Kardiologu i QKUK’së që vdiq sot, është babai i futbollistit të njohur kosovar

Ka vdekur sot kardiologu invaziv, dr. Sami Gjoka, pas një sëmundje të shkurtër.

Kjo është konfirmuar edhe nga SHSKUK, të cilët kanë shprehur ngushëllime për vdekjen e mjekut të njohur, duke theksuar se kanë humbur një mjek dhe humanist të shquar që deri në momentet e fundit dha kontributin e tij profesional për të ndihmuar pacientët që kishin nevojë për shërbime shëndetësore.

E një telegarm ngushëllimi e ka bërë edhe klubi i futbollit ‘Drenica’, aty ku luan djali i të ndjerit, Ehat Gjoka. Kryetarja e klubit, Mihane Kodra-Bekteshi dhe gjithë klubi shprehen ngushëllimet e tyre.

“Klubi i Futbollit ‘Drenica’ me pikëllim të thellë mori lajmin për vdekjen e Dr. Sami Gjoka, babait të futbollistit të KF Drenica, Ehat Gjoka. Kryetarja e klubit, znj. Mihane Kodra – Bekteshi, drejtuesit e tjerë të klubit,shtabi teknik, puntorët sportiv të klubit dhe gjithë futbollistët, shprehin ngushllimet më të sinqerta për vdekjen e babait te futbollistit Ehat Gjoka (Dr. Samiut). Duke shpresuar që zoti do t’ua lehtësojë dhimbjen familjarëve, shprehim ngushllime të sinqerta!” – thuhet në telegram ngushëllimin e KF Drenicës.