Dega e Partisë Demokratike të Elbasanit ka publikuar këtë të Shtunë emrat e delegatëve të saj që kanë firmosur për mbledhjen e Kuvendit më 11 Dhjetor.
Ata përfaqësojnë 67% të delegatëve të Elbasanit, nga 409 në total, bëri me dije Bledi Himçi, sekretar i degës.
Emrat e firmëtarëve janë lexuar publikisht para mediave për qëllim transparence. Himçi deklaroi se delegatët kanë firmosur me vullnet të plotë, me dëshirë dhe me bindje të plotë për të ndryshuar tashmë rrjedhën e Partisë Demokratike.
“Të gjitha kanë firmosur me bindje të plotë për të ndryshuar rrjedhën e Partisë Demokratike 272 nga 409, 67% e delegatëve të Elbasanit do të jenë në Kuvendin e PD-së në datën 11 dhjetor. Kanë firmosur në vullnet të plotë. Unë do të lexoj të gjithë emrat e të gjithëve delegatëve që do të jenë pjesë e Kuvendin e datës 11. Kanë firmosur me bindje të plotë pa ndikime. Është turp që të bëhet pis proocesi, me demokratiku në Elbasan. Janë kërcënuar për të firmosur? Kanë votuar për të nxjerrë deputet zotin Bardhi. Janë përplasur për të nxjerrë dhe numëruar votat. Nuk kam pasur takime me Bardhin. Ftoj çdo deputet që me votat e anëtarësisë të respektojnë vullnetin e anëtarëve të PD. Shumica janë për datën 11,” tha Bledi Himçi.
