Djali i Ukshin Hotit i kërkon Albin Kurtit ta shkarkoj këshilltarin e tij Shkelzen Gashi që e urren UÇK-në

Andin Hoti, djali i veprimtarit të shquar Ukshin Hoti i cili vazhdon të jetë i zhdukur nga lufta e fundit, i ka kërkuar kryemimistrit në detyrë, Albin Kurti, që ta shkarkojë këshilltarin e tij Shkelzen Gashi, i cili ka deklaruar sot se UÇK dhe ushtarët e saj kanë vrarë mijëra civilë serbë të pafajdhëm gjatë dhe pas luftës.

Këshilltari i Albin Kurtit ka kërkuar që Gjykata Speciale ti dënojë ushtarët e UÇK-së.

“Unë mendoj që po janë faktet e organizatave ndërkombëtare që flasin për krime që individ nga radhët e UÇK ‘së i kanë bërë ndaj civilëve të pafajshëm dhe unë mendoj që duhet me u dënu”, ka deklaruar ai.

E kjo deklaratë ka shkaktuar edhe reagimin e ashpër të ish-deputetit të PDK-së, Andin Hoti.

Deklarata e plotë e Andin Hotit:

TË LUTEM KRYEMINISTER ALBIN KURTI,

Jo si anëtar i ndonjë partie politike, por si djali i një Heroi të Kosoves, apo si djali i Ideologut tënd (kështu ke deklaruar) Ukshin Hotit , si nip i një Dëshmori të Kombit nga rradhet e UÇK-së, si djali axhes i një tjetër Ushtari të Ushtrisë Çlirimtare të Kosoves, si nip i disa Ushtarëve të UÇK-së, si djalë i 2 të burgosurve politik, si nip i një të burgosuri politik, por gjithashtu si një djalë i rritur në sakrificat më të rënda përballë Serbisë, PO TË LUTEM:
SHKARKOJE KËTË ZAGAR!
Dhe jo vetëm! Të lutem dërgoje në Prokurori.

Pavarësisht mendimeve tona politike, që mund të jenë të kundërta, asnjëherë nuk e kam menduar një anti-shqiptarizëm tek ju, e as nuk dua ta mendoj! Të lutem.