Mustafa Dauti: Parandalohet futja e paligjshme e 200 mijë eurove në Maqedoninë e Veriut

Zyrtarët doganorë kanë parandaluar tentativën për futjen e paligjshme të 200 mijë eurove në vend, gjatë kontrollit të një automjeti në Pikën Kufitare Tabanoc.

Sipas njoftimit të Drejtorisë së Doganave, shuma është zbuluar te një shtetas hungarez, i cili nuk e kishte deklaruar valutën gjatë hyrjes në Republikën e Maqedonisë së Veriut.

Paratë ishin fshehur në disa çanta dhe një valixhe, të vendosura në pjesë të ndryshme të automjetit.

Pas ndërmarrjes së masave të parashikuara me Ligjin për Punën Devizore, shtetasit i janë kthyer 10 mijë euro, ndërsa 190 mijë euro janë mbajtur nga autoritetet.

Për rastin është paraqitur kërkesë për inicimin e procedurës kundërvajtëse.

Drejtoria e Doganave njofton se vijon kontrollet dhe zbatimin e legjislacionit në pikat kufitare.