Connect with us

Religjion

Si vepron me të tjerët, ashtu veprohet edhe me ty

Publikuar

më

Kjo është një këshillë e vërtetë, që na e jep një fëmijë në moshën parashkollore.
Një natë nga netët, nëna u ul me fëmijët e saj që shkonin në shkollë, që t’u ndihmojë në përsëritjen e mësimeve, kurse fëmijës së saj të vogël që i kishte pas arritur të katërtat, ia dha disa fletore të vizatojë dhe mos t’u pengojë në përsëritjen e mësimeve me fëmijët e tjerë.
Ndërkohë iu kujtua se kishte harruar t’ia dërgojë ushqimin babait të burrit të saj, i cili ishte plak dhe jetonte me një dhomë jashtë vilës, e ajo e shërbente sa kishte mundësi, kurse burri i saj ishte i kënaqur me atë shërbim që ia bënte prindit të tij, i cili nga pleqëria dhe nga shëndeti i dobët nuk dilte jashtë dhome.
Kur u kthye në dhomë të fëmijëve, e vërejti se fëmija i vogël vizatonte rrethe dhe katrore dhe në çdonjërën vendoste shenja. Nëna i tha:
– I dashuri im, çfarë po vizaton?
Iu përgjigj:
– Jam duke e vizatuar shtëpinë time ku do të jetoj kur të rritem dhe të martohem.
Nëna u gëzua nga këto fjalë dhe i tha:
– Ti ku do të flesh?
– Unë do të fle në këtë dhomë. Kjo është kuzhina. Kjo është dhoma e pritjes së mysafirëve, – kështu filloi t’i numërojë të gjitha dhomat e shtëpisë. Kurse për në fund e la një katror jashtë shtëpisë.
Nëna u çudit dhe i tha:
– Pse kjo dhomë është jashtë shtëpisë dhe nuk është pjesë e dhomave tjera?
– Kjo është për ty. Do të vendosë të jetosh në këtë dhomë, ashtu si sot jeton gjyshi im.
Nëna mbeti e shtangur nga fjalët e fëmijës së saj!
Filloi t’i sillet nëpër mend se a do të jetë e vetme dhe jashtë shtëpisë, se nuk do të ketë mundësi të flasë me fëmijët e saj dhe me nipat e saj. Kujt do t’i flas atë ditë dhe a do jetoj e vetme mes katër mureve, pa mos ia dëgjuar zërin asnjë anëtarit të familjes? thoshte në vete nëna.
Në atë moment shpejtoi në thirrjen e shërbëtorëve dhe dha urdhër që menjëherë t’i marrin mobilet e dhomës së mysafirëve, e t’i shpërngulin në dhomën e plakut, kurse krevatin e tij, dha urdhër që ta vendosin në atë dhomë që konsiderohej dhoma më e mirë e shtëpisë.
Në ato momente burri u kthye nga puna dhe nga ajo që e pa u habit dhe e pyeti gruan se çfarë ka ndodhur?
Ajo iu përgjigj me lot:
– Unë e zgjodha dhomën më të mirë ku do të jetojmë unë e ti, nëse Allahu na jep jetë. Kurse dhoma e mysafirëve do të jetë jashtë vilës.
Burri e kuptoi se çfarë synon gruaja e tij, e lavdëroi për këtë vepër dhe për atë që e bëri për prindin e tij, i cili i shikonte ata dy dhe buzëqeshte i kënaqur me veprën e tyre. Kurse fëmija i vogël pas kësaj ndodhie e fshiu vizatimin dhe buzëqeshi.
Allahu i Madhëruar thotë: “Çfarëdo mirësie që bëni për shpirtin tuaj, me siguri që do ta gjeni tek Allahu. Ajo do të jetë më e mirë dhe më e shpërblyer.” (El-Muzemil: 20)

Nga arabishtja: Irfan Jahiu / islamgjakova/

Shqipëri31 minutes ago

Drejt përfundimit aksi i ri Berat–Ballaban–Këlcyrë, Rama: I jep tjetër hov turizmit, shkurton kohën e udhëtimit

Lajme2 hours ago

Qeveria shpall gjendje emergjente në furnizimin me energji, Ibër-Lepenci detyrohet të prodhojë rrymë nga Ujmani

Maqedoni3 hours ago

Bujar Osmani: VMRO-DPMNE po e keqpërdor VLEN-in si instrument të propagandës së vet

Shqipëri4 hours ago

Nga Tiranë–Durrësi te bypass-i i Elbasanit, Karakaçi zbulon projektet e mëdha rrugore: Ja akset që do të financohen

Lajme5 hours ago

31 vjeçari shqiptar me 7 identitete bie në prangat e policisë gjermane

Maqedoni6 hours ago

Bebet prej 530 gramësh arrijnë të mbijetojnë, mjekët e Klinikës Gjinekologjike në Shkup rrëfejnë sfidat e shpëtimit

Shqipëri6 hours ago

“Je servil i padobishëm! Je dyfytyrësh”! Bido sherr me Kikinë: Guxo të ma thuash jashtë studios…

Lajme7 hours ago

“Muj me hapë kompani në Tiranë e me ble rrymë prej Hamoviqit”, Ymeri: Kurti s’e ka seriozisht ndalimin e tregtimit të energjisë me Serbinë

Maqedoni8 hours ago

Qyteti i Shkupit ua ka mbyllur derën inspektorëve të Inspektoratit të Gjuhëve

Shqipëri9 hours ago

Pas Microsoft, probleme edhe në bankat më të mëdha amerikane! Mijëra klientë pa akses në llogaritë

Lajme10 hours ago

Pacientja me fibrozë cistike letër Arben Vitisë: Ministër, sëmundja nuk pret

Lajme10 hours ago

Saranda Imeri Stafai i reagon Bujar Osmanit: Ballkani i Hapur nuk kthehet më- as Ali Ahmeti e as Vuçiqi

NA NDIQ NË FACEBOOK