Hakimi i vendosur: Dua të jem i rëndësishëm tek Real Madridi

Hakimi ka thënë se shpreson që të ketë sukses me skuadrën që mbanë kartonin e tij, Real Madrid, gjatë pjesës së mbetur të karrierës.

“Nuk do të gënjej, do të doja që të kem sukses atje, sigurisht” ka thënë lojtari për ‘AS’, transmeton lajmi.net.

“Unë u rrita në Madrid, është klubi që e quaj shtëpi dhe do të doja që të vazhdoja të rritem si lojtar në atë skuadër” shtoi lojtari.

Mbrojtësi i krahut po kalon sezonin e dytë në formë huazimi tek Borussia Dortmund, ku ai ka kthyer vetën në një figurë kryesore.

Mbetet të shihet nëse Reali i Madridit do ta kthejë lojtarin, për t’i dhënë mundësinë që të fitojë një vend në formacionin bazë, në pozitën ku luan Dani Carvajal. /Lajmi.net/