Arbër Hajdari i përgjigjet Veliajt: Larg qoftë të më punësojë Lali Eri

Drejtuesi i “Fundjavë Ndryshe” Arbër Hajdari ka reaguar pas deklaratës së kryetarit të Bashkisë së Tiranës Erion Veliaj që thoshte se ai është i përzgjedhuri për ta pasuar.

Hajdari ka shigjetuar Veliajn duke i quajtur thashetheme deklaratat e Veliajt.

“Më mbytën mesazhet për thashethemet e Erion Veliajt. Jam pa fjalë dhe nuk e kuptoj pse paskam rënë unë këtë herë në çorbën e fantazive të zotërisë!

Unë nuk kam lidhje me këtë histori penale-politike dhe as jam i papunë, as kam ëndërruar ndonjëherë të më punësojë, larg qoftë, Lali Eri!

Fundjava ime mbetet gjithnjë ndryshe, mes njerëzve në nevojë. E gjithë java e politikës po njësoj, mes llafeve të kota. Pa merak miq, unë jam Arbëri i fundjavës” – shkruan Hajdari.