ASH: Përgjigjen ndaj sulmeve të VLEN-it do ta japin qytetarët në tetor

Në reagim ndaj sulmeve të orkestruara të VLEN-it, ku vazhdimisht përmenden Aleanca për Shqiptarët dhe kryetari i saj, Arben Taravari, Aleanca ri-thekson se akuzat e tilla janë të pabaza dhe me qëllim denigrues.

“Çdo akuzë politike dhe çdo sulm ndaj Aleancës për Shqiptarët do të gjykohet nga qytetarët shqiptarë në tetor. Mesazhi ynë është i qartë: shqiptarët do të vendosin vetë për të ardhmen e tyre dhe për liderët që i përfaqësojnë me integritet dhe përkushtim ndaj komunitetit”, thekson Aleanca.

Aleanca për Shqiptarët zgjodhi popullin dhe jo kolltuqet qeveritare. Ajo dëgjoi zërin e qytetarëve kundër një qeverie që e konsideron antishqiptare, pro-serbe dhe pro-ruse. Aleanca fton VLEN-in të mos përdorë narrativin e VMRO-DPMNE-së kundër Arben Taravarit, pasi, me apo pa vetëdije, bëhet pjesë e një fushate kundër shqiptarëve që gatuhet te Pallati i Bardhë.

Aleanca për Shqiptarët dhe Arben Taravari, si gjatë qeverisë së kaluar në vitin 2024, ashtu edhe në këtë qeveri, braktisën pushtetin me vendim të autonomshëm. Aleanca nuk është e kapur, nuk është peng i askujt, nuk blihet dhe nuk shitet – dhe këtë e kanë kuptuar qytetarët. Ata që janë të kapur me dosje kriminale nuk guxojnë të lëvizin përtej vijave të kuqe të Mickoskit, sepse përfundojnë pas grilave për keqpërdorimet masive të pushtetit”, thuhet në reagim.

Aleanca për Shqiptarët bën thirrje për respekt të procesit demokratik dhe të barazisë në garën zgjedhore, duke theksuar se politika e denigrimit nuk ka vend në vendimmarrjen qytetare