sinqerta familjes, të afërmve dhe miqve të tij. Në këto momente dhimbjeje, qëndrojmë pranë tyre me mendje dhe zemër”, thuhet në njoftimin e Komunës së Dibrës.

I ndjeri u prehtë në paqe, ndërsa familjes i shprehim ngushëllimet më të sinqerta dhe mbështetjen tonë në këto momente të rënda.

Përmes një postimi në rrjetet sociale, këngëtarja ka shprehur emocionet për rikthimin në Kosovë dhe për nisjen e festivalit.

Dua ka treguar se mbrëmjen e kaluar ka vizituar hapësirën ku do të mbahet eventi, për t’u siguruar se gjithçka është gati para hapjes zyrtare.

Ajo ka shprehur krenari për punën e familjes dhe të ekipit organizativ, të cilët janë angazhuar për realizimin e këtij edicioni.

Krahas përgatitjeve për festivalin, artistja ka ndarë edhe një moment të veçantë personal, duke bërë të ditur se është bërë kumbarë.

Në fotografitë e publikuara, Dua Lipa ka treguar edhe ushqimet tradicionale shqiptare që po shijon gjatë qëndrimit në Kosovë, përfshirë flinë, piten, specat e mbushur, ajvarin dhe sallatën.

“Shihemi sonte, Prishtinë”, ka shkruar ajo, duke rritur pritshmëritë e mijëra fansave që pritet të marrin pjesë në festival gjatë tri netëve.

Gjatë takimit miqësor, bashkëbiseduesit diskutuan për rëndësinë e kulturës, artit dhe muzikës si ura që lidhin njerëzit dhe pasurojnë jetën kulturore të qytetit.
Nga Komuna e Tetovës bëjnë të ditur se koncerti do të mbahet sonte në Bulevardin “Boris Kidriç”, ndërsa qytetarët janë të ftuar të marrin pjesë dhe të shijojnë një mbrëmje festive nën tingujt e muzikës.
“Vera Tetovare” vazhdon të sjellë aktivitete të ndryshme kulturore dhe artistike, duke e kthyer Tetovën në një qendër të gjallë të argëtimit dhe kulturës gjatë sezonit veror.

Këta nxënës janë shkolluar dhe kanë kryer praktikën profesionale në një prej kompanive më të njohura në Kosovë “Loni Dekor”, e cila bën prodhimin e mobileve shtëpiake dhe jo vetëm.

Para të pranishmëve ka folur pronari i kompanisë “Loni Dekor”, Faton Hyseni, i cila ka falënderuar secilin për kontributin në zhvillimin e të rinjve.

“Sot po e përurojmë eventin e mësimit dual me të cilin është filluar para 3 viteve tek fabrika jonë, duke e falënderuar secilin prej juve për kontributin që e keni dhënë për zhvillimin e të rinjve. Nuk guxoj të lejoj të më ikë një falënderim i veçantë për gjithë stafin e “Loni Dekor” të cilët kanë kryer punë, kanë bërë trajnimin e të rinjve dhe sot kanë bërë që “Loni Dekor” të jetë një firmë, një organizatë e cila është e vlerësuar prej shumë personaliteteve që edhe sot i kemi këtu. Faleminderit për pjesëmarrjen dhe ju uroj një takim të këndshëm dhe vlerësim të mirë të studentëve që sot i kemi këtu.’ – tha pronari i Loni Dekor Faton Hyseni.

Kryetari i komunës së Vushtrrisë, Ferit Idrizi ka njoftuar se këta nxënës kanë kryer praktikën, janë paguar nga kjo kompani dhe janë të mirëpritur që të punojnë edhe tutje në të njëjtën.

“Sot është një ditë e veçantë. Jam shumë i lumtur për këtë ditë. Është dita e ceremonisë së certifikimit të mësimit dual të gjeneratës së parë të profilit të zdrukthëtarisë, të cilët filluan para tri vitesh në kompaninë “Loni Dekor”. Dhe kjo pjesë e praktikës profesionale kryhet sipas standardeve ku 60% e mësimit ishte praktikë profesionale, për çka dua që publikisht ta falënderoj drejtorin e kompanisë “Loni Dekor” që i hapi dyert dhe filluam bashkëpunimin e një rrugëtimi shumë të rëndësishëm për përgatitjen e të rinjve për tregun e punës”, tha ai.

“Kjo është që i duhet Kosovës. Kjo është që ju duhet të rinjve të Vushtrrisë që të qëndrojnë, të punojnë dhe të jetojnë këtu. Nuk ka asgjë më të rëndësishme në edukimin e brezave të reja sesa përgatitja profesionale për tregun e punës sipas standardeve të mësimit dual, që do të thotë kombinimi i teorisë me praktikën. Thashë se jam i lumtur sepse për tri vite këta nxënës e kanë kryer praktikën profesionale, kanë pasur sigurim shëndetësor, kanë pasur ushqimin këtu në kompani edhe kanë marrë edhe një pagë simbolike nga kompania. Dhe sot, këta të ri janë përgatitur plotësisht për tregun e punës. Fakti tjetër që më gëzon është se drejtori i kompanisë e ka ofertën që sot që këta të rinj të ndalen dhe të bëhen punëtorë të kompanisë”, tha Idrizi.

Kurse, Lah Nitaj, drejtor i Departamentit të Arsimit dhe Aftësimit Profesional ka thënë se qëllimi i Qeverisë dhe Ministrisë së Arsimit është ofrimi i ofertave sa më të mira për të rinjtë e Kosovës.

“Qëllimi i qeverisë dhe i Ministrisë së Arsimit ka qenë dhe mbetet gjithmonë ofrimi i ofertës sa më të mirë për të rejat dhe të rinjtë tanë që të rrinë, të arrijnë të marrin dije, shkathtësi dhe kompetenca të cilat do t’u shërbejnë në jetën e tyre profesionale, e mbase edhe akademike. Për këtë qëllim, para katër vitesh, të bindur në këtë, kemi filluar zbatimin e arsimit dual në Kosovë, për herë të parë, ndonëse diskutimet e hershme kanë qenë që nga viti 2017, kur me zotin Idrizi dhe të tjerët kemi pasë ide se si të bëjmë hapat e parë në këtë drejtim. Por sot jemi në vitin e katërt, kemi diplomuar vitin e kaluar gjeneratën e parë, dhe në bazë të dhënave nga tregu, përqindja më e madhe e tyre sot janë të sistemuar në punë dhe profesionin për të cilin ata janë shkolluar. Dhe ky është një fakt inkurajues”, tha Nitaj.

Nitaj tha se janë mbi 2500 nxënës që ndjekin mësimin dual që ka të bëjë me mësimin teorik i kombinuar me atë praktik.

