Connect with us

Kosovë

Dëshmia e Rubin, avokati i Thaçit: Një shans për të dëgjuar të vërtetën

Publikuar

para 9

më

Ish-presidenti Hashim Thaçi do të ketë sot (15 shtator) rastin të thërrasë një dëshmitar në çështjen ndaj tij në Hagë, ku akuzohet për krime lufte që ai dhe zyrtarë të tjerë të lartë nga Kosova pretendohet se kanë kryer në fundvitet ’90.

Dëshmitari i ditës do të jetë ish-ndihmëssekretari amerikan i Shtetit, James Rubin, i cili është paraqitur në Gjykatën Speciale për seancën e planifikuar në orën 9:00.

“Nuk dua të futem në hollësitë e dëshmisë së [James Rubin]. Ai do ta bëjë vetë, por ky është një shans për të dëgjuar të vërtetën se çfarë ndodhi dhe kush ishin përgjegjësit. Unë mendoj që nëse Dhomat e Specializuara shkojnë pas së vërtetës do të kemi një verdikt të drejtë, që do të tregojë se klienti im nuk është fajtor,” u shpreh avokati i ish-presidentit Thaçi, Pierre Richard Prosper, para se të hynte në godinën e Gjykatës Speciale.

Rubin është një nga gati dymbëdhjetë dëshmitarët që do të thërrasë mbrojtja e Thaçit, që do të parashtrojë edhe prova të reja. Më tej, radhën për provat dhe dëshmitarët e vet do e ketë ish-kryeparlamentari i Kosovës, Jakup Krasniqi, me katër dëshmitarët e vet, për të vijuar me ekipet mbrojtëse të ish-kryeparlamentari Kadri Veseli dhe ish-deputetit të Lëvizjes Vetëvendosje. Rexhep Selimi.

Procesi gjyqësor ndaj ish-krerëve të Ushtrisë Çlirimtare të Kosovës ka nisur në prill të vitit 2023. Aktakuza ndaj tyre është se kanë kryer krime kundër njerëzimit dhe krime lufte, përfshirë vrasjen e më shumë se 100 vetave, si dhe mbajtjen në paraburgim e torturimin e shumë të tjerëve kur vendi luftonte përballë ushtrisë jugosllave.

Prokurori i Specializuar, nga ana e vet, gjatë kësaj periudhe ka thirrur më shumë se 100 dëshmitarë dhe ka paraqitur rreth 3 mijë prova materiale.

Etiketimet:
Advertisement

NA NDIQ NË FACEBOOK