Çfarë është Qerbelaja dhe Ashureja?

Qerbelaja është një vend në Irak, ku ra dëshmor Hazreti Husejni, biri i Hazreti Aliut dhe nipi i të Dërguarit të Allahut, Muhamedit alejis-selam, në përballjen me forcat e guvernatorit të dinastisë Emevite.

Sipas ehli-sunnetit, Ashureja nënkupton agjërimin e ditës së dhjetë të muajit Muharrem. Ky agjërim, fillimisht, u urdhërua, e më pas u rekomandua nga i Dërguari i Allahut s.a.v.s.

Kur Pejgamberi a.s. mbërriti në Jethrib (Medinë), pa se hebrenjtë e agjëronin ditën e dhjetë të Muharremit, si shenjë falënderimi ndaj Allahut për shpëtimin e Musait a.s. dhe popullit të tij nga robëria e faraonit në Egjipt. Atëherë ai tha:

“Ne kemi më shumë të drejtë ndaj Musait sesa ju.”

Pastaj urdhëroi që edhe myslimanët ta agjëronin atë ditë. Më vonë, pasi u bë obligim agjërimi i muajit të Ramazanit, Pejgamberi a.s. rekomandoi që, krahas ditës së dhjetë, të agjërohej edhe dita e nëntë e Muharremit, në mënyrë që muslimanët të dalloheshin nga hebrenjtë.

Ndërsa, sipas mësimeve shiite, Qerbelaja dhe Ashureja kanë një simbolikë dhe kuptim tjetër. Fatkeqësisht, këto ngjarje dhe kjo ditë ndonjëherë përdoren edhe për qëllime të tjera që nuk lidhen me mësimet autentike të fesë islame.

__________

Burimi: Islam.ba

Përktheu: Islampress.ch