Sport
Schalke nuk i prish punë, Hertha më pranë mbijetesës


Hertha e Berlinit shumë pranë mbijetesës në Bundesligë. Skuadra berlineze triumfoi 1-2 në fushën e Schalkes dhe shkon në kuotën e 34 pikëve, tri më shumë se Arminia e Bielefeldit, që mban vendin e 18-të.
“Blutë Mbretërorë”, që prej javësh kishin rënë matematikisht në Bundesligën 2, bënë pak për ta ndalur Herthan, ndonëse kaluan të parët në epërsi me Harit që në minutën e 6-të. Në të 19-tën barazoi Boyata, ndërsa golin e fitores për skuadrën nga Berlini e realizoi Nkankam në minutën e 73-të.






















