Foto misterioze e vitit 1917 me ‘sërfistin’ i bën njerëzit të pyesin se nëse udhëtimi në kohë ekziston me të vërtetë

Një foto misterioze nga mbi 100 vjet më parë i ka bërë njerëzit të pyesin nëse udhëtimi në kohë ekziston me të vërtetë.

Fotografia, e titulluar “Pikniku i Fundit” shfaq një grup të të rriturve dhe fëmijëve të ulur në një kodrinë në Kanada në vitin 1917. Gratë mund të shihen duke veshur fustane të gjata, përderisa burrat duke veshur xhaketa dhe kapele.

Por ajo që e tërhoqi vëmendjen e njerëzve është një burrë që nuk ka një ngjashmëri me dikë të nga fillimi i shekullit të 20-të. Ai dallohet nga të tjerët, i veshur me një bluzë të gjerë dhe pantallona të shkurtra, shkruan Mirror, përcjell Telegrafi.

“Sërfisti”, siç e kanë quajtur disa, duket se në mënyrë të ngjashme ngatërron ata që e rrethojnë. Një burrë në të majtë të tij shihet duke shikuar me një mosbesim të dukshëm, ndërsa një grua në anën tjetër tregon drejt tij.

YouTube-ri Jamie D. Grant e pa foton në librin historik të Lester Ray Peterson të vitit 1974, “The Great Cape Scott Story”. Ai thotë: “Vini re grupin, veshjet e tyre, kapelet e tyre. Dhe se si ulen të gatshëm për një foto”.

“Tani shikoni më afër. Koka e tij e zbuluar, flokët, pantallonat e shkurtra. Burri në të majtë shikon me mosbesim. A e ka vërtetuar një udhëtar misterioz të pamundurën dhe udhëtimin nëpër kohë? Çfarë mendoni?”, shton tutje ai. /Telegrafi/

The post Foto misterioze e vitit 1917 me ‘sërfistin’ i bën njerëzit të pyesin se nëse udhëtimi në kohë ekziston me të vërtetë appeared first on Telegrafi.