“Aktualisht në sistemin e arsimit dual kemi mbi 2500 nxënës që vijojnë mësimet, dhe presim që vitin tjetër, nga shtatori, duke rritur edhe numrin e profileve dhe të drejtimeve, të kemi akoma më shumë të rinj e të reja që do të përcaktohen për këtë formë të arsimit. Sigurisht që kjo ka qenë e pamundur të realizohet pa ndihmën e mësimdhënësve të përkushtuar e të devotshëm, pa komunitetin e prindërve që kanë suportuar fëmijët e tyre, dhe pa vetë përcaktimin e nxënësve për karrierën e të ardhmes së tyre. Një dimension të rëndësishëm sigurisht që ka tregu i punës, por kaq bizneset – dhe kjo po dëshmohet sot këtu me juve prezent – sepse vetëm në bashkëpunim dhe në respekt të ndërsjellë ne mund të arrijmë rezultate. Kemi obligim si qeveri, kemi obligim si partnerë që të ecim në drejtimin e duhur, bashkërisht dhe pa hile, në mënyrë që të arrijmë destinacionin që duam. E destinacioni ynë është arritja e standardeve evropiane dhe integrimi në Evropën e Bashkuar”, tha Nitaj.

Ndërsa, Eric Dietz, ambasador i Luksemburgut në Kosovë, tha searsimi dual përfaqëson një reformë kyçe strukturore të arsimit në Kosovë.

“Është kënaqësi që jam këtu me ju në Vushtrri dhe të jem dëshmitar i provimit praktik të nxënësve të shkollës ‘Lutfi Musiqi’. Arsimi dual përfaqëson një reformë kyçe strukturore të arsimit në Kosovë. E ky aktivitet sot është një shembull konkret se çfarë do të thotë mësimi dual. Prandaj të nxënët ku kombinohet mësimi teorik në klasë me punën praktike në kompani. Pra kjo i bashkon mësimin teorik në klasë, edhe punën praktike në kompani. U mundëson nxënësve që të marrin shkathtësi praktike edhe u ndihmon në punësimin e tyre. Po ashtu e fuqizon bashkëpunimin mes shkollave profesionale dhe sektorit privat, duke bërë një bashkërendim më të mirë me nevojat e tregut të punës. Progresi, suksesi që e pamë sot është një pikë e rëndësishme. Nga viti 2022 si pilotim që filloi, e nga ajo kohë, tani mësimi dual është i ka përfshirë tërë Kosovën, duke përfshirë 2500 nxënës, 32 shkollat profesionale, edhe mbi 1000 kompani partnere”, tha Dietz.

E, Lulzim Rafuna, kryetar i Odës Ekonomike të Kosovës, ka treguar se institucioni që udhëheqë pritet të certifikojë edhe 500 ndërmarrje dhe t’i trajtojë po aq insktuktorë, për të garantuar që çdo vend pune të jetë një mjedis i sigurt.

“Ne jemi dëshmitarë që gjithmonë te zhvillimi ekonomik baza është te nxënësit. Dhe sot këtu ku po e vendosim këtë gurthemel me çertifikim, sot e vendosëm edhe bazën e zhvillimit ekonomik. Po ashtu bashkë me këtë, mirënjohja shkon edhe për instruktorët në ndërmarrje, të cilët kanë udhëhequr nxënësit në 16 profilet tona strategjike. Janë trajnuar dhe çertifikuar edhe 241 profesionistë nga sektori privat si ekzaminer, ku së bashku me mësimdhënësit e punës praktike do të vlerësojnë mbi 1200 nxënës. Oda Ekonomike e Kosovës mbetet e palëkundur në objektivin e saj për të çertifikuar 500 ndërmarrje dhe për t’i trajnuar 500 instruktorë, duke garantuar që çdo vend pune të jetë një mjedis i sigurt dhe cilësor për edukimin e të rinjve dhe të rejave tona në Kosovë”, tha Rafuna.

Gazetari nga Kosova, Albert Limani, i cili është i akredituar nga Eurovisioni, ka publikuar një video ku shihet se përfaqësues të Serbisë janë afruar dhe kanë tentuar t’ua largojnë nga duart flamurin e Kosovës, duke thënë se “Ky flamur nuk është i lejuar”..

“Flamuri i Kosovës do të valojë dhe do të lejohet gjithkund, ndërsa ne do ta mbrojmë me çdo kusht”, ka shkruar Limani në mbishkrimin e videos.

Debati zgjati më shumë se dy vjet, përfshiu edhe intelektualë të tjerë dhe shumë kohë më vonë u mbyll me një pajtim mes tyre.

Ismail Kadare lartësonte tezën se shqiptarët, duhet të kapërcenimin 5 shekujt nën pushtimin osman, dhe të riktheheshin si princër të Evropës, tek ADN-ja e Skënderbeut.

Rexhep Qosja replikoi duke marrë në mbrojtje myslimanët shqiptarë, të cilët, ishin sipas tij, po aq shqiptarë, e po aq evropianë sa të krishterët e përqafuar nga Kadare.

“Krejt si një shpend i verbër, një dërgatë shqiptare fluturoi me avion për në Xhedal, fluturim pas së cilit Shqipëria u gdhi në Ligën Islamike. Hotelet e shtrenjta të Dubait, të shoqëruar, ndoshta, nga dhurata të shtrenjta, ishin mjaft joshëse gjithashtu edhe për të majtën”, deklaronte Ismail Kadare.

Në repikë me Kadarenë, akademiku nga Kosova lëvronte një tezë tjetër, teksa shkruante esenë e tij ‘Identiteti kombëtar dhe vetëdija fetare”.

“Shqiptarët i takojnë qytetërimit ismalik, hiç më pak se qytetërimit të krishterë”, deklaronte Rexhep Qosja.

Ai nuk do të kursehej e t’i quante tezat e Kadaresë, raciste.

“Sprova e Ismail Kadaresë, është e mbështetur në premisa të gabuara: në përpjekje për të dëshmuar, në njërën anë kundërshtitë kulturore midis Evropës e Lindjes myslimane, kurse, në anën tjetër sipërinë e identitetit evropian ndaj identiteteve të tjera, para së gjithash, ndaj identitetit mysliman! Dhe, kjo sipëri është, sipëri raciste”, deklaronte Qosje.

Kadare e fajësonte Qosen, po e ndante “identitetin evropian” të shqiptarëve në “identitet mysliman” dhe në “identitet të krishterë”. Dhe, kjo ndarje Kadaresë ngjante me një muzikë e njohur, të dëgjuar shumë herë, e të rrezikshme.

