Roma i kërkon falje Vieiras për racizmin nga tifozët

Ronaldo Vieira ishte subjekt i vërshëllimave dhe fyerjeve raciste në ndeshjen Roma – Sampdoria.

Ish anëtari i Leeds United luajti gjatë gjithë ndeshjes dhe kishte momente kur tifozët shfaqen sjellje raciste ndaj tij.

Pas ndeshjes, skuadra e Romës i ka kërkuar falje publikisht lojtarit, për ngjarjet që ndodhën në stadium.

“Roma dëshiron t’i kërkojë falje Ronaldo Vieira për vërshëllimat raciste” ka shkruar skuadra e Romës në ‘Twitter’, përcjell lajmi.net.

Lidhur me këtë ka reaguar edhe skuadra e Sampdoria, duke shkruar se jemi të gjithë të bashkuar për tu përballur me racizmin. /Lajmi.net/