“E nxori nga taksi…”, Insajderi siguron videon e rrëmbimit të vajzës në Gjakovë

Një person është arrestuar në Gjakovë pasi që i njëjti kishte rrëmbyer një vajzë. Ngjarja ka ndodhur në rrugën “Yll Morina”.

Gazeta Insajderi ka arritur të sigurojë një video nga momenti i rrëmbimit. Siç mund të shihet në video i dyshuari e nxjerrë me forcë nga taksi dhe e fut në veturën e tij.

@insajderiofficial #Ekskluzive #shqipe #kosova #shqiperia #kosova #rrembim #fyp #foryourpage #foryoupage #kosovo #albaniche #gjakova #gjakove #gjakova07 ♬ Dramatic Military – Faid rafanda

Policia e Kosovës përmes një njoftimi ka bërë të ditur se se i dyshuari M.U., është arrestuar pasi që kishte rrëmbyer viktimën (femër e moshës madhore) nga një taksi. i dyshuari M.U., është arrestuar pasi që kishte rrëmbyer viktimën (femër e moshës madhore) nga një taksi.

“Sot me datën 15.09.2023 rreth orës 15:20, Stacioni Policor në Gjakovë ka pranuar informatë se një person mashkull i moshës madhore në rrugën “Yll Morina” në Gjakovë kishte tërhequr me forcë një grua nga një taksi dhe e kishte futur në veturën e tij dhe ishte larguar në drejtim të panjohur. Pa humbur kohë është filluar me mbledhjen e informatave dhe pas një procesi operativ dhe hetimor është arritur të identifikohet dhe të arrestohet i dyshuari me inicialet M.U., mashkull kosovar i lindur në vitin 1987 mbi dyshimin se kishte privuar nga liria viktimën (femër e moshës madhore) dhe i kishte shkaktuar lëndime trupore.” – thuhet në njoftim.

PK ka bërë të ditur se i arrestuar është dërguar në mbajtje, ndërsa viktimës i është ofruar tretman mjekësor.

“Viktimës iu është ofruar ndihma mjekësore si dhe është njoftuar prokurori i shtetit me vendimin e të cilit i dyshuari është ndalur në mbajtje si dhe është iniciuar rast “Lëndim i lehtë trupor” dhe “Privimi i kundërligjshëm i lirisë.” – thuhet në njoftimin e Policisë së Kosovës.