BE mbështet FIBA-në për programet rreth gjyqtareve femra

Kjo iniciativë e fundit do të ndihmojë femrat që punojnë në organizata sportive për të përmirësuar aftësitë, kualifikimet e tyre dhe për të zhvilluar aftësitë e tyre ekzistuese duke kaluar një periudhë kohe në një vend të huaj, si brenda ashtu edhe jashtë BE-së.

Si pjesë e programit, trajneret dhe gjyqtaret do të marrin pjesë në një sërë aktivitetesh të ndryshme, duke përfshirë trajnimet dhe studimet, dhe qasjen në mentorim. Një ngjarje kryesore e projektit do të jetë pjesëmarrja në Samitin Evropian të Basketbollit të FIBA-s për femrat, i cili do të organizohet në Slloveni më 2021 dhe 2022.

Organizuar në bashkëpunim me Federatat Kombëtare të Finlandës, Francës, Sllovenisë dhe Spanjës, të cilët do të sigurojnë instruktorë të trajnereve dhe gjyqtareve ekspertë gjatë fazës së mentorimit, programi do të përfshijë gjithashtu bashkëpunim të veçantë me Federatën Serbe të Basketbollit.

FIBA Evropa do të ftojë të gjitha 50 Federatat Kombëtare të kontribuojnë në procesin e përzgjedhjes duke paraqitur një trajnere femër dhe një kandidate për në rolin e gjyqtares.

Trajnerja Marina Maljkoviq do të drejtojë programin e trajnerëve dhe Jasmina Juras do të drejtojë programin e gjyqtareve, si një nga dy gjyqtaret femra të FIBA-s, që ka një licencë të zezë dhe mund të referojë në çdo garë të FIBA-s.

“Ne jemi jashtëzakonisht të lumtur për miratimin e Programit të BE, është një lajm i mrekullueshëm dhe i rëndësishëm për ne”, tha Drejtori Ekzekutiv i FIBA Evropës, Kamil Novak.

“Është një lajm shumë pozitiv për të gjithë ne gjatë këtyre kohërave sfiduese. Ne besojmë se ky projekt do të jetë një sukses i madh dhe do të forcojë më tej historikun tonë të iniciativave të ngjashme të zhvillimit.”

Projekti i ri do të shtojë vlerë në programet e vazhdueshme të FIBA Evropës të përqendruara në krijimin e mundësive për femrat për zhvillim të mëtejshëm.

Tani po zhvillohet edicioni i dytë i programit FIBA TIME-OUT 2.0 (ku po merr pjesë edhe Granit Rugova, drejtor i Përfaqësueseve të Kosovës), i cili ka një numër basketbollistësh që marrin pjesë në programin Leadership & Management në Universitetin e Northumbria.

Ndërkohë, vitin e kaluar, 52 trajnerë kanë diplomuar në programin FIBA Europe Coaching Certificate (FECC) duke pasur një mundësi unike për të mësuar nga disa prej ekspertëve më të njohur.

FIBA Europe gjithashtu ka vënë një theks të rëndësishëm në promovimin e basketbollit të femrave dhe vajzave në të gjithë Evropën me Programin FIBA Europe Girls (Bota e saj, rregullat e saj), si dhe duke i dhënë një rëndësi të madhe mbështetjes së projekteve të basketbollit për të rinj dhe pjesëmarrjes së ekipeve kombëtare përmes FIBA Youth Development Fund. /Lajmi.net/