Kamioni i djegur që bllokoj autostradën i përkiste kompanisë “Meli”, ishte i dedikuar për transport të kafshëve (Video)

Në autostradën “Ibrahim Rugova” sot në orët e pasdites ishte shkaktuar bllokadë total për rreth një orë pas djegies së një kamioni për transportimin e kafshëve, raporton Veriu.info.

Raportohet se kamioni që është kapluar nga zjarri i përkiste kompanisë “Meli”, e cila merret me import të kafshëve.

Për ta fikur zjarrin në vendngjarje kishin dalë zjarrëfikësit, të cilët me profesionalizëm shuan zjarrin që kishte kapluar kamionin.

Lidhur me situatën e krijuar ka reaguar kompania “Meli”, ku ka kërkuar falje për pengesat e shkaktuara në trafik, duke shprehur keqardhje për situatën e krijuar.

“U kërkojmë ndjesë të gjithë qytetarëve dhe pjesëmarrësve në trafik për vonesat, pritjet dhe vështirësitë e shkaktuara. Jemi plotësisht të vetëdijshëm për shqetësimin që një situatë e tillë ka krijuar për shumë udhëtarë dhe shprehim keqardhjen tonë të sinqertë”, thuhet në reagimin e mishtores “Meli”.

LEXONI EDHE:

AUV me VENDIM i pezulloi lejen e importit “Melii Farm” Sh.P.K., u zbulua se nuk i raportoi 2965 kafshë të futura në Kosovë (Dokument)

Meli, Buquku, Luka e të tjera: Ja emrat e disa kompanive që iu është pezulluar leja e importit të kafshëve për shkak dokumenteve të falsifikuara dhe evazionit fiskal

Mensur Bunjaku është biznesmeni i arrestuar që dyshohet se kanosi zyrtarin e AUV-it për shkak të detyrës zyrtare

Komuna e Bulliqit i jep tender për mëshqerra të BE-së kompanisë që i ishte pezulluar leja e importit për dallavere me import të kafshëve