Piktori i mijëra portreteve/ Çeliku: Nisa në ish Jugosllavi, punoj në rrugë mes njerëzve

Portreti i kësaj vajze të vogël është një prej qindrave që ka hedhur në telajo piktori, Rifat Çeliku.

Gjithë jetën e ka kaluar mes ngjyrave dhe artin e tij preferon ta ushtrojë rrugëve, aty ku gjallon jeta.

Talentin me te cilin kishte lindur nuk ja zbuloi kush, por e dalloi te vetja në moshën 7-vjeçare kur nisi te realizonte vizatimet e para.

“Unë që në fëmijëri kisha talentin për pikturë, kisha interes për pikturë.

Mandej nuk ju nda rrugës së artit. Ishte çfarë donte të bënte në jetë. Për të marrë gjithë formimin e nevojshëm, Çeliku ndoqi liceun artistik në Shkup.

“Unë kam punuar shumë piktura, punoj piktura të tjera, me motive të ndryshe, peisazhe. Kam pasur shumë ekspozita kolektive dhe personale.”

Punë për herë të parë nisi në Kroaci, në kohën kur ishte pjesë e ish-Jugosllavisë. Më pas ka udhëtuar e punuar në qytete të ndryshmë te Europës ku thotë se ka pasur mundësinë të takojë e punojë me piktorë të njohur.

“Më shumë se 35 vite, gjatë sez0nit veror bëj këtë punë. Në vitet e para fillova në Kroaci. Pas 6 viteve, u shkatërrua ish-Jugosllavia dhe ishte e pamunudr të vazhdoja punën time atije. Kalova në Vjenë, bëra të njëjtën punë, më pas në Kopenhagen. Shumë vite kalova në Greqi.”

Saranda është bërë shtëpia e tij prej 10 vitesh. I kujton Kroacinë e viteve te rinise e thotë se ndihem mirë.

Piktura i siguron të ardhura të mira, por edhe e mbush shpirtërisht, nese nuk do e donte këtë profesion nuk do ta ushtronte kurrë.

“Arti është një gjë që, njeriu e shijon me shpirt, me zemër. E kam pasion dhe kur punoj, ndjej kënaqësi.

Nuk i pëlqen të punojë në studio. Ambienti mes mureve nuk e frymëzon ndaj pikturon vetëm ne vendet ku rrihen nga njerëzit.

“Në rrugë, punoj direkt një portret, mblidhen njerëz. Ka shumë komente kur punoj dhe komplimente, durartokitje, ajo më kënaq”.

Rifat Çeliku është në moshë pensioni. Thotë se jeta e tij ashtu siç nisi do të vazhdojë mes ngjyrave deri në frymën e fundit./abcnews.al