Ministrja Spahiu viziton pacientët te Trauma, 19-vjeçari me këmbën e thyer: Isha duke kaluar, s’kam lidhje me protestën (VIDEO)

Ministrja e Shëndetësisë, Klodiana Spahiu, zhvilloi një vizitë në Spitalin Universitar të Traumës, ku u njoh nga afër me situatën dhe shërbimin mjekësor të ofruar për personat e lënduar, të paraqitur pas protestës.

Gjatë vizitës, ministrja takoi ekipin mjekësor në gatishmëri, si dhe pacientët që aktualisht po marrin kujdes shëndetësor pranë këtij spitali, informon Report Tv.

Klodiana Spahiu: Si duket gjendja?

Agustin Suma: Ka dashur Zoti, të gjithë janë mirë.

Klodiana Spahiu: Nuk ka asnjë…

Agustin Suma: Jo, as të intubuar, as në këmbë.

Më pas, ajo ndaloi edhe te 19-vjeçari me këmbë të thyer, i cili i thotë se nuk ishte protestues, por vetëm kalimtar i rastit.

Klodiana Spahiu: Si je? Ke dhimbje?

Pacienti: Kam.

Klodiana Spahiu: Ke dhimbje të këmbës?

Pacienti: Po.

Klodiana Spahiu: Do të bëjmë ekzaminimet. Mos u shqetëso. Ishe duke kaluar aty?

Pacienti: Po, isha duke kaluar, s’kam lidhje me protestën fare.