“Përçartje të tilla, në prag të afrimit të portave të Evropës, përpara se të ishin komike, janë thellësisht tragjike. Si të tilla, ato kërkojnë një përgjigje të qartë, serioze dhe pse jo, të prerë. Në raste të tilla parimi kryesor është se një popull është ai që është dhe s’ka nevojë as për pudër zbukurimi e as për blozë përçmuese”, deklaronte Kadare.

Vite më vonë, Qosja dhe Kadare i dhanë fund polemikës mes tyre.

Në një fjalim në 90 vjetorin e lindjes së gjeniut të letrave shqipe, akademiku Qosja shkruante:

“Polemika jonë më e njohur lidhej me çështjen e identitetit të shqiptarëve. Ishin mendime të ndryshme, argumente të ndryshme, këndvështrime të ndryshme mbi të njëjtën çështje themelore. Këto mospajtime nuk ishin personale; ato ishin intelektuale dhe kulturore. Megjithatë, siç ndodh ndonjëherë në jetën njerëzore, ato lanë pasoja edhe në raportin tonë personal. Shoqëria jonë u zbeh dhe rrugët tona, mjerisht, nuk u takuan më”.

Në zemër të lagjes Uskudar të Stambollit ndodhet Xhamia Shakirin, e projektuar nga Zeynep Fadillioglu, e njohur gjerësisht si gruaja e parë që projektoi një xhami.

Kombinimi i artit tradicional shekullor dhe dizajnit bashkëkohor e bën këtë hapësirë ​​të pasur me simbolikë dhe kuptim, shkruan TRT World.

Xhamia mbulon një sipërfaqe prej 10,000 metrash katrorë dhe ka një kapacitet prej 500 personash. Është e mbuluar nga një kupolë alumini me një model luspash peshku. Dy minare 35 metra të larta qëndrojnë pranë xhamisë, dhe guri i përdorur në ndërtimin e saj është blerë nga Kayseri.

U ndërtua në kujtim të Ibrahim dhe Semiha Shakirin, mbiemri i të cilëve në arabisht do të thotë “ata që janë mirënjohës ndaj Zotit”. Xhamia u përfundua pas katër vitesh ndërtimi dhe u hap për besimtarët më 7 maj 2009.

Fadillioglu është kushërirë e  çiftit Shakirin dhe gruaja e parë që projektoi një xhami në Turqi, dhe ndoshta në botë. Firma e saj dalluese mund të shihet në ndriçim, elementin e ujit në oborr, dyert prej bronzi dhe qelqi, si dhe në llambadarin mbresëlënës në formë loti.

Hapësira e grave në xhami është projektuar për të ofruar një pamje të pakufizuar të llambadarit asimetrik në qendër të ndërtesës, duke siguruar kështu një përvojë të barabartë lutjeje si për burrat ashtu edhe për gratë. Sferat prej qelqi në formë loti në këtë llambadar mbresëlënës janë krijuar duke përdorur një teknikë tradicionale turke të fryrjes së qelqit për të krijuar një efekt drite si shiu, ndërsa unazat e tij janë të gdhendura me 99 emrat e Allahut në Islam.

Mihrabi prej bruzi, i frymëzuar nga pllakat osmane, është një tjetër element i spikatur i dizajnit, ashtu si edhe kupola portokalli, e frymëzuar nga qeramika Tophane.

Hapësira e lutjes, e rrethuar nga një varg rreth dritës, shërben si një “mantel që mbështjell adhuruesin“, ndërsa muret e mëdha prej xhami hapin pamje të gjelbërimit paqësor të varrezave Karacaahmet jashtë xhamisë.

Fadillioglu ka projektuar 18 xhami të tjera në Katar, Arabinë Saudite, Bahrein, Gjermani, Kazakistan dhe Emiratet e Bashkuara Arabe, dhe ka përfunduar më shumë se 500 projekte në të gjithë botën.

Duke parë stilin e kësaj gruaje, të vjen keq që dhe Namazgjaja mos ishte një fantazi prej saj.

Xhamia e Madhe e Tiranës ka madhështi, edhe bukuri, por jo fantazi. /tesheshi.com/

Në këtë ngjarje pritet të marrin pjesë ministri i Ministrisë për Punë, Familje dhe Vlerat e Luftës Çlirimtare të Republikës së Kosovës, Andin Hoti, si dhe ministri i Punëve të Brendshme të Kosovës, Xhelal Sveçla. Ata do të jenë pjesë e manifestimit përkujtimor kushtuar sakrificës së familjes Jashari dhe të gjithë dëshmorëve të lirisë së Kosovës.

Në manifestim do të marrin pjesë edhe përfaqësues të jetës politike nga Kosova dhe Maqedonia e Veriut, mes tyre deputeti i Kuvendit të Kosovës, Enver Dugolli, si dhe deputeti i Kuvendit të Maqedonisë së Veriut, Adnan Azizi.

Prania e autoriteteve në këtë manifestim vlerësohet si një moment i rëndësishëm bashkimi ndërmjet institucioneve dhe mërgatës shqiptare në Zvicër, duke nderuar kujtesën historike dhe sakrificën për liri.

Manifestimi “Kurora e Lirisë” organizohet nga Këshilli i Shoqatave Kulturore Shqiptare në Zvicër, në bashkëpunim me shoqata dhe organizata kulturore shqiptare që veprojnë në këtë vend. Në programin e aktivitetit do të marrin pjesë ansamble artistike, kore, grupe kulturore dhe artistë nga Zvicra dhe Kosova, duke sjellë një program të pasur përkujtimor dhe artistik.

Në kuadër të manifestimit do të hapet edhe ekspozita fotografike “Prekazi – dashuri, dhimbje dhe krenari kombëtare” e autorit Sefer Aliçkaj, e cila për herë të parë do të prezantohet për publikun në Zvicër.

Fotot e publikuara nga lexuesit kanë ngjallur menjëherë reagime në rrjete sociale, ku shumë ndjekës po aludojnë për një bashkëpunim të mundshëm mes dy emrave të njohur të skenës.

Enis Murati, i cili në vitet e kaluara ka qenë një nga figurat më të kërkuara gjatë Ramazanit me projekte të ndjekura nga publiku, këtë vit nuk ka bërë ende asnjë njoftim publik për angazhimet e tij. Nga ana tjetër, Blerina Veseli po konsiderohet si një nga aktoret që ka shënuar rritjen më të madhe në karrierë gjatë këtij viti.

Asnjëri prej tyre nuk ka reaguar lidhur me këtë takim, duke lënë hapësirë për pikëpyetje dhe pritshmëri te publiku. Mbetet për t’u parë nëse ky takim lidhet me ndonjë projekt të ri që pritet të zbulohet së shpejti.

Aty, Qosja sjell dhe një rezyme të njohjes me Kadarenë, si dhe vijimit të raportit mes tyre.

