Reagon Kurti pasi nënkryetares së Zveçanit iu dogj lokali: QUINT-i dhe BE-ja ta dënojnë këtë akt kriminal e qyqar

Kryeministri i Kosovës, Albin Kurti, ka reaguar në lidhje me rastin e ndodhur në Zveçan ku nënkryetares së kësaj komune, Natasha Timoniq, i është djegur lokali të premten.

Kurti përmes një postimi në Facebook ka thënë se elemente kriminale kanë zgjedhur sërish dhunën, terrorin dhe sulmin.

“Ky duket të jetë ‘urimi’ i tyre për 8 Mars për nënkryetaren Tomaniq dhe për të gjithë serbët që duan integrimin në Kosovë, çlirimin nga struktura kriminale që kërcënojnë dhe pavarësimin nga Beogradi zyrtar që i shantazhon”, ka shkruar Kurti.

Ai më tej është shprehur se shpreson që ambasadorët e Quintit dhe shefi i Zyrës së BE-së, z. Tomas Szunyog, do ta dënojnë ashpër këtë akt kriminal, terrorist e qyqar.

“Kurse ndaj serbëve të Kosovës që vazhdojnë të përballen me dhunën fizike e psikologjike dhe kërcënimet e vazhdueshme, është mbështetja e inkurajimi për të plotësuar deri në fund vullnetin e tyre. Shpresojmë që edhe ambasadorët e Quintit dhe shefi i Zyres së BE-së, z. Tomas Szunyog, do ta dënojnë ashpër këtë akt kriminal, terrorist e qyqar“, ka shkruar Kurti.