Putin në bisedë telefonike me Macron: Navalny mund të ketë helmuar vete

Kritiku i Kremlinit Alexei Navalny mund të ketë helmuar veten me Novichok, thuhet se Presidenti rus Vladimir Putin i tha Presidentit francez Emmanuel Macron në një telefonatë të fundit.

Navalny, 44 vjeç, i cili doli nga koma dy javë më parë pasi u sëmur në Siberi, u tall me pretendimet e raportuara të Putinit si jo logjike. Gjermania thotë se ka prova të mbështetura nga shkencëtarë francezë dhe suedezë se kritiku i ashpër i Putinit u helmua nga një agjent nervor Novichok.

E përditshmja franceze Le Monde raportoi, duke cituar burime të paemërtuara, se Putini i sugjeroi Macron se Navalny mund të kishte helmuar veten me Novichok për një arsye të paspecifikuar.

Në thirrjen telefonike të dy udhëheqësve në 14 shtator, Putini thuhet se i referohej armikut të tij si një “ngatërrestar në internet që ka simuluar sëmundje në të kaluarën”.

Rusia pohon se Navalny nuk u helmua. Kur u nxitën për të hetuar incidentin e 20 gushtit, zyrtarët rusë u ankuan se Gjermania nuk kishte ndarë gjetjet e saj dhe se ndihmësit e Navalny morën prova të mundshme nga vendi.

Navalny reagoi me ironi ndaj raportit Le Monde, duke shkruar në Instagram se “plani i tij dinak” ishte “të gatuante Novichok në kuzhinë, ta pinte në heshtje në një aeroplan … të vdiste në një spital në Omsk dhe të përfundonte në një morg të Omsk, ku shkaku im e vdekjes do të përcaktohet si ‘ai jetoi mjaft’. ”

“Në fund, kam kaluar 18 ditë në koma si një idiot dhe nuk kam marrë atë që kam dashur’’, shkroi Navalny.

Të hënën, Navalny kërkoi që rrobat që mbante veshur në kohën e sëmundjes së tij të paketoheshin dhe të dërgoheshin në Gjermani si provë kryesore.

Në një fjalim me video në Asamblenë e Përgjithshme të KB të Martën, Macron kërkoi një shpjegim “të shpejtë dhe të patëmetë” nga Rusia në lidhje me helmimin e Navalny, duke e quajtur përdorimin e armëve kimike një “vijë të kuqe”.