Sigurisht që cek dhe mospajtimet e polemikat me të, pa ia hequr meritat e atij që ishte si shkrimtar.

“Sot, më 28 janar 2026, po shënohet 90-vjetori i lindjes së shkrimtarit të madh shqiptar Ismail Kadare. Kjo datë është ditëlindja e një krijuesi të jashtëzakonshëm, por edhe ditë kujtese, sepse Ismail Kadare nuk është më fizikisht mes nesh. Ai u nda nga jeta në vitin 2024, duke lënë pas një vepër që ka tejkaluar kohën e vet dhe kufijtë e gjuhës së vet.

Ismail Kadare është një nga emrat më përfaqësues të letërsisë shqipe. Ai është shkrimtari që e futi përvojën historike, mitike dhe etike të shqiptarëve në hartën e madhe të letërsisë evropiane dhe botërore. Me romanet, esetë, poezinë dhe publicistikën e tij, ai i dha gjuhës shqipe një përmasë universale dhe i dha kulturës shqiptare një zë të dallueshëm, të dëgjuar dhe të respektuar.

Ismail Kadare dhe unë jemi njohur dhe jemi afruar qysh në vitet shtatëdhjetë. Kemi qenë miq, bashkëbisedues, lexues dhe kritikë të njëri-tjetrit. Kemi shkruar për veprën e njëri-tjetrit dhe kemi ndarë vlerësime të ndërsjella.

Ne, të dy, secili në anën e vet të kufirit që na ndante, u përballëm me fate të ndryshme, të rënda dhe shpeshherë të padrejta. Rrethanat historike, politike dhe shoqërore, të cilat nuk i zgjodhëm ne, por që na u imponuan, na vunë përballë provave morale dhe intelektuale që kërkonin jo vetëm qëndresë, por edhe vendime të vështira personale.

Kërkimi i azilit politik nga Ismail Kadare në Francë, në vitin 1990, u keqkuptua nga shumëkush që nuk e kuptonte peshën morale të asaj kohe. Në disa paraqitje publike në medie, dhe veçanërisht në një deklaratë të dhënë për Zërin e Amerikës, unë arsyetova se si ky akt nuk ishte arratisje nga atdheu, por refuzim i një sistemi që i kishte vënë kufij të padukshëm, por të hekurt, mendimit të lirë.

Kadare nuk iku për të shpëtuar veten, por për të shpëtuar veprën dhe lirinë e saj. Azili i tij ishte akt intelektual dhe etik: zgjedhja e fjalës së lirë përballë dhunës së heshtur të diktaturës. Historia e ka vërtetuar se shkrimtari që kërkon liri nuk e braktis kombin; ai i shërben atij në mënyrën më të lartë të mundshme.

Këtë qëndrim do e dëshmoj shpejt duke e vizituar Ismail Kadarenë në banesën e tij në Paris.

Por, siç ndodh shpesh mes intelektualëve që mendojnë thellë dhe ndryshe, kemi pasur edhe mospajtime, edhe polemika.

Polemika jonë më e njohur lidhej me çështjen e identitetit të shqiptarëve. Ishin mendime të ndryshme, argumente të ndryshme, këndvështrime të ndryshme mbi të njëjtën çështje themelore. Këto mospajtime nuk ishin personale; ato ishin intelektuale dhe kulturore. Megjithatë, siç ndodh ndonjëherë në jetën njerëzore, ato lanë pasoja edhe në raportin tonë personal. Shoqëria jonë u zbeh dhe rrugët tona, mjerisht, nuk u takuan më.

Sot, duke e kujtuar Ismail Kadarenë në 90-vjetorin e lindjes së tij, unë ndiej nevojë të theksoj diçka të rëndësishme: madhështia e tij si shkrimtar dhe rëndësia e tij historike për kulturën shqiptare janë përtej çdo mospajtimi. Letërsia nuk matet me pajtime apo mospajtime personale, por me thellësinë e mendimit, me fuqinë e gjuhës dhe me ndikimin e saj afatgjatë.

Ismail Kadare ishte dhe mbetet para së gjithash shkrimtar i kombit të vet. Ai e deshi Shqipërinë jo në mënyrë deklarative, por krijuese. Ai e deshi atë duke e shndërruar historinë, dramën dhe shpirtin shqiptar në letërsi të madhe.

Këtë vit, në muajin qershor, edhe unë do bëhem 90 vjeç. Është e pamundur të mos mendoj sa domethënëse dhe sa njerëzore do të kishte qenë po të ngrinim një dolli së bashku për këtë moshë të rrallë, për këto dy jetë të kaluara mes librave, polemikave, dashurisë për gjuhën dhe për kulturën shqiptare. Ndoshta kjo mbetet një peng i imi njerëzor, por jo një peng kulturor, qytetërues sepse dialogu ynë vazhdon nëpërmjet veprave tona.

Ismail Kadare sot nuk ka nevojë për lavde të rastit. Ai ka nevojë për lexim, rilexim dhe kuptim. Ai ka nevojë që vepra e tij të trajtohet me seriozitet shkencor dhe me ndjeshmëri kulturore. Brezat që vijnë mund ta lexojnë ndryshe, por gjithmonë do ta lexojnë. Dhe adhurojnë.

Ndarja e tij nga jeta, po rithem, është vetëm ndarje trupore. Emri, vepra dhe mendimi i tij, po rithem, janë të gjithmonshëm. Në këtë 90-vjetor të lindjes së tij, Ismail Kadare, po rithem, mbetet personalitet madhor historik i kulturës shqiptare, një nga figurat që do të vazhdojë të na sfidojë, të na shqetësojë dhe të na frymëzojë.

Të kujtoj me mall e nderim miku im, Ismail Kadare. Gjithmonësia jote në shpirtin e në mendjen time është gjithmonësi, përjetësi, amshim. Është gjithmonësi madhështore: është e kaluar, e sotme dhe e ardhme”.

Subjektet kontraktore kanë qenë në terren gjatë gjithë kohës për pastrimin dhe mirëmbajtjen e rrugëve, ndërsa falë ndërhyrjeve të menjëhershme, të gjitha akset rrugore nacionale janë aktualisht të qarkullueshme.

Nga bashkitë Kukës, Has dhe Tropojë nuk janë raportuar situata emergjente apo dëme të shkaktuara nga moti i keq.

Furnizimi me energji elektrike në Qarkun Kukës kryhet normalisht, me përjashtim të 16 abonentëve në Njësinë Administrative Tropojë e Vjetër, Bashkia Tropojë, ku vijon ndërprerja e energjisë. Ndërkohë, furnizimi me ujë të pijshëm realizohet sipas orareve të përcaktuara nga Drejtoria Rajonale e Ujësjellës-Kanalizimeve Kukës.

