Sulmon kunatën dhe mbesën në oborrin e shtëpisë, arrestohet 46-vjeçari

Një 46-vjeçar nga një fshat i Tetovës është arrestuar pasi dyshohet se ka sulmuar fizikisht kunatën e tij dhe vajzën e saj shtatëvjeçare në oborrin e shtëpisë familjare.

Ngjarja ka ndodhur më 8 shtator, rreth orës 20:20, në rajonin e Tetovës.

Sipas njoftimit të policisë, zyrtarët policorë nga Njësia Policore në Grupçin e kanë privuar nga liria R.N. (46), pas një denoncimi të bërë nga kunata e tij.

Sipas denoncimit, 46-vjeçari dyshohet se në oborrin e shtëpisë familjare i ka sulmuar atë dhe vajzën e saj shtatëvjeçare, duke përdorur një objekt të fortë.

R.N. është ndaluar në stacionin policor, ndërsa pas dokumentimit të plotë të rastit, ndaj tij do të parashtrohet kallëzim përkatës, njofton policia.