Alarm për ushqimin në Maqedoninë e Veriut: Vetëm 5% e qytetarëve i besojnë plotësisht asaj që hanë

Vetëm 5% kanë besim të plotë te ushqimi që blejnë në Maqedoninë e Veriut

Besimi i qytetarëve te siguria dhe cilësia e ushqimit që shitet në Maqedoninë e Veriut mbetet në nivel shumë të ulët.

Sipas të dhënave të prezantuara, vetëm 5 për qind e qytetarëve deklarojnë se kanë besim të plotë te ushqimi që blejnë dhe konsumojnë.

Kjo tregon se një pjesë e madhe e konsumatorëve kanë dyshime për cilësinë, sigurinë dhe mënyrën e kontrollit të produkteve ushqimore në treg.

Çështja e sigurisë ushqimore mbetet një nga shqetësimet kryesore të konsumatorëve, ndërsa kërkohet më shumë transparencë dhe kontrolle më të rrepta për produktet që përfundojnë në tryezat e qytetarëve.