Nis gjykimi në lidhje me dyshimet për keqpërdorime në Lotarinë Shtetërore

Para Gjykatës Themelore Penale në Shkup sot nis procesi gjyqësor për rastin e “Lotarisë Shtetërore”, në të cilin të akuzuar janë ish-zëvendëskryeministri Artan Grubi dhe shtatë persona të tjerë, raporton zyrtare.

Lënda, përmes sistemit të shpërndarjes automatike, i është caktuar gjyqtares Biljana Shuplinovska-Jovevski.

Prokuroria Themelore Publike në Shkup më 13 gusht ngriti aktakuzë ndaj tetë personave, të cilët akuzohen si bashkëkryerës të veprës penale “Keqpërdorim i pozitës dhe autorizimit zyrtar”.

Sipas aktakuzës, gjatë viteve 2023 dhe 2024, të akuzuarit së bashku kanë ndërmarrë veprime përmes të cilave kanë tejkaluar kompetencat dhe detyrat e tyre zyrtare, me qëllim që t’i shkaktojnë dëm “Lotarisë Shtetërore”./ZYRTARE.mnet