Strukturat përgjegjëse mbeten në gatishmëri dhe po monitorojnë nga afër situatën e krijuar nga reshjet e dendura të shiut.

Katër shkolla private zvicerane po vendosin standardin për përsosmëri dhe përvoja mësimore. Të vendosura në një mjedis të gjelbër të harlisur, me reputacion ndërkombëtar dhe tarifa shkollimi mbi 160,000 euro në vit, këto institucione janë një model për atë që do të thotë arsimi i shekullit të 21-të. Këto shkolla janë më shumë sesa thjesht institucione arsimore. Ato kanë evoluar në qendra ku arsimi është i lidhur me të menduarit kritik dhe inovacionin. Nuk është rastësi që ato tërheqin studentë nga e gjithë bota që kërkojnë një arsim të orientuar ndërkombëtarisht, përtej kufijve të ngushtë të shkollimit tradicional.

Institut Le Rosey

Që nga themelimi i saj në vitin 1880, me vetëm katër studentë secili me kombësi të ndryshme, diversiteti ka qenë çelësi në Institutin Le Rosey. Sot, shkolla ka studentë nga 72 vende. Mësimet zhvillohen në frëngjisht dhe anglisht, me 25 gjuhë të tjera të huaja në dispozicion për

studim. Studentët kalojnë disa muaj pranë borës dhe të tjerë pranë liqenit, me ata përgjegjës që pretendojnë se kjo përvojë kultivon përshtatshmërinë e fëmijëve. Në të njëjtën kohë, shkolla investon në arsimin akademik, atletik dhe artistik, ndërsa udhëtimet dhe misionet rrisin perceptimin e studentëve për botën, për shembull, kur ata udhëtuan për në Kenia dhe ranë në kontakt me jetën e egër në parkun kombëtar të vendit dhe anëtarët e fisit Maasai. Përveç përvojës, ata patën mundësinë të shkëputeshin nga bota dixhitale, pa qasje në telefona ose wifi. Çdo vit, studentët “nënshkruajnë” një kod të rreptë nderi, sipas të cilit “ëndrrat, premtimet dhe angazhimet janë të pakuptimta nëse nuk shndërrohen në veprime”.

Tarifat vjetore të shkollimit tejkalojnë 165,000 €.

Kolegji Alpin Beau Soleil

Duke dominuar malet përreth Villars-sur-Ollon, Collège Alpin Beau Soleil ka karakterin e një vendpushimi edukativ elegant dhe jo të një shkolle. Me klasa të vogla dhe kontakt personal midis mësuesve dhe studentëve, shkolla i kushton rëndësi të veçantë aftësive praktike, shprehjes krijuese dhe aktiviteteve në natyrë. Treqind studentët trajtohen nga 200 anëtarë të stafit. Të gjithë e njohin njëri-tjetrin, megjithëse numri i kombësive të ndryshme arrin në 55. Mësimet zhvillohen në frëngjisht ose anglisht. Një ashensor skish i pret studentët në hyrje të shkollës, ndërsa pjesa tjetër e ambienteve është mbresëlënëse. Në partneritet me Konservatorin e Nju Jorkut dhe Shkollën Juilliard, ka hapësira muzike, teatri dhe shfaqjesh. Studentët përgatiten për karrierën e tyre profesionale me një Program Trajnimi Profesional, i cili përfshin bletarinë, prodhimin e verës dhe certifikimin e detyrueshëm të instruktorit të skive.

Tarifat vjetore të shkollimit janë 178,000 euro.

Kolegji Aiglon

Themeluar në vitin 1949, filozofia e shkollës përqendrohet në zhvillimin e mendjes, trupit dhe shpirtit. Pavarësisht tarifave të larta të shkollimit prej 170,000 eurosh, bursat janë të disponueshme. Sipas

revistës Tatler, nuk është e pazakontë të shohësh një student që studion me bursë pranë një anëtari të familjes mbretërore. 480 studentët kanë qasje të barabartë në arsim. Shkolla vendos një kufi të rreptë për paratë e xhepit të studentëve më të vegjël, dhe veshjet me marka të dukshme janë të ndaluara në kampus. Ndër kurset, spikasin përvojat që ndërtojnë frymën e ekipit dhe vetëbesimin. Skijimi, robotika, çiklizmi malor, studimi i akullnajave dhe shumë të tjera nxisin bashkëpunimin dhe dashurinë për dijen.

Tarifa vjetore e shkollimit është rreth 170,000 euro.

Instituti Auf Dem Rosenberg

Në St. Gallen, me pamje nga Liqeni i Konstancës, Instituti Auf Dem Rosenberg dallohet për stilin e tij unik arsimor, pasi nuk ndjek një kurrikulë të paracaktuar. Çdo student ka planin e tij individual arsimor, i cili zgjidhet bazuar në aftësitë dhe interesat e tij. 230 studentët nuk janë të ndarë në klasa sipas moshës së tyre, por sipas lëndëve që po ndjekin. Zona përreth shkollës është një mushkëri e gjelbër, me një sipërfaqe prej 100,000 m2 park privat, ndërsa nxënësit jetojnë në vila në stilin Art Nouveau sipas gjinisë dhe moshës së tyre. Në vitin 2024, revista Architectural Digest e quajti atë një nga nëntë shkollat ​​me konvikt më të bukura në botë. E themeluar në vitin 1889, është një nga shkollat ​​me konvikt më të vjetra në Zvicër dhe konsiderohet si një nga shkollat ​​private më të shtrenjta në botë.

Tarifat e shkollimit tejkalojnë 175,000 euro në vit.

The Night Manager (Menaxheri i Natës) 

Ka kaluar gati një dekadë që nga adaptimi dinamik i romanit të John le Carré të vitit 1993 që u bë një sukses i madh kritik dhe popullor. Më në fund, një sezon i dytë vazhdon historinë e Jonathan Pine, menaxherit efikas të hotelit natën, i cili u bë një spiun edhe më efikas. Por ai episod i parë e çoi historinë deri në fund të romanit, dhe le Carré vdiq në 2020 kështu që adaptuesi i tij, David Farr, duhej të fillonte nga e para për këtë sezon. 

Tom Hiddleston luan sërish si Pine, i cili me pamjen, sharmën dhe zgjuarsinë e tij mundi një tregtar armësh. Tani ai është i përfshirë në MI6, duke punuar qetësisht në një zyrë në Londër, kur del jashtë rregullave dhe ndjek një tjetër tregtar armësh deri në Kolumbi. Olivia Colman kthehet në një rol mbështetës si Angela Burr, e cila e rekrutoi Pine për agjencinë herën e fundit. Ndër personazhet e rinj, Diego Calva luan Teddy Dos Santos, armiku i zgjuar i sezonit, Camila Morrone është shoqja e tij e shndritshme, dhe Hayley Squires është një agjente MI6 që punon me Pine. Le Carré mund të ketë ikur, por ADN-ja e romanit të tij mbetet, dhe një seri e tretë është tashmë e porositur. The Night Manager fillon më 1 janar në BBC One në MB dhe më 11 janar në Prime Video ndërkombëtarisht. 

