Drejtori i AKE-së, Nusret Haliti, zhvillon takim me Jaroslaw K. Ponder në Samitin Global “AI for Good” në Gjenevë

Drejtori i Agjencisë për Komunikime Elektronike (AKE), Nusret Haliti, ka bërë të ditur se gjatë pjesëmarrjes në AI for Good Global Summit dhe WSIS+20 High-Level Event në Gjenevë, ka zhvilluar një takim me Jaroslaw K. Ponder.

Sipas Halitit, gjatë takimit është diskutuar për të ardhmen e inteligjencës artificiale, transformimin digjital dhe rëndësinë e forcimit të bashkëpunimit ndërkombëtar për të nxitur inovacionin, lidhshmërinë dhe zhvillimin digjital gjithëpërfshirës.

Ai theksoi se shkëmbimi i mendimeve me përfaqësuesit e Zyrës Evropiane të Unionit Ndërkombëtar të Telekomunikacionit (ITU) është një mundësi e rëndësishme për avancimin e iniciativave në fushën e teknologjisë dhe transformimit digjital.

Haliti gjithashtu shprehu pritjen që bashkëpunimi me Zyrën Evropiane të ITU-së të vazhdojë edhe në të ardhmen, me synim ndërtimin e një të ardhmeje digjitale më të ndërlidhur, më inovative dhe më të qëndrueshme.