Bërvenicë, Radiçevski dhe Arkin Jahiji në raundin e dytë

Stojanço Radiçevski i VMRO-DPMNE-së ka përfunduar i pari në garën për kryetar të Komunës së Bërvenicës, ndërsa në raundin e dytë do të përballet me Arkin Jahijin e AKI-së, raporton Zyrtare.net

Pas përpunimit të të gjitha 24 vendvotimeve, Radiçevski ka siguruar 2.943 vota, përkatësisht 38,90 për qind të votave.

Në vendin e dytë renditet Arkin Jahiji nga AKI me 2.152 vota ose 28,45 për qind, ndërsa kandidati i VLEN-it, Jakup Huseini, ka marrë 1.528 vota, përkatësisht 20,20 për qind.

Dallimi mes dy kandidatëve që kalojnë në raundin e dytë është 791 vota.

Kandidati i LSDM-së, Jovica Radeski, ka siguruar 706 vota ose 9,33 për qind. Dushan Bogdanovski ka marrë 55 vota, ndërsa Arife Idrizi 21 vota.

Sipas të dhënave të publikuara, në zgjedhjet për kryetar të Komunës së Bërvenicës kanë votuar 7.565 qytetarë, ndërsa dalja në votime ka qenë 46,56 për qind. Janë regjistruar gjithsej 160 fletëvotime të pavlefshme.

Kështu, gara për kreun e Bërvenicës do të vendoset në raundin e dytë, ku Stojanço Radiçevski i VMRO-DPMNE-së do të përballet me Arkin Jahijin e AKI-së./ Zyrtare.net