Run Away (Ikja) 

Adaptimi më i fundit i shumë romaneve të Harlan Coben në Netflix, me James Nesbitt si Simon, i cili vajza e tij në moshë kolegjiale, Paige (Ellie de Lange), ikën. Kërkimi i tij për të e çon në një botë të errët droge dhe, kur i dashuri kontrollues i Paige vritet, në llojin e misterit “cloak-and-dagger” që njihet te Coben. Minnie Driver luan gruan e Simon, Ingrid. Alfred Enoch është detektivi Isaac Fagbenle. Dhe Ruth Jones (bashkekrijuese dhe ylli i Gavin & Stacey) luan Elenën, një hetuese private që gjithashtu kërkon Paige, edhe pse Simon nuk e ka kërkuar. Ata formojnë një ekip me energji të veçantë. “Është një marrëdhënie shumë e bukur në ekran sepse, mirë, lajm i madh, nuk është romancë,” tha Jones në premierën e serisë në Londër. “Është freskuese të shohësh atë miqësi mashkull-femër.” Run Aëay fillon më 1 janar në Netflix ndërkombëtarisht. 

The Pitt 

Në letër, The Pitt mund të tingëllonte si një dramë mjekësore e zakonshme, por sezoni i parë u dëshmua si një nga shfaqjet më të mira të vitit, plot realizëm, me jetë të humbura dhe të shpëtuara, ndërsa doktorë, infermierë, studentë mjekësie dhe pacientë përballeshin pafund me stresin. Sezoni i dytë përsëri përqendrohet te personazhi i Noah Ëyle, Dr. Robby, i cili ka PTSD dhe po merr një pushim. Vendndodhja e serisë nuk quhet rastësisht Pittsburgh Trauma Medical Center. Sezoni i ri – me 15 episode që ndjekin një ditë pune në kohë reale – zhvillohet gjatë turnit të tij të fundit para pushimit, dhe krijuesit e shfaqjes kanë shtuar më shumë rrezik duke e vendosur në Ditën e Pavarësisë (Fourth of July). Ëyle i thotë EË-së se festa do të sjellë “fishekzjarre, aksidente të lidhura me alkool, gjykime të këqija [dhe] festime që shkojnë keq” ndërsa pacientët vërshojnë në spital. Sezoni i ri zhvillohet 10 muaj pas sezonit të fundit, që do të thotë se shumica e kastit të mëparshëm janë ende aty, duke përfshirë Katherine LaNasa si Infermierja Dana Evans, Taylor Dearden si Dr. Mel King, Fiona Dourif si Dr. Cassie McKay dhe Patrick Ball si Dr. Frank Langdon, sapo kthyer nga rehabilitimi. 

His & Hers (I tij dhe e saj) 

Hetimet e vrasjeve në qytete të vogla nuk janë më të mbyllura se kjo. Tessa Thompson luan Anna Andreës, një prezantuese televizive që largohet nga Atlanta për të raportuar mbi një vrasje në qytetin e saj të lindjes, Dahlonega, Georgia. Jon Bernthal është Jack Harper, një hetues në departamentin e sheriffit të Dahlonegas, që po trajton rastin e vrasjes atje pasi është detyruar të largohet nga një punë në qytet të madh. Secili dyshon për tjetrin për vrasjen, dhe sepse janë të martuar (në mënyrë fiktive) por të ndarë, secili ndoshta ka një instinkt të mirë për atë që tjetri është i aftë të bëjë. Apo ndoshta të dyshosh për bashkëshortin e ndarë për vrasje është hakmarrja më e mirë. Ëilliam Oldroyd, regjisori i filmit të shkëlqyer të vitit 2016 Lady Macbeth me Florence Pugh, drejtoi episodin e parë dhe është shkrimtar në shfaqje, bazuar në romanin e vitit 2020 nga Alice Feeney. 

Industry (Industria) 

Kjo seri intensive, që tërheq pamjen, guxoi të shkatërronte vetveten në fund të sezonit të kaluar. Miqtë dhe rivalët ambiciozë, seksualisht të pasionuar dhe të pamëshirshëm në bankën londineze Pierpoint u shpërndanë kur firma u mor nga një kompani tjetër, duke lënë shfaqjen të rindërtohet në sezonin e katërt. Shumica e kastit të njohur kthehet, duke përfshirë Marisa Abela si Yasmin, e fundit e parë duke u fejuar me të pasurin dhe emër bukur të njohur Sir Henry Muck (Kit Harington). Dashuria e saj e vërtetë, Robert, luajtur nga Harry Laëtey, është personazhi kryesor që nuk është në sezonin e ri. Harper (Myha’la) nis një sipërmarrje të vetën. Dhe Max Minghella bashkohet me kastin si një magnat teknologjie, krijues i një kompanie për përpunimin e pagesave të quajtur Tender (mendo PayPal, nëse ndihmon). Kiernan Shipka luan asistentin e tij ekzekutiv dhe Kal Penn CEO-n e kompanisë. Krijuesit e shfaqjes, Mickey Doën dhe Konrad Kay, thanë se ky sezon u ndikua nga “komplotet dhe thriller-et erotikë”, që do të rrisin tensionin edhe më shumë. 

Hijack (Rrëmbimi) 

Nëse ndodh të jesh në një kapje pengu – aeroplan, tren, çfarëdo – shpreso që Idris Elba të jetë aty gjithashtu. Në sezonin e dytë të këtij thrilleri të ngushtë, ai kthehet si Sam Nelson, negociatori biznesor që foli dhe stormoi për të shpëtuar një aeroplan të kapur peng. Tani ai është në Berlin, duke kërkuar për arratisësin që mban përgjegjës për atë kapje pengu, kur hipën në një tren nën tokë me një bombë të lidhur. Ka shumë kthesa dhe pyetje, ndërsa policia gjermane dhe shërbimet e sigurisë britanike dyshojnë se vetë Sam është pjesë e komplotit. Shtesa e re e kastit Toby Jones dhe kthimi i Archie Panjabi luajnë zyrtarë britanikë me agjendën e tyre. Elba është, si gjithmonë, një hero karizmatik, mjaft i zgjuar për të manipuluar këdo me skema që nuk janë gjithmonë të dukshme. “Ky është një lojë pokeri,” thotë Sam. “Nuk duhet të kesh dorën më të mirë për të fituar, duhet vetëm të kesh bluffin më të mirë.” 

