Mimoza Kusari vrapon në maratonën e New Yorkut në përkrahje të të dhunuarve gjatë luftës në Kosovë

Ish-deputetja e Kuvendit të Kosovës, Mimoza Kusari Lila sot do të vrapoj në maratonën e New York-it.

Përmes një postimi në Facebook, Kusari-Lila ka thënë se në këtë maraton do të vrapoj për graë dhe burrat e dhunuar gjatë luftës së fundit në Kosovë.

Disa nga emrat e burrave dhe grave që kanë qenë viktima dhe të dhunuar në luftën e fundit të Kosovës do të jenë në bluzën e deputetes.

Për më shumë lexojeni postimin e plotë të saj:

Të jesh gjallë, e shëndetshme dhe me fat të kesh mundësinë të vraposh maratonën, do të thotë të bësh edhe për ata që nuk mund të jenë me ty.

Nesër, unë vrapoj Maratonën e New Yorkut për gratë dhe burrat e dhunuar gjatë luftës së fundit në Kosovë. Shumë kanë vdekur, tjerët janë gjallë dhe jetojnë me stigmën dhe barrën nga e kaluara.

Disa nga emrat janë të shtypura në bluzën time dhe do të jenë me mua për 42KM.

Nesër, çdo hap i imi për 42 KM to jetë për ti dhënë zë dhe mbështetje.

Ju nuk jeni vetëm dhe ne ndëgjojmë zërin tuaj. Këshilli i Sigurimit i OKB-së duhet të përfshijë viktimat e Kosovës në raportin e tyre.

#BëhuZëriIm #BeMyVoice