Nis rikonstruksioni i Rrugës 10 në Haraçinë, Beqiri: Investim 5.9 milionë denarë

Në Haraçinë kanë nisur punimet për rikonstruksionin e krahut të Rrugës 10, me gjatësi prej 448 metrash dhe gjerësi prej 4.5 metrash, shkruan Zyrtare.net

Lajmin e ka bërë të ditur kryetari i Komunës së Haraçinës, Daut Beqiri, i cili tha se në kuadër të projektit do të ndërtohet edhe një urë e re, me qëllim përmirësimin e qarkullimit dhe rritjen e sigurisë për banorët e zonës.

Investimi kap vlerën e rreth 5.9 milionë denarëve dhe realizohet me mbështetjen e Ministrisë së Transportit.

“Punët vazhdojnë. Haraçina po bëhet më e mirë, rrugë pas rruge”, ka shkruar Beqiri./ZYRTARE.net