Fatmir Limani ribashkohet me Ali Ahmetin

Ministri aktual për Politikë Sociale, Fatmir Limani, duket se është ribashkuar me Ali Ahmetin.

Ata janë parë bashkë në një ndejë pas iftarit të organizuar nga kryeministri i Shqipërisë Edi Rama në Tiranë.

Limani ishte pjesë e BDI-së për shumë vite, ndërsa është edhe në lidhje familjare me Ali Ahmetin, përkatësisht nip i tij.

Ai u largua nga BDI-ja me akuza të rënda për familjen e Ali Ahmetit dhe iu bashkua Lëvizjes Besa.

Por, pas vendimit të Besës për shkarkimin e strukturave me qëllim bashkimin e VLEN-it, Limani u vetëpërjashtua dhe filloi t’i kritikojë Besën dhe VLEN-in. Zyrtarët e VLEN-it paralajmëruan shkarkimin e tij nga posti i ministrit në rikonstruimin e ardhshëm të Qeverisë.