Vidhen mbi 100 armë nga një depo në Gjakovë

Publikuar

para 5 orëve

më

31/10/2026

Policia ka njoftuar se mbi 100 armë zjarri janë vjedhur nga një depo në rrugën “Fehmi Agani” në Gjakovë.

Rasti është raportuar në Policinë e Kosovës më 30 tetor, rreth orës 18:00, nga dy ankues meshkuj kosovarë.

Sipas raportit 24-orësh të Policisë, persona të panjohur kanë hyrë në depon e armëve dhe kanë vjedhur më shumë se 100 armë zjarri.

Në vendin e ngjarjes kanë dalë njësitë përkatëse policore, ndërsa lidhur me rastin është njoftuar edhe prokurori.

Rasti është duke u hetuar.

Foto: Ilustrim

Etiketimet:lajme

Zyrtare.net