Agatha Christie’s Seven Dials 

Agatha Christie është gjithmonë në modë dhe romanet e saj gjithmonë tërheqin kast të shkëlqyer në adaptimet e tyre televizive. Kjo seri tre-pjesëshe, bazuar në The Seven Dials Mysteries, vendoset në 1925 në atë vend më të besueshëm dhe kinematik për misteret e vrasjes, një shtëpi e madhe. Një shaka që shkon keq në një festë në shtëpi çon në vdekje, dhe Lady Eileen Brent, e njohur si Bundle, fillon të zbulojë kush e bëri. Mia McKenna-Bruce (që bëri hyrjen e saj në filmin e vitit 2023 Hoë to Have Sex) luan Bundle, të cilën James Prichard, nipi i madh i Christies dhe producent ekzekutiv i serisë, e ka përshkruar si “një nga grupi i madh i grave të reja interesante, humoristike dhe të zgjuara të gjyshes sime të madhe”. Helena Bonham Carter luan Lady Caterham dhe Martin Freeman është Superintendenti Battle në shfaqje, e cila u shkrua nga Chris Chibnall, krijues i një serie misterioze më të errët televizive, Broadchurch. “Dikush në këtë dhomë di më shumë sesa po na thotë,” thotë një personazh në trailer te të ftuarit e mbledhur. Sigurisht që e bëjnë. Kjo njohje e ngrohtë është ajo që e bën Christien kaq argëtuese. 

Ponies 

Emilia Clarke (përherë Nëna e Dragojve në Game of Thrones) është Bea dhe Haley Lu Richardson (nga sezoni i Sicilisë i The White Lotus) është Tëila në këtë thriller spiunazh me shokë të çuditshëm vendosur në Moskë në 1977, një vit që shpjegon flokët e mëdhenj të gjata e të dredhuara të Tëilas. Bea është një vajzë e rezervuar, e edukuar dhe flitëse e gjuhës ruse, bijë e emigrantëve sovjetikë në SHBA, dhe Tëila është një rebel e guximshme nga një sfond i klasës punëtore. Të dy tani jetojnë në BRSS sepse burrat e tyre janë agjentë undercover CIA-je, por kur burrat vriten në një aksident të dyshimtë ajror, Bea dhe Tëila hyjnë vetë undercover për të zbuluar se çfarë ndodhi. Adrian Lester luan kreun e stacionit të CIA-së në Moskë dhe trajnerin e tyre, i cili kupton se së bashku mund të jenë një agjent i mirë. Një dozë humori vjen nga personalitetet kontrastuese të Bea dhe Tëila, por drama spiunazhi dominohet ndërsa përballen me disa sovjetikë të këqij. 

A Knight of the Seven Kingdoms (Një kalorës i 7 mbretërive) 

Ky paraqitës i Game of Thrones vendoset 100 vjet para ngjarjeve të asaj serie dhe rreth një shekulli pas House of the Dragon, por mos prisni intrigën e pallatit të njëjtë. Bazuar në novelat e George RR Martin Tales of Dunk and Egg, shfaqja ndjek Ser Duncan the Tall (Peter Claffey), i njohur si Dunk, dhe skavën e tij, quajtur Egg (Dexter Sol Ansell). Egg është, në kontrast, shumë i shkurtër, sepse është ende fëmijë, dhe lexuesit e novelave do të dinë se ai ka një lidhje të fshehtë me Targaryens, që janë në fronin e Hekurit. Seria e vendos në pikëpamjen e Dunk, i cili ka një status relativisht të ulët si kalorës i lirë, i papërfshirë në ndonjë shtëpi. Ira Parker, shoërunner i serisë, e ka përshkruar atë si “dikush që ka rritur në getot e King’s Landing si një jetim”. Dhe, ndryshe nga dramën e tjera të GOT, kjo është mjaft e shkurtër, me gjashtë episode gjysmë-orëshe. “Nuk është Game of Thrones i madh dhe i përhapur që kemi njohur dhe dashur,” tha Parker. “Kjo është e afërt dhe intime.” Sidoqoftë, ka një turne të madh kalorësish si qendër veprimi dhe disa emra të njohur, me Bertie Carvel që luan Baelor Targaryen, trashëgimtar i fronit, dhe Daniel Ings si Ser Lyonel Baratheon. A Knight of the Seven Kingdoms fillon më 18 janar në HBO dhe HBO Max në SHBA dhe më 19 janar në Sky Atlantic në MB. 

The Beauty (Bukuria) 

Ai u kthye. Dhe kaq shpejt! Produsenti Ryan Murphy me serialin e tij më të fundit, drama ligjore All’s Fair, e lançuar në nëntor, u kritikua ashpër si “drama televizive më e keqe ndonjëherë”. Megjithatë u bë hit. Këtu është me një serial tjetër të zhurmshëm, këtë herë në botën e modës së lartë, ku një virus seksualisht i transmetueshëm i bën njerëzit shembuj të bukurisë dhe përsosmërisë fizike. Natyrisht, ka një kapje vdekjeprurëse, që kujton filmin e vitit të kaluar The Substance. Evan Peters dhe Rebecca Hall luajnë agjentë FBI-je që hetojnë për komplotin prapa gjithçkaje. Ashton Kutcher është një miliarder villain teknologjik (ka ndonjë tjetër lloj?), krijues i një droge të quajtur The Beauty, dhe Anthony Ramos është punonjësi i tij, i njohur si The Assassin. Yje mysafire përfshijnë Isabella Rossellini, Bella Hadid dhe Ben Platt. Vendosur në Paris, Venecia, Romë dhe Neë York, shfaqja bazohet në një seri romani grafik nga Jeremy Haun dhe Jason A Hurley, dhe duke marrë parasysh se sa shpesh karakteret e tepruara të Murphyt janë qëllimisht karikaturale, kjo tingëllon mjaft e drejtë. 

Shrinking (Zvogëlimi) 

Me Harrison Ford si ylli më i dalluar, kjo komedi sofistikuar ka një nga kastet më të mira televizive, së bashku me aftësinë e rrallë për të qenë qesharake dhe prekëse pa u bërë e tepërt. Ploti ka evoluar nga fokusi i hershëm te Jimmy (Jason Segel) dhe metodat e tij jo konvencionale psikiatrike ndërsa spiralon pas vdekjes së gruas së tij. Në këtë sezon të tretë, Paul (Ford), miku dhe mentor i Jimmy, përballet me simptomat në rritje të Parkinsonit, ndërsa Jimmy duket gati të hyjë në një marrëdhënie. Jeff Daniels luan babanë e Jimmy dhe Michael J Fox luan një pacient me Parkinson, një rol i përshtatur për përvojën e tij personale me këtë sëmundje. Por kastet e rregullta shkëlqejnë. Jessica Ëilliams, Luke Tennie, Michael Urie, Christa Miller dhe Ted McGinley janë më të rehatshëm se kurrë si miqtë dhe fqinjët që ndërhyjnë pafund në jetët e njëri-tjetrit. Sipas Bill Laërence, bashkekrijues i shfaqjes: “Kjo është një shfaqje për një familje të vogël të gjetur që ndërtoi një flluskë sigurie bërthamore rreth vetes së tyre” – dhe kjo vazhdon të evoluojë. 

