Reagon deputeti i Parlamentit Evropian me prejardhje nga Mitrovica: Aktgjykimi është i dhimbshëm, qëndroj përkrah popullit të Kosovës

Deputeti i Parlamentit Evropian, Adnan Dibrani, i cili është me prejardhje nga Mitrovica, ka reaguar pas dënimit të 4-shes së UÇK-së sot nga Gjykata Speciale.

Ai thotë se aktgjykimi i sotëm është i dhimbshëm dhe se mendja e zemra e tij sot janë me gjithë ata që po e perjetojnë rëndë këtë ditë të vështirë, raporton Veriu.info.

Postimi:

Aktgjykimi i sotëm është i dhimbshëm për Kosovën dhe thellësisht personal për shume prej nesh që i kemi rrënjët atje.

Ky është një aktgjykim i shkallës së parë dhe e drejta e ankesës duhet të respektohet plotësisht.

Mendja dhe zemra ime sot është me familjet dhe me të gjithë ata që po e perjetojnë rëndë këtë ditë të vështirë.

Qëndroj përkrah popullit të Kosovës me dinjitet, solidaritet dhe përkushtim të palëkundur ndaj së vërtetës

Lufta e Kosoves për liri ishte e drejtë.