Erdogan: Srebrenica paralajmërim për njerëzimin, Gaza na tregon se mësimi nuk është nxjerrë

Presidenti i Turqisë, Recep Tayyip Erdogan, në 31-vjetorin e gjenocidit të Srebrenicës, se kjo masakër mbetet një nga kapitujt më të errët dhe më të turpshëm të historisë moderne, duke vlerësuar se komuniteti ndërkombëtar ende nuk ka nxjerrë mësimet e nevojshme për të parandaluar krime të ngjashme, përcjell TRT Balkan.

Duke kujtuar fjalët e presidentit të parë të Bosnjë e Hercegovinës, Alija Izetbegoviq, se gjenocidi nuk duhet të harrohet, Erdoğan nënvizoi se Turqia vazhdon të angazhohet në arenën ndërkombëtare për ruajtjen e kujtesës së Srebrenicës, përfshirë mbështetjen për shpalljen e 11 korrikut si Ditë Ndërkombëtare të Përkujtimit në Kombet e Bashkuara.

Presidenti turk tha se qëllimi i këtyre përpjekjeve është të parandalohet përsëritja e tragjedive të ngjashme, por shtoi se zhvillimet në Gaza tregojnë se bota ende nuk ka mësuar nga Srebrenica.

“Krimi në Gaza, i cili u ka kushtuar jetën 73 mijë njerëzve të pafajshëm, kryesisht fëmijë dhe gra, tregon se komuniteti ndërkombëtar, për fat të keq, ende nuk i ka nxjerrë mësimet e nevojshme nga Srebrenica”, tha Erdoğan.

Ai shtoi se Türkiye do të vazhdojë përpjekjet për një rend ndërkombëtar më të drejtë dhe më të përgjegjshëm, duke përsëritur moton e tij: “Bota është më e madhe se pesë.”

Erdoğan dënoi gjithashtu mohimin e gjenocidit, glorifikimin e kriminelëve të luftës dhe sulmet ndaj të kthyerve në Bosnjë e Hercegovinë, duke i bërë thirrje komunitetit ndërkombëtar të reagojë më vendosmërisht ndaj këtyre dukurive.