Dy lojtarë të Besiktas pozitiv në COVID-19

Besiktas, ditën e mërkurë ka testuar gjithë skuadrën, ku dy lojtarë kanë dalë pozitiv, teksa emrat e tyre nuk janë zbuluar.

“Të gjithë lojtarët, personeli teknik dhe punonjësit e klubit janë testuar të mërkurën, më 24 qershor. Dy futbollistë u testuan pozitivë për COVID-19”, tha ekipi turk në një deklaratë, përcjell lajmi.net.

Tutje Besiktas shtoi se shëndeti i lojtarëve po monitorohet.

Mediet turke raportojnë se këto rezultate te Besiktas, mund të bëjnë që ndeshja e paraparë të zhvillohet sot mes Besiktas dhe Konyasport, të shtyhet./Lajmi.net/