Një vit pa humbje në Allianz Arena, Bayerni përsërit rekordin e…

Bayerni i këtij viti është një skuadër rekordesh. Pas 5 trofeve të fituar në 2020-ën në pritje që të zhvillohet edhe Botërori i klubeve, bavarezët mund t’i gëzohen një tjetër arritjeje të shkëlqyer. Dygolëshi i Robert Lewandowskit i dhuroi fitoren 2-1 ndaj Wolfsburgut skuadrës së Flick, që ka regjistruar një rekord fantastik. Bayerni nuk ka humbur asnjë sfidë në fushën e vet në të gjithë kompeticionet gjatë këtij viti kalendarik. Një gjë e tillë kishte ndodhur për herë të fundit në vitin e largët 1981. Ndeshja e fundit për këtë vit do të luhet të shtunën (18:30). Djemtë e Flick do të luajnë jashtë fushe me Leverkusen dhe do të tentojnë fitoren për të parakaluar “Aspirinat” dhe për të mbyllur vitin kalendarik në krye të Bundesligës. Leverkusen-Bayern është një sfidë për të mos u humbur të cilën të gjithë shqiptarët do të kenë mundësi ta ndjekin live në Digitalb nëpërmjet kanalit Eurosport 2.