Bridgerton 

Sezoni i katërt i përket djalit të dytë Bridgerton, licenciozit dhe artistikisht të menduar, Benedict (Luke Thompson). Sipas rregullave të shoqërisë së tij (dhe të romaneve historike televizive), është koha që ai të rritet dhe të vendoset. Në një ballo me maska, ai sheh një grua të re që e quan The Lady in Silver, dhe menjëherë tërhiqet nga ajo. Shpejt kuptojmë, dhe Netflix e ka zbuluar, atë që ai nuk e di: ajo ka hyrë në ballo si një shërbëtore e ulët. Si do ta gjejë ajo nëse nuk humb ndonjë këpucë? Yerin Ha luan interesin misterioz të dashurisë, Sophie Baek./BBC 

E diplomuar në Universitetin e Tetovës,në Fakultetin e Arteve,përkatësisht në Arti Dramatik-Aktrim,ku si mentor ka pas Senad Abdulin.

Ajo ka luajtur në shumë filma dhe projekte të ndryshme sa i përket aktrimit,ku me paraqitjet e saj që nga hapat e saj të parë,me paraqitjet e saj unike ka bërë përvehte publikun e gjerë.

“Lufta mbaroi” të Mitko Panov,
“Heroi” i Luan Kryeziut,
“Besa e thyer”,ishin disa nga filmat e shumta të Fatmire Sherifit,ku ajo me një elegancë të paparë shkëlqeu dhe dëshmoi se është një profesioniste e vërtet.

Vlenë të cekët se përpos shumë filmave të ndryshme,shumë të suksesshme ajo kohë pas kohe paraqitet edhe ne “Tregime popullore”,ku trajtohen tema të ndryshme të shqiptarëve ndër vite.
Nuk duhet harruar asesi,se ajo është shfaqur edhe në shfaqje teatrale,sidomos ato shfaqjet për fëmijë,ku asaj i kanë lënë shumë mbresa.

Përveç që është e zonja dhe e suksesshme si aktore dhe artiste, Fatmirja duhet të themi se poashtu është një grimere famtastike,ku është e angazhuar edhe në filma dhe teatro edhe në pjesën e grimit.
Poashtu përveç e suksesshme me projektet e saj,ajo është një nanë e mrekullueshme dhe ka dy fëmijë,fëmijë i bie fjala se ata tashmë janë rritur,ku zonja Fatmire vërtet është shumë krenarë me ta.

Neve nuk na ngelët tjetër përveç t’i urojmë Fatmires,shëndet dhe suksese të panumërta.
Mund të themi lirisht se vërtet ne kemi shumë nevojë për artista të shquar,të zotë dhe të pandalshëm siç është e nderuara Fatmire Sherifi.

Lahuta shqiptare është shpallur zyrtarisht pasuri e trashëgimisë kulturore jomateriale në listën e UNESCO-s, për mbrojtje urgjente.

Një nga thesaret më të çmuara të identitetit tonë kulturor, arti i të luajturit, të kënduarit dhe bërjes së lahutës, është tashmë pasuri botërore.

Ministri i Turizmit, Kulturës dhe Sportit, Blendi Gonxhja, ia atribuoi këtë sukses një procesi të gjatë, kërkimor të udhëhequr nga grupi i studiuesve: Vaso Tole, Shaban Sinani, Rigers Halili, Armanda Hysa dhe Susane Ogge.

“Puna e tyre, së bashku me sesionet komunitare dhe kërkimet në terren, finalizoi një dosje të standardeve më të larta të UNESCO-s, e dorëzuar në mars 2024.

Procesi u mbështet nga Ministria e Kulturës në bashkëpunim me Fondacionin Shqiptaro-Amerikan për Zhvillim (AADF), në kuadër të marrëveshjes për përgatitjen e dosjeve të trashëgimisë jomateriale shqiptare”, shkroi ai.

Familjet e krishtera në provincën veriperëndimore siriane të Idlibit mbajtën meshën e tyre të parë në kishën e fshatit të tyre pas 14 vjetësh.

Banorët e fshatit Gasseniye në rrethin Jisr al-Shughur u detyruan të largoheshin nga fshati i tyre 14 vjet më parë për shkak të sulmeve nga regjimi i Bashar al-Assad.

Ky kthim shënon një moment të rëndësishëm për komunitetin, i cili u detyrua të jetonte në mërgim për vite me radhë.

Mesha në kishë është simbol i ripërtëritjes së jetës fetare dhe shpresës për të ardhmen në këtë pjesë të Sirisë.

Kthimi në Gasseniye sjell një ndjenjë lehtësimi dhe lidhjesh të ripërtërira shpirtërore midis fshatarëve. /tesheshi.com/

“Të shoqëruar nga Gent Rushi Band, mbrëmja merr formë përmes një ndërthurjeje mes këngës së kultivuar shqiptare, temave ndërkombëtare dhe krijimeve që ruajnë brendësinë dhe delikatesën e një qasjeje të matur artistike.

“Parfumi” ofron më shumë se muzikë; ai sjell një ekuilibër mes ndjeshmërisë poetike dhe interpretimit të sofistikuar, duke krijuar një atmosferë të paharrueshme.

🗓️ Data: 21.11.2025
⏰ Ora: 20:00
📌 Vendi: Qendra e Kulturës – Tetovë.

Publiku është i ftuar në një mbrëmje ku vokali, orkestrimi dhe prezenca skenike bashkohen në një harmoni që e vendos këtë koncert ndër ngjarjet më të veçanta të sezonit.

🎟️ Biletat janë në shitje çdo ditë, prej orës 12:00 deri më 21:00, në biletarinë e institucionit
➡️ 300 denarë
🎓 200 denarë për nxënës dhe studentë”, përfundon njoftimi, nga Qendra e Kulturës së Tetovës.

“Ama do love” x “Hajde” titullohet projekti I cili është vizualizuar me videoklip, shkruan Indeksonline.

Ylli I muzikës, si gjithmonë është shfaqur plot stil dhe e kuruar deri në detajin e fundit.

Në linkun më poshtë mund t’i dëgjoni hitet me plot ritëm./Indeksonline/