Mustafa Dauti viziton Panairin e Librit Shqip në Shkup, e vlerëson si ngjarje me rëndësi kulturore

Zëvendësdrejtori i Doganave, Mustafa Dauti, ka vizituar Panairin e Librit Shqip në Shkup, duke e cilësuar atë si një ngjarje të rëndësishme kulturore që po organizohet për herë të parë në kryeqytet.

Përmes një postimi, Dauti shprehu kënaqësinë që ishte pjesë e këtij aktiviteti, duke theksuar se panairi përfaqëson një hap të rëndësishëm në promovimin e librit shqip dhe në bashkimin e autorëve, botuesve dhe lexuesve rreth vlerave të dijes, kulturës dhe identitetit kombëtar.

Ai vlerësoi se organizimi i këtij panairi do të ndikojë pozitivisht në pasurimin e jetës kulturore dhe në forcimin e kulturës së leximit te gjeneratat e reja.

“Besoj se kjo nismë do të shndërrohet në një traditë të qëndrueshme, duke kontribuar në pasurimin e jetës kulturore dhe në forcimin e dashurisë për librin ndër breza”, ka shkruar Dauti.