Për të hyrë në Greqi nga Maqedonia këtë mëngjes pritet më shumë se një orë

Edhe pse bëhet fjalë vetëm për tre ditë, qytetarët nuk heqin dorë nga një fundjavë e shkurtër buzë detit. Fotot e mëngjesit të sotëm tregojnë një kolonë të gjatë automjetesh që presin të dalin nga vendi për të hyrë në Greqi, përcjell zyrtare.net

Rritja e fluksit të trafikut vjen si pasojë e fundjavës së fundit të zgjatur para fillimit të vitit të ri shkollor, periudhë të cilën shumë familje tradicionalisht e shfrytëzojnë për një udhëtim të shkurtër.

Drejtuesit e automjeteve këshillohen të planifikojnë kohë shtesë për udhëtimin, të kenë me vete ujë të mjaftueshëm dhe të respektojnë rregullat e trafikut gjatë pritjes në pikat kufitare.

Nëse është e mundur, rekomandohet nisja jashtë orëve të mëngjesit kur ka më shumë ngarkesë, për një udhëtim më të lehtë dhe më të sigurt./ZYRTARE.net