Dauti nga Novosella: Integriteti dhe profesionalizmi janë kyç për sigurinë kufitare

Zv drejtori i Doganave, Mustafa Dauti, ka zhvilluar një vizitë pune në Pikën Kufitare Novosellë, me qëllim të vlerësimit të funksionimit të proceseve të punës dhe koordinimit institucional.

Gjatë vizitës, Dauti u takua me stafin e pikës kufitare, me të cilin diskutoi për përmbushjen e detyrave, sfidat operative dhe rëndësinë e zbatimit me përpikëri të procedurave ligjore dhe standardeve profesionale.

Ai shprehu vlerësimin për përkushtimin dhe profesionalizmin e zyrtarëve doganorë, duke theksuar se përgjegjësia, integriteti dhe bashkëpunimi mbeten elemente kyçe për garantimin e sigurisë kufitare.

Sipas Dautit, puna profesionale dhe koordinimi institucional janë thelbësore edhe për ofrimin e një shërbimi sa më cilësor për qytetarët, ndërsa ritheksoi rëndësinë e respektimit të standardeve në kryerjen e detyrave të përditshme.